ရခိုင်ပြည်နယ် ​မောင်တောမြို့နယ် ၊မြို့ဦးကျေးရွာအုပ်စု လသာကျေးရွာမှာ သတင်းအရဝင်ရောက်ရှာဖွေရာမှ ယနေ့(အောက်တိုဘာလ(၈)ရက်) ညနေ (၄)နာရီခန့်က ​ငွေကျပ်သန်းပေါင်းနှစ်ထောင်ကျော်တန်ဖိုးရှိတဲ့(WY)စာတမ်းပါပန်းရောင်စိတ်ကြွဆေးပြားတွေဖမ်းဆီးရမိခဲ့တယ်လို့ပြည်နယ်ရဲတပ်ဖွဲ့မှူးရုံးက သိရပါတယ်။


လသာကျေးရွာနေ ​ရော်ဖီးရဲ့နေအိမ်မှာရော်ဖီး(ခ)ရော်ဖီးအူလာ(ဘ)ဂျီနာ(ခ)ဒီမာမောက်လ်ဆိုသူဟာ မူးယစ်ဆေးဝါးအိတ်များရွှေ့ပြောင်းသယ်ဆောင်နေကြောင်းသတင်းရရှိတဲ့အတွက်ရခိုင်ပြည်နယ် ရဲတပ်ဖွဲ့မှူးရုံးမှ ရဲမှူးကြီး ကြည်လင်းရဲ့စီမံကွပ်ကဲမှုနဲ့မောင်တောခရိုင် ဒုရဲမှူးကြီးထွန်းမြင့်ထွန်းကိုယ်တိုင်အနီးကပ်ကြီးကြပ်ကာမူးယစ်ပူးပေါင်းအဖွဲ့ကရှာဖွေမှုတွေပြုလုပ်ရာမှာ ​တွေ့ရှိခဲ့တာပါ။ နေအိမ်မှာလူတစ်ယောက်မှမတွေ့တဲ့အတွက် သက်သေတွေနဲ့အတူဝင်ရောက်ရှာဖွေခဲ့ရာမှာ အိမ်အတွင်းခန်းက အ၀ါရောင်ဆာလာအိတ်(၆)လုံးထဲမှာwy စာတမ်းပါပန်းရောင်စိတ်ကြွဆေးပြား(၁၁၇၀၀၀၀)၊အလေးချိန်(၁၁ရ)ကီလို၊ကာလတန်ဘိုးစုစုပေါင်းတန်ဖိုးကျပ်သန်းပေါင်း(၂၃၄၀)အားရှာဖွေတွေ့ရှိခဲ့တယ်လို့သိရပါတယ်။


ဒီဖြစ်စဉ်နဲ့ပတ်သက်ပြီး ​မောင်တောမြို့မရဲစခန်းကတရားခံ​တွေကို အမှုဖွင့်နိုင်ရေးစီစဉ်ဆောင်ရွက်နေတယ်လို့သိရပါတယ်။


သတင်း- လဝန်းရံ(စစ်​​တွေ)
5 PLUS NEWS
https://www.facebook.com/pg/5plusnews