တာမွေမြို့နယ်တွင် ဖြစ်ပွားခဲ့သည့် လူသတ်မှုမှ ပြစ်မှုကျူးလွန်သူများအား ရန်ကုန်တိုင်းဒေသကြီးရဲတပ်ဖွဲ့က အချိန်တို အတွင်းဖော်ထုတ်ဖမ်းဆီးရမိ
ရန်ကုန်တိုင်းဒေသကြီး၊ တာမွေမြို့ နယ် ကျိုက္ကဆံလမ်းမပေါ်ရှိ ကလေးကစားသည့် ဂိမ်းဆိုင်တွင် ကလေးမိခင်ချင်း စကားများရန်ဖြစ်ခဲ့သည့် ကိစ္စနှင့် ပတ်သက်၍ မင်းမဲ့စရိုက်ဆန်ဆန် အုပ်စုဖွဲ့ လူသတ်မှုမှ ပြစ်မှုကျူးလွန်သူများအား ဖမ်းဆီးရမိကြောင်း ရန်ကုန်တိုင်းဒေသကြီး ရဲတပ်ဖွဲ့မှ ယနေ့ သတင်းထုတ်ပြန်ပါသည်။


ဖြစ်စဉ်မှာ ၁၁.၉.၂၀၁၈ ရက်နေ့ ညနေ ၁၇၀၀ နာရီအချိန် တာမွေမြို့နယ်၊ (က)ရပ်ကွက်နေ ဒေါ်--------- ၏ အတူနေသမီးဖြစ်သူ မ------- နှင့် သမီး၏ခင်ပွန်းဖြစ်သူ ကတုံးမ(ခ) ဇော်ဟိန်းသူ၊ (၃၀)နှစ်တို့သည် ကျိုက္ကဆံလမ်းမပေါ်ရှိ ------- ကလေးကစားသည့်ဆိုင်တွင် ဂိမ်းဆော့ရင်း ဆိုင်ရှေ့တွင် ၎င်း၏ ကလေးအား အနီးရှိ ကလေးတစ်ဦးမှကစား စရာသေနတ်ဖြင့် ဦးခေါင်းအား ထုနေသောကြောင့် မထုရန်ပြောဆိုရာမှ အဆိုပါ ကလေး၏ မိခင်ဖြစ်သူ နှင့် စကားများရန်ဖြစ်ခဲ့သည့် ကိစ္စနှင့် ပတ်သက်၍ ည ၂၂၁၅ နာရီအချိန်ခန့်တွင် ၀င်းထွဋ်ဝင်းဆိုသူမှ ဒေါ်------- ၏ ခင်ပွန်းဖြစ်သူ ဦး--------အား ဖုန်းဆက်၍ “မင်းတို့စောက်ချိုးမပြေဘူး မင်းတို့ကိုလာခုတ်မယ်”ဟု ပြောကြားခဲ့ပြီး ဖုန်းထဲတွင် အပြန်အလှန် စကားများခဲ့ကြောင်း၊ ယင်းနောက် ဒေါ်----တို့ မိသားစုများမှာ တိုက် အောက် သို့ဆင်းလာစဉ် မျက်နှာချင်းဆိုင် လမ်းတစ်ဖက်တွင် ကား (၃)စီးမောင်းနှင် လာပြီးရပ်တန့်၍ ကားပေါ်မှ လူတစ်စုဆင်းလာပြီး ၎င်းတို့လက်ထဲတွင် လှံ၊ ဓားများကိုင်ဆောင်ကာ ပြေးဝင်ထိုးခုတ်မှုကြောင့် ဒေါ်---------၏ ခင်ပွန်းဖြစ်သူ ဦး------မှာ ယာလက်ထိုးသွင်းဒဏ်ရာဖြင့် လည်းကောင်း၊ ၎င်းတို့အိမ်မှ အလုပ်သမားဖြစ်သူ ကို---- တွင် ၀ဲပခုံးထိုးသွင်းဒဏ်ရာ၊ ၀ဲမျက်ရိုးထိုးသွင်းဒဏ်ရာ၊ ဦးခေါင်းနောက်စေ့ ပြတ်ရှဒဏ်ရာများဖြင့်လည်းကောင်း၊ သမက်ဖြစ်သူ ကတုံးမ(ခ)ဇော်ဟိန်းသူမှာ ဦးခေါင်း နောက်စေ့ပြတ်ရှ ဒဏ်ရာ၊ ၀ဲမျက်ခုံးဖူးရောင်ဒဏ်ရာ၊ ၀ဲမျက်လုံးပြတ်ရှဒဏ်ရာ၊ ရင်ညွန့်ထိုးသွင်း ဒဏ်ရာ၊ ၀ဲနံဘေးထိုးသွင်းဒဏ်ရာ၊ ကျောကုန်းဝဲဘက်ထိုးသွင်းဒဏ်ရာ၊ ယာပေါင်ပြတ်ရှဒဏ်ရာများဖြင့် ရန်ကုန်ပြည်သူ့ ဆေးရုံကြီးသို့ ပို့ဆောင်စဉ် သမက်ဖြစ်သူ ကတုံးမ(ခ)ဇော်ဟိန်းသူမှာ လမ်း၌သေဆုံးသွားပြီး ခင်ပွန်းဖြစ်သူနှင့် အလုပ်သမားဖြစ်သူတို့မှာ ဆေးရုံတွင် ကုသလျက်ရှိသဖြင့် နာကျင်ဒဏ်ရာများရရှိအောင်ပြုလုပ်သူနှင့် သမက်ဖြစ်သူအား သေဆုံးအောင် ပြုလုပ်သူတို့အား အရေးယူပေးရန် တိုင်ကြားသဖြင့် တာမွေမြို့မရဲစခန်း (ပ)၈၈၃/၂၀၁၈၊ ရာဇသတ်ကြီးပုဒ်မ ၃၀၂ /၃၂၆ /၁၁၄ ဖြင့် အမှုဖွင့်လှစ်ပြီး တရားခံဖမ်းဆီးရမိရေးအတွက် စုံစမ်းခဲ့ပါသည်။


ပြစ်မှုကျူးလွန်သူများကို ဖမ်းဆီးရမိရေးအတွက် ရန်ကုန်တိုင်းဒေသကြီး ရဲတပ်ဖွဲ့မှူး၏ ညွှန်ကြားချက်နှင့် အရှေ့ပိုင်းခရိုင်ရဲတပ်ဖွဲ့မှူး၏ အနီးကပ်ကြီးကြပ်မှုဖြင့် အရှေ့ပိုင်းခရိုင်ရဲတပ်ဖွဲ့မှူးရုံး၊ မှုခင်းနှိမ်နင်းရေးဌာနစုမှ တပ်ဖွဲ့ဝင်များနှင့် ပူးပေါင်းအဖွဲ့မှ အခင်းဖြစ်နေရာသို့ သွားရောက်စစ်ဆေးရာ အခင်းဖြစ်နေရာရှိ ပြစ်မှုကျူးလွန် သူများကျန်ရှိခဲ့သော DD/--------Toyota Succeed အပြာရောင်အငှားယာဉ်ပေါ်မှ ဓားရှည်(၉)ချောင်း၊ ဓားတို (၂)ချောင်း၊ လှံ (၂)ချောင်း၊ ပေါက်စိန် (၁)လက်၊ သံလက်သီးကွင်း(၁)ခုနှင့် တာမွေယာယီဈေးရှေ့ အမှိုက်ပုံအနီးမှ ဓားရှည် ၂ ချောင်း၊ တာမွေယာယီဈေးနောက် လူဝင်ပေါက်အနီးမှ ဓားရှည်(၂) ချောင်းတို့အား အသီးသီးတွေ့ရှိ သိမ်းဆည်းရမိခဲ့ပါသည်။

ဆက်လက်၍ ည ၂၃၂၅ နာရီအချိန်တွင် ဒဂုံမြို့သစ်(တောင်ပိုင်း)မြို့နယ်၊ (၂၆)ရပ်ကွက်၊ ပြည်ထောင်စုလမ်း မပေါ်တွင် AA/-------- Toyota Caldina အငှားယာဉ်ပေါ်မှ ဒဂုံမြို့သစ်(တောင်ပိုင်း)မြို့နယ်၊ (၂၂)ရပ်ကွက်နေ ဖြူတုတ်(ခ)သိန်းထွေး၊ (၄၀)နှစ်အား ရန်ဖြစ်စဉ်တွင် ရရှိသော ၀ဲလက်ဖ၀ါး ပြတ်ရှဒဏ်ရာဖြင့်လည်းကောင်း၊ သာကေတမြို့နယ်၊ (၈)ရပ်ကွက်နေ သံဗုဒ္ဓေ(ခ)၀င်းနိုင်၊ (၄၁)နှစ်၊ ဒဂုံမြို့သစ်(ဆိပ်ကမ်း)မြို့နယ်၊ (၂၂)ရပ်ကွက်နေ သီဟအောင်၊(၃၅)နှစ်၊ ဒဂုံမြို့သစ်(ဆိပ်ကမ်း)မြို့နယ်၊ (၉၄) ရပ်ကွက်နေ ယဉ်မိုး(ခ)မိုးကြီး၊ (၄၁)နှစ်တို့အား ဖမ်းဆီးရမိခဲ့ပြီးနောက် ဒဂုံမြို့သစ်(တောင်ပိုင်း)မြို့နယ်၊ (၇၇)ရပ်ကွက်နေ ၀င်းမြင့်၊ (၄၂)နှစ်မှာ 7J/-------- Toyota Alphard အဖြူရောင်ယာဉ်နှင့် ထွက်ပြေးသောကြောင့် ရဲတပ်ဖွဲ့ဝင်များမှ လိုက်လံ ဖမ်းဆီးရာ ည ၂၃၃၀ နာရီအချိန်တွင် သာကေတမြို့နယ်၊ (၉)ရပ်ကွက်၊ န၀ရတ် လမ်းပေါ်တွင် ကားရပ်၍ ကားပေါ်မှ ဆင်းလာပြီး ပြန်လည်ခုခံသဖြင့် ပန့်အက်ရှင်သေနတ်ဖြင့် ပစ်ခတ်ဖမ်းဆီးခဲ့ရာ ၎င်း၏ ကျောကုန်းနှင့် လက်မောင်းနှစ်ဖက်တွင် ဒဏ်ရာများရရှိပြီး ဖမ်းဆီးရမိခဲ့သည်။


၎င်းနောက် ၁၂.၉.၂၀၁၈ ရက်နေ့ နံနက် ၀၀၅၀ နာရီအချိန်တွင် သာကေတမြို့နယ်၊ ၁၀/မြောက်ရပ်ကွက်နေ သိန်းထိုက်အောင်(ခ) အန်းကုန်း၊ (၂၉)နှစ်၊ ဒဂုံမြို့သစ်(ဆိပ်ကမ်း)မြို့နယ်၊ (၁၆၈)ရပ်ကွက်နေ မင်းအောင်၊ (၄၂) နှစ်တို့အား ဒဂုံမြို့သစ်(တောင်ပိုင်း)မြို့နယ်၊ (၅၆)ရပ်ကွက်၊ မင်္ဂလာလမ်းပေါ်တွင်လည်းကောင်း၊ ယင်းနေ့ နံနက်
၀၂၀၅ နာရီအချိန် သာကေတမြို့နယ်၊ (၈)ရပ်ကွက်နေ ၀င်းထွဋ်ဝင်း၊ (၄၂)နှစ်အား ဒဂုံမြို့သစ်(ဆိပ်ကမ်း) မြို့နယ်၊ (၆၇)ရပ်ကွက်၊ ရထားသံ လမ်းအနီး၊ ဗေလုဝကွေ့တွင်လည်းကောင်း အသီးသီးဖမ်းဆီးရမိခဲ့ ပါသည်။

ဖမ်းဆီးရမိသူများဖြစ်သည့် ၀င်းထွဋ်ဝင်းပါ (၈)ဦးတို့အား ပြစ်မှုကျူးလွန်ရာတွင် အသုံးပြုသည့် သက်သေခံ ပစ္စည်းများနှင့် ပြန်လည်သိမ်းဆည်းနိုင်ခဲ့ပြီး ၎င်းတို့အား ဥပဒေနှင့်အညီ ဆက်လက်အရေးယူသွားမည်ဖြစ်ကြောင်း သတင်းထုတ်ပြန်ချက်တွင် ဖော်ပြထားပါသည်။

သစ်ထူးလွင်