ဖင်လန်နိုင်ငံပညာရေးစနစ်ကို ဆရာအတတ်သင်လုပ်ငန်း ကျွမ်းကျင်ပညာရှင် လီနာဟေနီလာကို မေးကြည့်ပါသည်။ ပညာရေးကို မည်သို့ချဉ်းကပ်ပါသနည်း ဟူ၍ဖြစ်သည်။ သူ့ဖြေကြားချက်က ရှင်းရှင်းလေးဖြစ်သည်။ “ကစားပြီး ပျော်ရွှင်” ဖြစ်သည်။


ဖင်လန်နိုင်ငံပညာရေးစနစ်ကို ဆရာအတတ်သင်လုပ်ငန်း ကျွမ်းကျင်ပညာရှင် လီနာဟေနီလာကို မေးကြည့်ပါသည်။ ပညာရေးကို မည်သို့ချဉ်းကပ်ပါသနည်း ဟူ၍ဖြစ်သည်။ သူ့ဖြေကြားချက်က ရှင်းရှင်းလေးဖြစ်သည်။ “ကစားပြီး ပျော်ရွှင်” ဖြစ်သည်။ 

ဖေဖော်ဝါရီလက Nursery World အဖွဲ့မှ လေ့လာသူ ၁၀ ဦးသည် ဖင်လန်နိုင်ငံမှ နေ့ကလေးထိန်းကျောင်း ၂ ကျောင်းနှင့် ဆွီဒင်နိုင်ငံမှ နေ့ကလေးထိန်းကျောင်း ၄ ကျောင်းကို သွားရောက်လေ့လာကြသည်။ သူတို့ သွားရောက်လေ့လာချိန်တွင် နှစ်ဝက်ကို ကျော်လွန်နေပြီဖြစ်သည်။ သူတို့မြင်သည့် အချက်များဖြစ်သည်။ 

ထိုနှစ်နိုင်ငံစလုံး၏ ထူးခြားချက်မှာ ကလေးများကို အပြင်ထွက်ပြီး ကစားခိုင်းတတ်ခြင်းဖြစ်သည်။ အပြင်ကိုထွက်ပြီး ကစားခိုင်းခြင်းက ကျန်းမာရေးအတွက်ကောင်းပြီး ဦးနှောက်ကိုလည်း ဖွံ့ဖြိုးစေသည်ဟု သူတို့က ခံယူထားကြသူများဖြစ်သည်။ 

ဗြိတိန်နိုင်ငံကလေးများသည် ကျောင်းသင်ပညာရေးစနစ်၏ ဖိအားကြီးကိုခံနေရပြီး စိတ်ဖိစီးနေကြချိန်တွင် ဖင်လန်နှင့်ဆွီဒင်နိုင်ငံမှ ကလေးများက အသက် ၇ နှစ်မှ ကျောင်းစတက်ရသည်။ ထိုနိုင်ငံများတွင် မူကြိုကိုပင် ၆ နှစ်မှ တက်ရသည်။ 

ဖင်လန်နိုင်ငံ Morrintupa Forest မူကြိုကျောင်းတွင်ဖြစ်သည်။ ထိုကျောင်းလေးက ဟယ်လ်ဆင်ကီမြို့နှင့် ကီလိုမီတာ အနည်းငယ်အကွာတွင် ရှိသည်။ ထိုကျောင်းအတွင်းရှိ နေ့ကလေးထိန်း ကျောင်းအဆောင်တွင် အသက် ၅ နှစ်နှင့် ၆ နှစ်အရွယ်ကလေးများကို တွေ့ရသည်။ သူတို့သည် မနက်ခင်းတွင် တောအုပ်ထဲသို့သွားရန် အဆင်သင့်ဖြစ်နေကြပြီ။ နှင်းတွေကျနေသည့် ကြားထဲမှာပင် ကလေးတွေကို အပြင်ထွက်ပြီး သင်ကြားမှုလုပ်ရန် စီစဉ်နေကြခြင်းဖြစ်သည်။ 

ဖင်လန်ပညာရေးစနစ်က ကလေးများကို သဘာဝအတိုင်း လွှတ်ထားပေးပြီး ဆရာများက သူတို့ အလေ့အထ၊ အမူအကျင့်များကို စတင်လေ့လာခြင်းဖြစ်သည်။ ကလေးတွေက သဘာဝအတိုင်း လွတ်လပ်စွာ ပြောဆို၊ ကစားခွင့်များပေးထားမှ သူတို့၏ ပကတိစိတ်ထားများကို လေ့လာနိုင်သည်ဟု သူတို့က ယူဆသည်။ ကလေးချင်း လွှတ်ထားလိုက်မှ လူကြီးတို့အတွက် မထင်မှတ်သော လေ့လာတွေ့ရှိချက်များကို ရနိုင်သည်။ ကလေးတွေကို အပြင်တွင် လွှတ်ထားလိုက်သောကြောင့် အန္တရာယ်မရှိနိုင်ဘူးလားဟု မေးစရာရှိသည်။ အန္တရာယ်ရှိနိုင်သည့် အနေအထားများကို ဆရာတွေက အမြဲစောင့်ကြည့်နေကြသည်။ လွှတ်ထားသည်ဆိုပြီး ပစ်ထားလိုက်ခြင်းမဟုတ်။ လွှတ်ထားပြီး ကစားခိုင်းသော်လည်း သူတို့က အကဲဖြတ်နေကြခြင်းဖြစ်သည်။ 

ကလေးတွေက ကျောက်ဆောင်တွေပေါ်တက်မည်၊ သစ်ပင်ပေါ်တက်မည်၊ နှင်းပြင်ပေါ်တွင် စကိတ် စီးကောင်းစီးနေမည်။ လှည့်ပတ်ပြေးပြီး ပျော်ကောင်းပျော်နေမည်။ ဆရာများသည် ကြည့်နေကြသည်သာ ဖြစ်သည်။

ကလေးတစ်ယောက်က နှင်းတောထဲတွင် သူ့ဘွတ်ဖိနပ် ပျောက်သွားသည်။ သူက နှင်းတောထဲ လက်နှိုက်ပြီး ဆွဲထုတ်နေသည်။ ဆရာတွေက ကြည့်နေသည်။ သူ့ အစွမ်းအစကို အကဲဖြတ်နေခြင်း ဖြစ်ကောင်းဖြစ်နိုင်သည်။ ဆရာက သူတို့တွင် ဖိနပ်အပိုနှင့် ခြေအိတ်အပိုများ ကျောင်းထဲတွင် ရှိကြသည်ဟု ဆိုသည်။
 
ကလေးတွေ နေ့လယ်စာ စားချိန်ရောက်ပြီ။ နှင်းတောထဲတွင်ပင် ထိုင်လိုက်ကြပြီး ဟင်းရွက်စွပ်ပြုတ်များကို သောက်နေကြသည်။ ပြီးတော့ သူတို့ဆရာနှင့်အတူ သီချင်းတွေဆိုနေကြသည်။ အားလုံးအချိန်ပြည့်ပြီ ဖြစ်သောကြောင့် ကျောင်းထဲကို ပြန်လာကြသည်။

ကျောင်းကိုပြန်ရောက်သည့်အခါတွင် ကလေးတွေက အနွေးထည်တွေကို ချွတ်လိုက်ပြီး ခန်းမကြီးတစ်ခုအတွင်း စုဝေးကြသည်။ ယခုအချိန်မှာ ပုံပြင်ပြောသည့် အချိန်ဖြစ်သည်။ ဆရာက ကလေးတွေကို ရိုးရာသီချင်းတစ်ပုဒ် ဆိုပြလိုက်သည်။ ကလေးတွေကို ပြောသည့်အထဲတွင် ဖယောင်းတိုင်လေး ထွန်းထားသည့် အကြောင်းပါသည်။ ဆရာမက ကလေးတစ်ယောက်ကို ဖယောင်းတိုင်ထွန်းပေးပြီး ကိုင်ခိုင်းထားသည်။ ထိုအချိန်တွင် တစ်ခန်းလုံးရှိ လျှပ်စစ်မီးတွေကို ပိတ်ထားသည်။ ကလေးတွေက ဆရာမ၏ ပုံပြင်ထဲတွင် နစ်မျောနေကြသည်။ 

Auringonkukka ဆိုသည့် မြူနီစီပယ် မူကြိုကျောင်းတွင်ဖြစ်သည်။ ကျောင်းက နေ့ကလေးထိန်းကျောင်းပါ တွဲဖွင့်ထားပြီး ကျောင်းကြီးတစ်ခုဖြစ်သည်။ ကလေးပေါင်း ၁၀၀ ကျော်ရှိသည်။ ထိုကျောင်းရှိ ကလေးတွေလည်း အနီးအနားရှိတောထဲသို့ ပုံမှန်ထွက်ကြရသည်။ ကျောင်းကစားကွင်းကလည်း ကျယ်သည်။ အပြင်ထွက်ပြီး ကစားပြီးလျှင် အထူးဖုတ်ထားသည့် ဘန်းမုန့်တွေကို ကျွေးကြသည်။ 

နေ့ကလေးထိန်းကျောင်းကို မနက် ၆ နာရီမှ ည ၁၀ နာရီအထိ ဖွင့်ပေးထားသည်။ အလုပ်လုပ်နေသော မိဘများအတွက် အစားအသောက်ပါ ကျွေးမွေးသော အစီအစဉ်ကိုလည်း လုပ်ပေးထားပြီး တစ်လမှ ယူရို ၃၀၀ ခန့် ပေးရသည်။ ထိုငွေသည် အနိမ့်ဆုံး လစာဝင်ငွေရှိသူများအတွက်ပင် အခက်အခဲမရှိသော ငွေပမာဏဖြစ်သည်။ 

ကလေးများကို သူတို့ စာရေးနည်းတွေ သင်ပေးသည်ကို တွေ့ရသည်။ အင်္ဂလိပ်စာ စာလုံးကို Capital Letter များနှင့်သာ ရေးကြရသည်။ စာလုံး Small Letter ရေးနည်းများကို မူကြိုတွင်မသင်၊ ကျောင်းရောက်မှသင်သည်။

ဆွီဒင်နိုင်ငံ မူကြိုကျောင်း Inspira Terrassen တွင်ဖြစ်သည်။ စတော့ဟုမ်းမြို့ ဆင်ခြေဖုံးတွင်ရှိသော ထိုကျောင်းတွင် ဘာသာစကား အမျိုး ၂၀ လောက်ပြောနေသည့် ကလေးများရှိနေသည်။ ရုရှား၊ အာဖဂန်နစ္စတန်၊ တူရကီ၊ မွန်ဂိုလီးယားနိုင်ငံများမှ ကလေးတွေလည်းပါသည်။ မနက် ၉ နာရီမှ ညနေ ၃ နာရီအထိ ကလေးပေါင်း ၅၅ ဦးကို လက်ခံထားသည်။ အလုပ်လုပ်နေသော မိဘများအတွက် အထူးအစီအစဉ်အနေဖြင့် မနက် ၆ နာရီမှ ည ၆ နာရီအထိ လက်ခံပေးထားသော အစီအစဉ်များလည်း ရှိသည်။ 

ကျောင်းတွင် ကလေးတွေက ဘာသာစကား လေးမျိုးခန့် ပြောကြသည်။ အင်္ဂလိပ်ရုပ်ရှင်တွေကို ထိုင်ကြည့်နေကြသည်။ ဆွီဒင်ဘာသာစကားကိုတော့ သူတို့ မဖြစ်မနေပြောကြရသည်။ ပြောနိုင်အောင်လည်း လေ့ကျင့်ပေးကြသည်။ ဘာသာစကားသင်ရာတွင် သီချင်းကို အဓိကထားသည်။ သူတို့ကို ခက်ခဲသည့် ဆွီဒင်စကားလုံးများကို သီချင်းလုပ်ပြီး အသံထွက် တတ်အောင်သင်သည်။ ကလေးတွေက ကျောင်းတွင်ပြောသည့် စကားတွေကို အိမ်တွင်လည်း ပြန်ပြီးလေ့ကျင့်နိုင်သည်။ 

င်္Friskus မူကြိုကျောင်းသည် စတော့ဟုမ်းမြို့ပြင် ထရန်းဆန်းအရပ်တွင် ဖွင့်ထားသည်။ ကျောင်းဝင်းကျယ်ပြီး ကလေးတွေကို အပြင်ထွက်ကစားခိုင်းသည်။ နှင်းတောထဲတွင် ကလေးတွေကို ကစားချိန်ပေးထားသည်။ နှင်းတောထဲတွင် ကလေးတွေက စကိတ်စီးနေသည်။ ရေခဲအမှတ်အောက်ရောက်နေသည့် အေးစက်သောပြင်ပတွင် ကလေးတွေက ပျော်နေသည်။ မုန့်စားသူတွေက စားနေကြသည်။ 

ကျောင်းဆောင်အတွင်း ဝရန်တာတွင် ကလေးများကို အိပ်စက်နိုင်ရန် စောင်အထူကြီးများနှင့် အနွေးထည်လိပ်ကြီးများကိုလည်း ထုတ်ထားပေးသည်။ ဘောလုံးကန်သူတွေ ကန်နေသည်။ နွေရာသီနှင်းတွေမရှိလျှင် သူတို့ကွင်းပြင်ထွက်ပြီး ယောဂကျင့်ကြရသည်။ နွေရာသီဆိုလျှင် ရေကူးကြသည်။ ရေကူးသင်တန်းကို ၁၀ ပတ်ပေးသည်။ သူတို့က ကလေးတွေကို မူကြိုအရွယ် ကတည်းက ရေကူးသင်သည်။ 

Kasen မူကြိုကျောင်းကတော့ စတော့ဟုမ်းထဲတွင်ရှိပြီး အပြင်ထွက်ပြီး စာသင်နည်းစနစ်ကိုပင် ကျင့်သုံးကြောင်းသိရသည်။ ဆွီဒင်တွင် အစိုးရမဟုတ်သော အဖွဲ့အစည်းများက ကျောင်းအပြင်ထွက်ပြီး ပျော်ရွှင်စွာ စာသင်နည်းကို ၁၈၉၂ ခုနှစ်ကတည်းက ကျင့်သုံးခဲ့ကြသည်ဟု ဆိုသည်။ တစ်ပတ်လျှင် Kasen ကျောင်းက ကလေးများသည် တစ်ရက် တောလမ်းခရီးထွက်ရသည်။ သဘာဝကို မြတ်နိုးချစ်ခင်စေရန်ဖြစ်သည်။ သူတို့ တောထဲတွင် သဘာဝ တောရိုင်းတိရစ္ဆာန်လေးများကိုလည်း လေ့လာကြရသည်။ ကလေးတွေကို အသက်အရွယ် အပိုင်းအခြားအလိုက် အုပ်စုများခွဲပြီး လေ့လာရေးခရီးတွင် ပါဝင်ခိုင်းသည်။ ငယ်စဉ်ကတည်းက နှင်းလျှောစကိတ်စီးခြင်းကို သင်သည်။ 

Pysslingen Vita Bergen မူကြိုကျောင်းသည် စတော့ဟုမ်းမြို့လယ်တွင် ရှိသည်။ ကျားမ မခွဲခြား တန်းတူဆက်ဆံနိုင်ရေးကို ဦးစားပေးထားသည်။ ကလေးတွေကို ပန်းခြံတွေခေါ်သွားသည်။ ပြတိုက်တွေ ခေါ်သွားသည်။ အခြားနေရာဒေသများကိုလည်း သွားရောက်လေ့လာကြသည်။ ပန်းခြံထဲတွင်လည်း ကလေးများအတွက် သစ်ပင်လေးများစိုက်ရန် စီစဉ်ပေးထားသည်။ 

E-01 
(Ref: 'Play and joy' in the snow, Catherine Gaunt)