“ခရီးတွေဘာတွေမသွားဘူး၊ မြို့ထဲမှာသုံးတယ်ဆိုရင်တောင် အနည်းဆုံး ခြောက်လမှာတစ်ကြိမ်လောက်တော့ စစ်ဆေးသင့်တယ်”
ကားအောက်ပိုင်း

“ခရီးတွေဘာတွေမသွားဘူး၊ မြို့ထဲမှာသုံးတယ်ဆိုရင်တောင် အနည်းဆုံး ခြောက်လမှာတစ်ကြိမ်လောက်တော့ စစ်ဆေးသင့်တယ်”



မော်တော်ယာဉ်တစ်စီး၏ အဓိကကျသည့် အစိတ်အပိုင်းများနှင့် ဖွဲ့စည်းထားသည့် ကားအောက်ပိုင်း Suspension အကြောင်းများ၊ ကားအောက်ပိုင်းကြံ့ခိုင်မှုကို စစ်ဆေးမှုမပြုလုပ်ဘဲ အရှိန်ဖြင့်မောင်းနှင်ပါကမည်သည့်အန္တရာယ် ဖြစ်ပေါ်လာနိုင်ခြင်းများနှင့် မည်သို့စစ်ဆေးမှုများ ပြုလုပ်ရမည့်အကြောင်းများကို Desire AutoWorks Car Service မှ Training မန်နေဂျာ ဦးစောကျော်ကျော်အေးနှင့် The Voice Daily တို့ တွေ့ဆုံမေးမြန်းထားမှုများကို ဖော်ပြပေးလိုက်ပါသည်။ 

Voice : ကားတစ်စီးရဲ့ အရေးကြီးအစိတ်အပိုင်းထဲမှာ ကားအောက်ပိုင်းပါတယ်ဆိုတော့ ဘယ်လိုအစိတ်အပိုင်းတွေပါလဲ။
USKKA : ကားအောက်ပိုင်းမှာက ကားဘော်ဒီနဲ့ ကားအောက်ပိုင်းချိတ်ဆက်ထားတဲ့ ဘောလ်ဂျွိင့် (Ball Joint) တွေ၊ စတီယာရင်နဲ့သက်ဆိုင်တဲ့ တိုင်းရော့ (Tie rod) တွေနဲ့ မိန်းလုံးတွေ (Tie rod end)၊ ကားမောင်းရတာ၊ ကားစီးရတာ သက်သောင့်သက်သာရှိ အောင်လုပ်ထားတဲ့ ရှော့ဘားတွေ (Shock Absorber) ကွိုင်စပရင်တွေ၊ ရော်ဘာဘွတ်တွေနဲ့ ဘရိတ်ပိုင်းနဲ့ဆိုင်တဲ့ တခြားအစိတ်အပိုင်းတွေ အများကြီးပါတယ်။

Voice : ကားအောက်ပိုင်းက ပစ္စည်းတွေက ဘယ်လိုအချိန်မှာ ပျက်စီးမှုရှိလာလဲ။
USKKA : လမ်းမကောင်းတာတို့၊ လမ်းမညီတဲ့နေရာမှာ အချိန်ကြာကြာမောင်းတာတွေ၊ အရှိန်ပြင်းပြင်းမောင်းတာတွေက ကားအောက်ပိုင်းက အစိတ်အပိုင်းတွေ ထိခိုက်ပျက်စီးစေတယ်။ ပြီးတော့ကား အသုံးပြုတာကြာလာပြီဆိုရင်လည်း အမြဲတမ်းလည်ပတ်နေရတဲ့ အစိတ်အပိုင်းတွေဖြစ်လို့ ကြာရင်အစိတ်အပိုင်း တစ်ခုနဲ့တစ်ခု ချိတ်ဆက်ထားတဲ့ ပစ္စည်းလေးတွေက ချောင်လာတာတို့၊ ပြုတ်ထွက်တာတို့ ဖြစ်လာနိုင်တယ်။

Voice : ကားအောက်ပိုင်းက အစိတ်အပိုင်းတစ်ခုခုပျက်စီးပြီဆိုရင် ကားအပေါ်ဘယ်လိုအကျိုးသက်မှုရှိလာနိုင်လဲ။
USKKA : အဓိက ကားအောက်ပိုင်းမှာ တစ်ခုခုဖြစ်လာပြီဆိုရင် ကားကမောင်းတာဖြစ်ဖြစ်၊ စီးတာ ဖြစ်ဖြစ်ပေါ့ သက်သောင့်သက်သာ မရှိတော့ဘူး။ ကားအောက်ပိုင်းတွေက အသံတွေမြည်လာမယ်။ အောက်ပိုင်းတစ်ခုခုပျက်စီးလာတာကို ချက်ချင်းမပြုပြင်ဘဲ ထပ်စီးနေဦးမယ်ဆိုရင် တခြားကောင်းနေတဲ့ ကားရဲ့ဘော်ဒီအစိတ်အပိုင်းတွေနဲ့ တခြားကောင်းနေသေးတဲ့ကားအောက်ပိုင်း အစိတ်အပိုင်းတွေပါလိုက်ပြီး ချောင်လာတာတို့၊ ပြုတ်ထွက်သွားတာတို့ အထိဖြစ်လာနိုင်တာပေါ့။ မြို့တွင်းမှာက တစ်ခုခုဖြစ်ရင်တော့ သိပ်ပြဿနာမဟုတ်ပေမယ့် အမြန်လမ်းမှာသွားတာတို့ အရှိန်ပြင်းပြင်းမောင်းတဲ့ အခြေအနေတွေမှာ ကားအောက်ပိုင်းတစ်ခုခု ပြုတ်ထွက်သွားပြီး မတော်တဆမှု ကြီးကြီးမားမားဖြစ်လာနိုင်တယ်။ ကားမှောက်တာတို့ အသက်အန္တရာယ်ဆုံးရှုံးနိုင်တဲ့အထိ ဖြစ်လာနိုင်တယ်။

Voice : ကားအောက်ပိုင်းမှာ သူ့အစိတ်အပိုင်းအလိုက် တစ်ခုခုမကောင်းတော့ရင် ဘယ်လိုသိနိုင်မလဲ။
USKKA : အပျက်အများဆုံးက တိုင်းရော့နဲ့ မိန်းလုံးတွေပေါ့။ ဒါတွေချို့ယွင်းနေပြီဆိုရင် ကားမောင်းနေတဲ့အချိန်မှာ ကားဘရိတ်အုပ်လိုက်ရင် ကားက တစ်ဖက်ဖက်ကို ဆွဲနေမယ်၊ ကားကို ရုတ်တရက်ကွေ့လိုက်မယ် အသံတွေမြည်လာမယ်။ နောက်တစ်ခုက ဘောလ်ဂျွိင့်မကောင်းတော့ဘူးဆိုရင် ကားစတီယာရင်ကမာပြီး လှည့်ရတာခက်သွားတာတို့၊ အရမ်းပေါ့ပြီး ထိန်းရခက်သွားတို့ဖြစ်မယ်။ ရှော့ဘားတွေ၊ ကွိုင်စပရင်တွေ ပျက်လာပြီဆိုရင် လမ်းအနိမ့်အမြင့် မညီတဲ့လမ်းတွေမောင်းရင် ကားအရမ်းလှုပ်နေပြီး ညင်သာမှုမရှိတော့တာတွေ၊ အောက်ကလမ်းနဲ့ ကားအောက်ပိုင်းနဲ့ ထိခိုက်မှုတွေဖြစ်မယ်။ ဒါတွေက သိသာမြင်သာတဲ့ ကိစ္စတွေပေါ့။ 

Voice : ကားအောက်ပိုင်းကို ဘယ်လိုအချိန်တွေမှာ စစ်ဆေးသင့်လဲ။
USKKA : အောက်ပိုင်းနဲ့ပတ်သက်ပြီးတော့ စစ်ဆေးဖို့က ခရီးတစ်ခုခုသွားမယ်ဆိုရင် မဖြစ်မနေစစ်ဆေးသင့်တယ်။ နောက်တစ်ခုက ခရီးကပြန်လာရင်လည်း ထပ်ပြီးတော့ စစ်ဆေးသင့်တယ်။ ခရီးထွက်သွားတဲ့လမ်းမှာက လမ်းကောင်းတာလည်း မောင်းရခဲ့သလို လမ်းမကောင်းတဲ့နေရာတွေမှာလည်း မောင်းခဲ့မှာဆိုတော့ အောက်ပိုင်းတစ်ခုခု ထိခိုက်မှုရှိလားဆိုတာကို ပြန်လာရင်လည်း မဖြစ်မနေ စစ်ဆေးသင့်တယ်။ ခရီးတွေဘာတွေမသွားဘူး၊ မြို့ထဲမှာသုံးတယ်ဆိုရင်တောင် အနည်းဆုံးခြောက်လမှာ တစ်ကြိမ်လောက်တော့ စစ်ဆေးသင့်တယ်။ စစ်ဆေးပြီးလို့ ပြုပြင်တဲ့အပိုင်းမှာလည်း ပျက်စီးထိခိုက်တဲ့အပိုင်းတစ်ခုတည်းကိုပဲ ပြုပြင်တာမျိုးမဟုတ်ဘဲ ပျက်စီးသွားတဲ့ အစိတ်အပိုင်းနဲ့ ဆက်စပ်နေတဲ့ အပိုင်းတွေကိုပါ တစ်ခါတည်းပြုပြင်သင့်တယ်။

Voice : ပုံမှန်စစ်ဆေးမှုတွေမလုပ်ရင် ဘာတွေဖြစ်လာနိုင်လဲ။
USKKA : ပုံမှန်စစ်ဆေးမှုတွေမလုပ်ဘဲ မောင်းနေမယ်ဆိုရင် ကားအရှိန်နဲ့သွားနေတာမျိုးတွေမှာ မတော်တဆဖြစ်သွားနိုင်တယ်။ ကားတွေဘာတွေ တိုက်မိမယ်။ ကားကမောင်းနေရင်းနဲ့ မောင်းနေရင်းနဲ့ ကားအောက်ပိုင်းက တစ်ခုခုချို့ယွင်းနေတဲ့အတွက်ကြောင့် ကားက ထိန်းမရဘဲနဲ့ လမ်းတွေဘာတွေချော်ပြီး တိုက်မိတာမျိုးတွေဖြစ်နိုင်တယ်။ နောက်ပြီးတော့ ကားအောက်ပိုင်းက ဘရိတ်ရှူးတွေကတော့ ပုံမှန်စစ်ဆေးသင့်တယ်။ နောက်တစ်ခုက ဘရိတ်ပိုက်တွေရှိမယ်၊ တကယ်လို့များ ဆီတွေဘာတွေစိမ့်သွားရင် ကျွန်တော်တို့ခေါ်တာ ဘရိတ်ပေါက်သွားတယ်ခေါ်တာပေါ့။ ဘရိတ်နင်းတဲ့အခါမှာ ဘရိတ်မမိတော့ဘဲ ဘရိတ်ပေါက်သွားမယ်။ ကားအောက်ပိုင်းက ဒီအတိုင်းကောင်းနေသေးတယ်ဆိုပြီး စီးနေတာထက်စာရင် ပုံမှန်လေးစစ်ဆေးသင့်တယ်။ ပုံမှန်စစ်ဆေးမှုရှိနေတော့ အန္တရာယ်လည်းကင်းတယ်။ ကားကို ကောင်းကောင်းအသုံးပြုလို့ရမယ့် သက်တမ်းလည်းပိုရှည်တာပေါ့။ 

Voice : နောက်ထပ် ဖြည့်စွက်ပြောချင်တာများရှိသေးရင် ပြောပြပေးပါ။
USKKA : အဓိက ကိုယ့်ကားက အောက်ပိုင်းကနေ တစ်ခုခု မူမမှန်တဲ့ အသံတစ်ခုခုထွက်လာတာတို့၊ တုန်ခါမှုတွေ၊ ကားမောင်းရတာ မူမမှန်တော့တဲ့ အခြေအနေဆိုရင်တော့ ကျွမ်းကျင်ဝပ်ရှော့တစ်ခုခုမှာ စစ်ဆေးမှုတွေ၊ ပြုပြင်မှုတွေလုပ်သင့်နေပြီး နောက်ဆုံးကားက ဘာမှမဖြစ်သေးဘူးဆိုရင်တောင် ခြောက်လတစ်ကြိမ်လောက်ကို ပုံမှန်စစ်ဆေးပေးသင့်ပါတယ်။

Voice : အခုလိုဖြေကြားပေးတာ ကျေးဇူးတင်ပါတယ်။

အောင်သီဟ

(ယခုအင်တာဗျုးကို ကားအင်ဂျင်ပိုင်း၊ ကွန်ပျူတာစနစ်၊ တာယာနှင့် ကားအောက်ပိုင်းစစ်ဆေးပြုပြင်ခြင်းအပြင် အခြားဝန်ဆောင်မှုများပေးနေသည့် Desire Autoworks (https://www.facebook.com/desireautoworks/) က ကူညီပံ့ပိုးပါသည်။)