ပြည်သူ့ဘဏ္ဍာငွေများကို စီမံခန့်ခွဲသုံးစွဲရာ၌ လေလွင့်ယိုဖိတ်မှု မရှိစေရန် သတိပြု ဆောင်ရွက်ကြရန်နှင့် နိုင်ငံတော်အနေဖြင့် ပြည်တွင်း၊ ပြည်ပကြွေးမြီများကို ကြွေးမြီခံနိုင်ရည်ရှိမှု အတိုင်းအတာအတွင်းမှသာ ဆောင်ရွက်သွားရန် လိုအပ်မည်ဖြစ်ကြောင်း နိုင်ငံတော်သမ္မတ ဦးထင်ကျော်က ဘဏ္ဍာရေးကော်မရှင် အစည်းအဝေး၌ ပြောကြားသည်။

ကော်မရှင်အစည်းအဝေးကို ဇန်န၀ါရီ ၉ ရက် မွန်းလွဲပိုင်းတွင် နိုင်ငံတော်သမ္မတ အိမ်တော် အစည်းအဝေးခန်းမ၌ ကျင်းပခဲ့ပြီး သမ္မတက အထက်ပါကဲ့သို့ ထည့်သွင်းပြောကြားခဲ့ခြင်းဖြစ်ကာ ယခုဘဏ္ဍာရေး ကော်မရှင် အစည်းအဝေးသည် ၂၀၁၇-၂၀၁၈ ဘဏ္ဍာနှစ် ပြည်ထောင်စု၏ အရအသုံး ခန့်မှန်းခြေ ငွေစာရင်းနှင့် ၂၀၁၇ ခုနှစ် ပြည်ထောင်စု၏ ဘဏ္ဍာငွေအရ အသုံးဆိုင်ရာ ဥပဒေကြမ်းတို့ကို ဆွေးနွေး အတည်ပြုကြရန် ပြုလုပ်ခြင်းဖြစ်ကြောင်း နိုင်ငံတော် သမ္မတရုံးက သတင်းထုတ်ပြန်သည်။

ဘဏ္ဍာရေးကော်မရှင် အနေဖြင့် ပြည်ထောင်စု အစိုးရအဖွဲ့က ပြည်ထောင်စုလွှတ်တော်သို့ တင်သွင်းမည့် ၂၀၁၇ ခုနှစ် ပြည်ထောင်စု၏ ဘဏ္ဍာငွေအရ အသုံးဆိုင်ရာ ဥပဒေကြမ်းကို ထောက်ခံ တင်ပြပေးရန် ဖြစ်ပါကြောင်း၊ ပြည်ထောင်စု အစိုးရအဖွဲ့သည် စီးပွားရေးမူဝါဒ (၁၂) ရပ်ကို ချမှတ်ခဲ့ပြီး ပြည်သူကို ဗဟိုပြု၍ အားလုံး ပါဝင်နိုင်သည့် စဉ်ဆက်မပြတ် စီးပွားရေး ဖွံ့ဖြိုးတိုးတက်မှု ရရှိစေရန် ဆောင်ရွက်သွားမည်ဖြစ်ကြောင်း၊ နိုင်ငံတော်၏ စီးပွားရေး မူဝါဒများနှင့် အမျိုးသား ဖွံ့ဖြိုးမှု စီမံကိန်းများကို အထောက်အကူပြုစေမည့် အသုံးစရိတ်များကို စနစ်တကျ ခွဲဝေ သုံးစွဲသွားရမည်ဖြစ်ကြောင်း၊ သို့သော် ကြွေးမြီ ၀န်ထုပ်ဝန်ပိုး ကြီးလေးမလာစေရန်နှင့် ကြွေးမြီအတွက် ခံနိုင်ရည်ရှိမှု အနေအထားကို ထိန်းသိမ်းထားနိုင်ရေး အတွက် ဘတ်ဂျက်လိုငွေကို ဂျီဒီပီ၏ ငါးရာခိုင်နှုန်းထက် မကျော်လွန်စေရေးကိုလည်း ဆက်လက်ထိန်းသိမ်း ဆောင်ရွက်သွားကြရမည်ဖြစ်ကြောင်း သမ္မတဦးထင်ကျော်က ပြောကြားသည်။

ဆက်လက်ပြီး သမ္မတဦးထင်ကျော်က နိုင်ငံတော်အနေဖြင့် လူ့စွမ်းအားအရင်းအမြစ် ဖွံ့ဖြိုးတိုးတက်ရေးအတွက် ပညာရေး၊ ကျန်းမာရေး အသုံးစရိတ်များကို နှစ်စဉ်တိုးမြှင့် လျာထားသုံးစွဲလျက် ရှိပါကြောင်း၊ ထို့ပြင် လူမှုကာကွယ် စောင့်ရှောက်ရေး၊ သစ်တောများ ပြန်လည်ထူထောင်ရေး၊ လျှပ်စစ်မီးရရှိရေး၊ ကျေးလက်ဒေသ ဖွံ့ဖြိုးတိုးတက်ရေး၊ အခြေခံ အဆောက်အအုံများ ဖွံ့ဖြိုးတိုးတက်ရေးစသည့် အသုံးစရိတ်များကို ဟန်ချက်ညီအောင် ခွဲဝေသုံးစွဲလျက် ရှိပါကြောင်း၊ ၂၀၁၇-၂၀၁၈ ခုနှစ်တွင် လူမှုကာကွယ် စောင့်ရှောက်ရေး အသုံးစရိတ်များကိုလည်း တိုးမြှင့်ခွဲဝေပေးခဲ့ကြောင်း ဆိုသည်။

တိုင်းဒေသကြီး သို့မဟုတ် ပြည်နယ်များ၏ ဘဏ္ဍာငွေအရ အသုံးဆိုင်ရာများနှင့် ပတ်သက်၍ ပြည်ထောင်စု ဘဏ္ဍာရန်ပုံငွေမှ တိုင်းဒေသကြီးနှင့် ပြည်နယ်များသို့ ဖွဲ့စည်းပုံ အခြေခံဥပဒေနှင့်အညီ ဖြည့်ဆည်း ထောက်ပံ့ပေးရာတွင် အခြားနိုင်ငံများ၌ ကျင့်သုံးနေကြသည့် နည်းစနစ်များကို လေ့လာပြီး စံနှုန်းသတ်မှတ်ချက်များဖြင့် စနစ်တကျ တွက်ချက်၍ အချိုးကျ မျှတအောင် ခွဲဝေပေးလျက်ရှိကြောင်း၊ တိုင်းဒေသကြီးနှင့် ပြည်နယ်များ အနေဖြင့် မိမိတို့၏ ရငွေအရင်းအမြစ်များ တိုးတက် များပြားလာရေးနှင့် ပြည်ထောင်စုမှ ဖြည့်ဆည်း ထောက်ပံ့ပေးသည့် ဘဏ္ဍာငွေများကို တိုင်းဒေသကြီး၊ ပြည်နယ် ဖွံ့ဖြိုးတိုးတက်ရေးတို့အတွက် အကျိုးရှိ ထိရောက်စွာ သုံးစွဲနိုင်ရန် အလေးထား ဆောင်ရွက်ကြရန် သမ္မတဦးထင်ကျော်က မှာကြားသည်။

အဆိုပါ အစည်းအဝေး၌ ဘဏ္ဍာရေး ကော်မရှင် ဒုတိယဥက္ကဋ္ဌ၊ ဒုတိယသမ္မတ ဦးမြင့်ဆွေက ပြည်ထောင်စုဌာန အဖွဲ့အစည်းများ၏ ၂၀၁၇-၂၀၁၈ ဘဏ္ဍာနှစ် ရသုံးခန့်မှန်းခြေ ငွေစာရင်းချုပ်ရငွေ စုစုပေါင်းမှာ ကျပ် ၁၆ ဒသမ ၇၆၈ ထရီလျံဖြစ်ပြီး သုံးငွေ စုစုပေါင်းမှာ ကျပ် ၂၀ ဒသမ ၈၉၆ ထရီလျံဖြစ်ကြောင်း၊ ထို့ကြောင့် စုစုပေါင်း လိုငွေပမာဏမှာ ကျပ် ၄ ဒသမ ၁၂၈ ထရီလျံ ဖြစ်ပါကြောင်း၊ ဂျီဒီပီတန်ဖိုးမှာ ကျပ် ၉၁ ဒသမ ၃၁၉ ထရီလျံ ဖြစ်သည့်အတွက် ၂၀၁၇-၂၀၁၈ ဘဏ္ဍာနှစ် အတွက် လိုငွေနှင့် ဂျီဒီပီအချိုးမှာ ၄ ဒသမ ၅၂ ရာခိုင်နှုန်း ဖြစ်ပါကြောင်း၊ အထက်ပါ သုံးငွေများတွင် ပြည်ထောင်စု ဘဏ္ဍာရန်ပုံငွေမှ တိုင်းဒေသကြီးနှင့် ပြည်နယ်များသို့ လိုငွေအတွက် ထောက်ပံ့ပေးသည့် ငွေကျပ် ၁၇၀၇ ဘီလျံပါဝင်ပြီး ဖြစ်ကြောင်း၊ ပြည်ပအကူအညီ ရငွေကျပ် ၆၁၈ ဒသမ ၉၂၆ ဘီလျံအပြင် ပြည်ပချေးယူရငွေ ကျပ် ၁၉၁၇ ဒသမ ၃၁၄ ဘီလျံ ပါဝင်ပါကြောင်း ပြောကြားသည်။

ထို့နောက် သမ္မတဦးထင်ကျော်က ပြည်ထောင်စုလွှတ်တော်မှ အတည်ပြုပြီးသည့်အခါ ရငွေသုံးငွေများကို ဥပဒေ၊ နည်းဥပဒေများ၊ ဘဏ္ဍာရေး စည်းမျဉ်း စည်းကမ်းများနှင့်အညီ တိတိကျကျ ကောက်ခံရရှိ သုံးစွဲကြရန် ဖြစ်ပါကြောင်း၊ ရငွေနှင့် ပတ်သက်၍ ရည်မှန်းချက်အတိုင်း ပြည့်မီကျော်လွန်အောင် ဆောင်ရွက်ပြီး ပြည်သူ့ဘဏ္ဍာငွေများ သုံးစွဲရာတွင် သုံးစွဲသည့် တန်ဖိုးနှင့် ရရှိမည့် အကျိုးကို ချင့်ချိန်သုံးစွဲရမည် ဖြစ်ပါကြောင်း၊ ဘဏ္ဍာငွေအရ အသုံးအတွက် တာဝန်ယူမှု၊ တာဝန်ခံမှု၊ တာဝန်သိမှု၊ တာဝန်ရှိမှုတို့ဖြင့် အစိုးရ၀န်ထမ်း အဆင့်ဆင့်က ဆောင်ရွက်ကြရန် လိုအပ်မည်ဖြစ်ကြောင်း ပြောကြားသည်။

ပြည်သူ့ဘဏ္ဍာငွေများကို နိုင်ငံတော်အတွက် စီမံခန့်ခွဲ သုံးစွဲကြရာတွင် မြန်မာကျပ်ငွေဖြစ်စေ၊ နိုင်ငံခြားသုံးငွေဖြစ်စေ လေလွင့်ယိုဖိတ်မှု မရှိစေရန် သတိပြု ဆောင်ရွက်ကြရမည်ဖြစ်ကြောင်း၊ နိုင်ငံတော် ဘတ်ဂျက်နှင့် မလုံလောက်သည့် ရင်းနှီးမြှုပ်နှံမှု အသုံးစရိတ် လိုအပ်ချက်များအတွက် ပြည်ပမှ အကူအညီ အထောက်အပံ့များ၊ ပြည်ပချေးငွေများကို ဖွံ့ဖြိုးမှု အကူအညီများ ညှိနှိုင်းရေးအဖွဲ့၏ စိစစ်မှုဖြင့် ရယူဆောင်ရွက်မည် ဖြစ်ပါကြောင်း၊ နိုင်ငံတော် အနေဖြင့် ပြည်တွင်း၊ ပြည်ပကြွေးမြီများကို ကြွေးမြီခံနိုင်ရည်ရှိမှု အတိုင်းအတာအတွင်းမှသာ ဆောင်ရွက်သွားရန် လိုအပ်မည်ဖြစ်ကြောင်း ၎င်းက ဆက်လက် ပြောကြားသည်။

မြန်မာနိုင်ငံ၏ ၃၀.၉.၂၀၁၆ ရက်အထိ ပြည်ပကြွေးမြီ အခြေအနေသည် အမေရိကန် ဒေါ်လာအားဖြင့် ၉ ဒသမ ၅၃၄ ဘီလျံခန့် ရှိပြီး အစိုးရသစ် လက်ထက်တွင် အမေရိကန် ဒေါ်လာသန်း ၅၀၀ ကျော်၊ ယူရို ၂၅ သန်းနှင့် ဂျပန်ယန်း ၁၂၅ ဘီလျံကျော် ချေးယူရန် ပြည်ထောင်စုလွှတ်တော်မှ အတည်ပြုထားကြောင်း စီမံကိန်းနှင့် ဘဏ္ဍာရေးဝန်ကြီးဌာန ဒုတိယ၀န်ကြီး ဦးမောင်မောင်ဝင်း၏ ပြောကြားချက်အရ သိရသည်။

ကြွေးမြီခံနိုင်ရည်ရှိမှုနှင့် ပတ်သက်၍ ကာလလတ်ကြွေးမြီ စီမံခန့်ခွဲမှု မဟာဗျူဟာ၏ အပိုဒ် (၁၉) ၌ ကမ္ဘာ့ဘဏ်နှင့် အပြည်ပြည်ဆိုင်ရာ ငွေကြေးရန်ပုံငွေ အဖွဲ့တို့က သတ်မှတ်ထားသည့် နိုင်ငံ၏ မူဝါဒနှင့် အဖွဲ့အစည်းဆိုင်ရာ မူဘောင်အား တိုင်းတာသည့် (country policy and institutional assessment-CPIA) score အရ အလယ်အလတ်အဆင့် ၀င်ငွေနည်းပါးသည့် နိုင်ငံများအတွက် စံနှုန်း သတ်မှတ်ချက်တွင် ပြည်ပကြွေးမြီနှင့် ဂျီဒီပီအချိုးမှာ ရာခိုင်နှုန်း ၃၀ ထက် မကျော်လွန်သင့်ကြောင်းဖြစ်ပြီး မြန်မာနိုင်ငံ၏ ၃၀. ၉.၂၀၁၆ ရက်ရှိ ပြည်ပကြွေးမြီနှင့် ဂျီဒီပီအချိုးသည် ၁၄ ဒသမ ၅၆ ရာခိုင်နှုန်း ဖြစ်သည့်အတွက် သတ်မှတ်စံနှုန်းအောက်၌ ရှိနေသဖြင့် ကြွေးမြီခံနိုင်ရည်ရှိသည့် အခြေအနေတွင် ရှိကြောင်း ဦးမောင်မောင်ဝင်းက ပြောကြားသည်။

ဒုတိယအကြိမ် ပြည်ထောင်စုလွှတ်တော် စတုတ္ထပုံမှန် အစည်းအဝေးသည် ဇန်န၀ါရီ ၃၀ ရက်တွင် စတင်ကျင်းပမည်ဖြစ်ပြီး ပုံမှန်အစည်းအဝေး ကာလအတွင်း ၂၀၁၇-၂၀၁၈ ဘဏ္ဍာနှစ်အတွက် အမျိုးသားစီမံကိန်း ဥပဒေကြမ်း၊ အခွန်အကောက်ဆိုင်ရာ ဥပဒေကြမ်း၊ ပြည်ထောင်စုဘဏ္ဍာငွေအရ အသုံးဆိုင်ရာ ဥပဒေကြမ်းများ အပါအ၀င် အခြားဥပဒေကြမ်းများကိုလည်း အတည်ပြုပြဋ္ဌာန်းမည်ဟု တတိယပုံမှန် အစည်းအဝေး နောက်ဆုံးနေ့ ဒီဇင်ဘာ ၂၀ ရက်တွင် လွှတ်တော်နာယက မန်းဝင်းခိုင်သန်းက ပြောကြားထားသည်။