ဟောင်ကောင် အုပ်ချုပ်ရေးမှူးဟောင်း ဒေါ်နယ်ဆန်သည် ရာထူး ထမ်းဆောင်စဉ် အချိန်က အာဏာ အလွဲသုံးစားပြုမှု ဆောင်ရွက်ခဲ့ပြီး အလွန်အကျွံ အပေးအယူ လုပ်ခဲ့ကြောင်း အစိုးရ ရှေ့နေများက ဇန်န၀ါရီ ၁၀ ရက်တွင် စတင်ခဲ့သည့် ထိပ်တန်း အကျင့်ပျက် ခြစားမှု ရုံးတင်စစ်ဆေးချိန်၌ ပြောကြားခဲ့သည်။ အသက် ၇၂ နှစ် ရှိပြီဖြစ်သော ဆန်သည် ၂၀၀၅ ခုနှစ်မှ စတင်၍ ဟောင်ကောင် အုပ်ချုပ်ရေးမှူးအဖြစ် ခုနစ်နှစ်ကြာ ထမ်းဆောင်ခဲ့ပြီး အဂတိလိုက်စားမှု စွဲချက်ဖြင့် ရုံးတင်စစ်ဆေး ခံခဲ့ရသည့် ဟောင်ကောင်၏ ရာထူးအမြင့်ဆုံး ခေါင်းဆောင်ဖြစ်ခဲ့သည်။

ဟောင်ကောင်သည် ကမ္ဘာပေါ်တွင် လွတ်လပ်ပြီး ပွင့်လင်းမြင်သာမှု အရှိဆုံး ဈေးကွက်တစ်ခု ဖြစ်သည်ဟု ဂုဏ်သတင်းကျော်စောခဲ့သော်လည်း ဆန်၏အမှုသည် အာဏာပိုင်များနှင့် စီးပွားရေး လုပ်ငန်းရှင်ကြီးများ အကြား နွေးထွေးသော ဆက်ဆံရေးများ ရှိနေကြောင်း ပြည်သူများ၏ သံသယဖြစ်မှုကို ပို၍ ကြီးထွားစေသော လက်မခံနိုင်စရာ အပြုအမူများအနက် နောက်ဆုံးအမှု ဖြစ်လာခဲ့ကြောင်း သိရသည်။

ဆန်သည် အုပ်ချုပ်ရေးမှူးအဖြစ် ၎င်း၏ ရာထူးဖြင့် အမြတ်ထုတ်ခဲ့ကြောင်း၊ ယင်းသည် ဖြစ်ရိုးဖြစ်စဉ် အကျိုးစီးပွား စပ်ယှက်မှု ဖြစ်ကြောင်း အစိုးရရှေ့နေ ဒေးဗစ်ပယ်ရီက ဟောင်ကောင် အထက်တရားရုံးတွင် ပြောကြားခဲ့သည်။ ဆန်သည် ၎င်း၏ သြဇာအာဏာကို ဟောင်ကောင်ပြည်သူများ၏ကိုယ်စား ဆောင်ရွက်ပေးရမည့်အစား ကိုယ်ကျိုးစီးပွားအတွက် အလွဲသုံးစားပြုခဲ့ကြောင်း ပယ်ရီက ပြောကြားခဲ့သည်။

ဆန်သည် အုပ်ချုပ်ရေးမှူးအဖြစ် ထမ်းဆောင်စဉ်က စွဲချက်တစ်ခုလျှင် အမြင့်ဆုံး ထောင်ဒဏ် ခုနစ်နှစ်အထိ ကျခံရနိုင်သော လက်မခံနိုင်သော အပြုအမူ ကျူးလွန်မှုနှင့် အကျင့်ပျက် ခြစားမှုဆိုင်ရာ စွဲချက်သုံးခု စွဲဆိုခံထားရပြီး ၎င်းကမူ စွဲချက် အားလုံးတွင် အပြစ်မရှိဟု ငြင်းဆန်ထားသည်။

ဆန်သည် တရုတ်နိုင်ငံ ရှန်ကျန်းမြို့ရှိ ဇိမ်ခံအိမ်တစ်လုံးအား ရုပ်သံနယ်ပယ်၏ အဓိက ရင်းနှီးမြှုပ်နှံသူ တစ်ဦးထံမှ ငှားရမ်းမည့် အစီအစဉ်ကို ထုတ်ပြန်ရန် ပျက်ကွက်ခဲ့သည်ဟု စွပ်စွဲခံခဲ့ရသည်။ အဆိုပါ ရင်းနှီးမြှုပ်နှံသူသည် ယင်းအချိန်က ဟောင်ကောင် အစိုးရထံမှ လုပ်ငန်းလိုင်စင်တစ်ခု ရရှိရန် ကြိုးပမ်းနေပြီး ဆန်သည် ယင်းလိုင်စင်ချပေးမှုအား ခွင့်ပြုခဲ့သည်ဟု စွပ်စွဲခံခဲ့ရသည်။

ထို့ပြင် ဆန်သည် အစိုးရက ဆုချီးမြှင့်ရန် ၎င်းအဆိုပြုထားသည့် ဗိသုကာ ပညာရှင်သည် ယင်းတိုက်ခန်း၏ အတွင်းပိုင်း ဒီဇိုင်းဖန်တီးသူအဖြစ် ခေါ်ယူထားကြောင်းကို ထုတ်ပြန်ရန်လည်း ပျက်ကွက်ခဲ့သည်။ နောက်ဆုံးစွဲချက် တစ်ခုမှာ ယင်းရင်းနှီးမြှုပ်နှံသူ၏ ကုမ္ပဏီများက ဇိမ်ခံတိုက်ခန်းထဲ၌ အားကစားရုံတစ်ခု၊ လက်ဖက်ရည်ခန်းနှင့် လက်ရေးလှရေးသည့်အခန်း အပါအ၀င် ပြင်ဆင်မွမ်းမံမှုများ အတွက်လည်း ကျခံပေးခဲ့ကြောင်း စွပ်စွဲခံခဲ့ရခြင်းဖြစ်သည်။

ဆန်သည် မိတ်ဆွေလုပ်ငန်းရှင်များထံမှ ဇိမ်ခံရွက်လှေနှင့် ကိုယ်ပိုင်ဂျက်လေယာဉ်များဖြင့် ခရီးသွားခြင်းကဲ့သို့သော မသင့်လျော်သည့် အပြုအမူများ ဆောင်ရွက်ခဲ့ကြောင်းကိုမူ ၂၀၁၂ ခုနှစ်တွင် ၀န်ခံခဲ့သည်။

လူကြိုက်မှုနည်းနေသော လက်ရှိ ဟောင်ကောင်အုပ်ချုပ်ရေးမှူး လျန်ချန်ယင်းသည်လည်း အုပ်ချုပ်ရေးမှူး မဖြစ်မီက သြစတြေးလျ အင်ဂျင်နီယာ ကုမ္ပဏီ UGL ထံမှ ဒေါ်လာ ၆ ဒသမ ၅ သန်း လက်ခံခဲ့သည်ဟု စွပ်စွဲခံထားရသည်။

Ref: AFP