တရုတ်သမ္မတ ရှီကျင့်ဖျင်သည် တရုတ်နိုင်ငံခေါင်းဆောင်များထဲတွင် ရှားမှရှားသူတစ်ဦးဟုဆိုရမည်။ စီမံအုပ်ချုပ်မှုကောင်းလွန်းသည့်အတွက်လည်း တရုတ်နိုင်ငံတွင် သူ၏ဩဇာလွှမ်းမိုးမှုမှာ သိသာလွန်းသည်။ တရုတ်လူ့ဘောင်အဖွဲ့အစည်းကို ရှီကျင့်ဖျင်တစ်ယောက် သူ့နည်းသူ့ဟန် သူ့ဩဇာများ သုံးပြီး တိုးတက်မြင့်မားအောင်လုပ်နေသည်ဆိုခြင်းကို မငြင်းနိုင်ပေ။ မော်စီတုန်းခေတ်က ကြွေးကြော်သံများဖြင့် တိုင်းပြည်ကို တိုးတက်အောင် ကြံဆောင်သည်။ ရှီကျင့်ဖျင်လက်ထက်တွင်လည်း တရုတ်လူ့ဘောင်တွင် ကြွေးကြော်သံတွေက မတိတ်သေး။ ရှီကျင့်ဖျင်၏ ဆိုရှယ်လစ်အလံတော်ဖြင့် ခေတ်သစ်ကို ဝင့်ကြွားနိုင်စေရမည်ဆိုသည့် ကြွေးကြော်သံများ ဆိုင်းဘုတ်များကို တက္ကသိုလ်များတွင် တွေ့လာရသည်မှာ ထူးဆန်းသည်ဟု ဆိုရမည်။

ရှီကျင့်ဖျင်သည် ယခုအခါ နိုင်ငံတော်တည် ဆောက်ပြုပြင်ရေးအတွက် မနေမနားလုပ်ဆောင်နေရင်းက ပညာရေးဘက်ကို လှည့်လာသည်။ သူ၏ အစိုးရအဖွဲ့က တရုတ်ပညာတတ်အသိုင်းအဝိုင်းကို ထိန်းချုပ်ရန်ကြိုးစားလာသည်ဟုဆိုရမည်။ သဘောတရားရေးတွင် တရုတ်ကွန်မြူနစ်တွေက နှစ်ပေါင်းများစွာ စိုးမိုးလာသည်။ ထို့ကြောင့် ပညာတတ်လောကကိုလည်း ကွန်မြူနစ်သဘောတရားများ ဖြည့်သွင်းရန် ကြိုးစားလာကြောင်း တွေ့ရသည်။

၂၀၁၆ ခုနှစ်က ရှီကျင့်ဖျင်သည် တရုတ်တက္ကသိုလ်များကို လှည့်လည်ကြည့်ရှုသည်။ တစ်နည်းပြောရလျှင် ကွန်မြူနစ်ပါတီ၏ ဩဇာသက်ရောက်မှုသည် ခေတ်သစ်တက္ကသိုလ်များတွင် မည်မျှရှိနေသနည်းဆိုခြင်းကို လှည့်လည်ကြည့်ရှုလေ့လာခြင်းဖြစ်သည်။ ရှီက တရုတ်ပညာတတ်များကို ဆင်စွယ်နန်းတော်ပေါ်က လူများမဖြစ်စေချင်။ လက်တွေ့ဘဝနှင့်နီးစပ်စေချင်သည်။ ထို့ကြောင့် တက္ကသိုလ်ကိုအသွင်ပြောင်းရန် ဆုံးဖြတ်ခဲ့သည်။

၂၀၁၇ ခုနှစ် အောက်တိုဘာ ၂၅ ရက်နေ့တွင် ကျင်းပပြုလုပ်သည့် တရုတ်နိုင်ငံပါတီညီလာခံက ရှီကျင့်ဖျင်၏ အတွေးအမြင်များကို တရားဝင်ထုတ် ပြန်ခဲ့သည်။ တရုတ်နိုင်ငံဖွဲ့စည်းအုပ်ချုပ်ပုံအခြေခံ သဘောတရားအပေါ် ရှီ၏အမြင်များအား သူတို့ စာအုပ်တစ်အုပ်အဖြစ် ရိုက်နှိပ်ထုတ်ဝေကြသည်။ ထုတ်ဝေပြီးသော ရှီကျင့်ဖျင် အတွေးအမြင်များစာအုပ်ကို ရမ်မင်းတက္ကသိုလ်တွင်ပြဋ္ဌာန်းသည့် တရုတ်ကွန်မြူနစ်ပါတီ၏ လက်စွဲစာအုပ်အဖြစ် တက္ကသိုလ်တွင် လေ့လာပြီး သုတေသနပြုလုပ်နိုင်ရန် ပြဋ္ဌာန်းလိုက်ခြင်းဖြစ်သည်။

၂၀၁၈ ခုနှစ် အစောပိုင်းကလည်း တရုတ်ဗဟို ကော်မတီ (CCP) သည် ရှီကျင့်ဖျင်အတွေးအမြင် (Xi Jinping Thought) စာအုပ်ကို သုတေသနစင်တာ ၁၀ ခုတွင် သင်ကြားလေ့လာရန် သတ်မှတ်ခဲ့သည်။ Xinhua သတင်းအေဂျင်စီက ရှီကျင့်ဖျင်၏ ဆိုရှယ်လစ်အတွေးအမြင်များဖြင့် တရုတ်ခေတ်သစ်ကို ထူထောင်နိုင်ရေးအတွက် သုတေသနပြုလုပ်ကြရန် တက္ကသိုလ်များနှင့် ပညာတတ်အသိုင်းအဝိုင်းကို လှုံ့ဆော်ခြင်းဟု ရေးသားထားသည်။ ပုဂ္ဂိုလ်ရေးဆိုင်ရာ ကိုးကွယ်မှုများကို မော်စီတုန်းခေတ်ပြီးကတည်းက မှေးမှိန်ထားခဲ့ရာမှ ရှီ၏လက်ထက်တွင် ပြန်လည်အသက်သွင်းလာခြင်းမှာ တော်ရုံခေါင်းဆောင်တစ်ယောက်မဟုတ်ကြောင်း မီးမောင်းထိုးပြလိုက်သလိုလည်း ဖြစ်သွားသည်။

ရှီ၏ အတွေးအမြင်စာအုပ်များကို တက္ကသိုလ်တွေက အထူးပြုလေ့လာစရာ ဖြစ်သွားပြီ။ ပီကင်းတက္ကသိုလ်တွင် မာ့စ်ဝါဒအတွေးအခေါ်များနှင့် ရှီကျင့်ဖျင်၏ အတွေးအမြင်များကို ပေါင်းစပ်လေ့လာပြီး နိုင်ငံဖွံ့ဖြိုးတိုးတက်အောင် ကြံဆောင်မည်ဆိုကာ ဖြစ်လာကြသည်။ ရှန်ဟိုင်းတက္ကသိုလ် သုတေသနစင်တာကလည်း ရှီ၏ အတွေးအမြင်များသည် နည်းပညာဖွံ့ ဖြိုးတိုးတက်မှုကို မည်မျှအထောက်အကူဖြစ်စေခဲ့သနည်းဆိုကာ သုတေသနလုပ်နေကြသည်။ People Daily သတင်းတွင် ရှီ၏အတွေးအမြင်ဖြင့် ခေတ်မီဖွံ့ဖြိုးတိုးတက်သော တရုတ်နိုင်ငံတော်ကြီး ထူထောင်ရန်နှင့် နိုင်ငံတကာကို လွှမ်းမိုးစေရန်ဆိုကာ ပညာတတ်အသိုင်းအဝိုင်းက လှုပ်ရှားနေကြကြောင်း ရေးသားထားသည်ကိုလည်း တွေ့လိုက်ရသည်။

ရှီကျင့်ဖျင်၏ အတွေးအမြင်ဆိုင်ရာ စာအုပ်တွေက Xi Jinping Thought တစ်အုပ်တည်း မဟုတ်။ 7 Years as an Educated Urban Youth, Xi Jinping in Zhengding စာအုပ်နှစ်အုပ်အပြင် ပညာရေးဆိုင်ရာ ဆွေးနွေးချက်ဖြစ်သည့် The 19th Congress Spirits with 19 Lecturers ဆိုသော ဟောပြောချက်ပေါင်းချုပ်တို့ကိုလည်း ထုတ်ဝေထားပြီးဖြစ်သည်။ ထိုစာအုပ်အားလုံးကလည်း သူ့အတွေးအမြင်များဖြင့် တရုတ်ခေတ်သစ်တည်ဆောက်ရာတွင် အထောက်အကူဖြစ်စေနိုင်သည်ဆိုကာ သုတေသနဌာနများက လေ့လာဆန်းစစ်နေကြသည်။

တရုတ်ဗဟိုကော်မတီနှင့် တရုတ်ကွန်မြူနစ်ပါတီတို့က တရုတ်နိုင်ငံရှိ တက္ကသိုလ်များနှင့် ပညာတတ်အသိုင်းအဝိုင်းထဲသို့ ရှီကျင့်ဖျင်၏ အတွေးအမြင်များ သွတ်သွင်းလာခြင်းမှာ အကြောင်းမဲ့မဖြစ်နိုင်ပါ။ သူတို့၏ တက္ကသိုလ်များကိုသာမဟုတ် ပညာတတ်လူတန်းစားအားလုံးကိုလည်း ပစ်မှတ်ထားပြီး ရှီ၏ အတွေးအမြင်များကို ဝေဖန်ဆန်းစစ်ခိုင်းလာသည်။ ကျောင်းသားတွေကို သီးသန့်အချိန်ပေးပြီး ဆွေးနွေးစေသည်။ ဆရာတွေကို လေ့လာဆွေးနွေးစေသည်။ ထို့ပြင် တရုတ်ပညာရေးဝန်ကြီး ချန်ပေါင်းရှန်က ၂၀၁၈ ခုနှစ် ဇန်နဝါရီလ အင်တာဗျူးတစ်ခုတွင်

“လာမည့်နှစ် ၂၀၁၉ ကစပြီး ကျောင်းတွေမှာ သင်ရိုးသစ်အနေနဲ့ ရှီရဲ့အတွေးအမြင်တွေကို ပြဋ္ဌာန်းမယ်။ ဆရာတွေကိုလည်း သဘောတရားရေးရာ သင်တန်းတွေပေးပြီး ထူးချွန်တဲ့ဆရာတွေအဖြစ် မွေးထုတ်ပြီး ရှီရဲ့အတွေးအမြင်တွေကို ကျောင်းသားတွေနဲ့ ဝေဖန်ဆန်းစစ်ခိုင်းမယ်” ဟု ထုတ်ဖော်ပြောခဲ့သည်။ 

ကွန်မြူနစ်ပါတီနှင့် ဗဟိုကော်မတီတို့၏ လုပ်ရပ်က အရှင်းလေးဖြစ်သည်။ တက္ကသိုလ်များထဲသို့ ကွန်မြူနစ်အတွေးအခေါ်တွေကို စိမ့်ဝင်ရန် ကြိုးစားလာခြင်းဖြစ်သည်။ တရုတ်လူ့ဘောင်နှင့် အစိုးရကိုယ်တိုင်က သူတို့ လူငယ်တွေ၏ အတွေးအမြင်များထဲကို အနောက်အတွေးအခေါ်တွေ လွှမ်းမိုးစိမ့်ဝင်သွားမည်ကို စိုးရိမ်နေကြသည်။ ထို့ကြောင့် ပညာရေးဝန်ကြီးကိုယ်တိုင်က တက္ကသိုလ်ပြဋ္ဌာန်းချက်များတွင် ရှီ၏ အတွေးအမြင်များကို ထည့်သွင်းပြီး တက္ကသိုလ်ကို ချုပ်ကိုင်ထားကြောင်း ပြဆိုနိုင်ရန် ကြိုးစားခြင်းဖြစ်သည်။

၂၀၁၇ ခုနှစ် ဒီဇင်ဘာ ၄ ရက်နေ့က ပညာရေးဝန်ကြီးဌာနသည် တက္ကသိုလ်လမ်းညွှန်စာအုပ်ကို ထုတ်ခဲ့သည်။ ထိုစာအုပ်တွင် တရုတ်ကွန်မြူနစ်ပါတီနှင့် ဗဟိုကော်မတီ၏ လမ်းညွှန်မှုများကို လိုက်နာရန်ဆိုသည့်အချက်အား အတိအလင်းထည့်သွင်းထားသည်။ အဘယ့်ကြောင့် ထည့်သွင်းရသနည်းဆိုသည့် အကြောင်းပြချက်တွင် သဘောတရားနှင့် နိုင်ငံရေးအတွေးအခေါ်များ ပိုမိုကောင်းမွန်လာစေရန်ဟု ဆိုထားသည်။ ဆရာများကိုလည်း ရှီ၏အတွေးအမြင်ကို လမ်းညွှန်သဘောတရားတစ်ခုအနေနှင့် ကိုင်စွဲပြီး ပညာသင်ကြားမှုများကို လုပ်ဆောင်ကြရန် လမ်းညွှန်ထားသည်။ တက္ကသိုလ်ကျောင်းများသို့လည်း အစိုးရဌာနမှ အရာရှိကြီးများ မကြာခဏရောက်လာကြပြီး ရှီ၏အတွေးအမြင်များကို မည်သို့ ဝေဖန်ဆွေးနွေးနေကြသနည်းဆိုသည်ကို လာရောက်လေ့လာနေကြသည်။ 

တရုတ်သည် အမေရိကမှ STEM ဆိုသည့် သိပ္ပံ၊ နည်းပညာ၊ အင်ဂျင်နီယာ၊ သင်္ချာဆိုသော နယ်ပယ်လေးရပ်ကို အလေးထားသင်ကြားရန် လမ်းကြောင်းနောက်ကို လိုက်လာသလို သူတို့ခေါင်းဆောင်၏ ဦးတည်ချက်များ မပျောက်သွားရေး Xi ဆိုသည့် အတွေးအမြင်ကိုပါ ပေါင်းစပ်ထည့်သွင်းသင်ကြားပေးရန် အားထုတ်နေကြသည်။ 

၂၀၁၈ ခုနှစ်တွင် အစိုးရ၏ တက္ကသိုလ်များအပေါ် ထိန်းချုပ်လာမှုမှာ ပိုပြီးသိသာလာသည်။ သူတို့ တက္ကသိုလ်များ၏ သုတေသနလုပ်ငန်းများအပေါ် ဝင်ရောက်စွက်ဖက်လာသည်။ အထူးသဖြင့် သုတေသနလုပ်ရမည့်ခေါင်းစဉ်များကို ထိန်းချုပ်ကန့်သတ်ချမှတ်ပေးလာခြင်းများကို လုပ်ဆောင်လာခြင်းဖြစ်သည်။ ယန်နန် မင်ဇူတက္ကသိုလ်၏ Master ဘွဲ့အတွက် ယခုနှစ်တင်သွင်းလာသော ခေါင်းစဉ်ကိုကြည့်ပါ။ “Xi Jinping Thought on Socialism With Chinese Characteristics in the New Era” ဖြစ်သည်။ ရှီကျင့်ဖျင်၏ အတွေးအမြင်ဖြင့် တရုတ်ခေတ်သစ်ကို တည်ဆောက်ရန် လမ်းကြောင်းပေးပြီး သုတေသနစာတမ်းများကို ပြုစုခိုင်းနေခြင်းမှာ တရုတ်ခေါင်းဆောင်များသည် နိုင်ငံတော်ကို မည်သည့်လမ်းကြောင်းဖြင့် ခေါ်ဆောင်သွားမည်ဆိုခြင်းအား ဖော်ထုတ်တင်ပြထားခြင်းလည်းဖြစ်သည်။ 

တက္ကသိုလ်များတွင် ယခုအခါ (Hottest) အဖြစ်ဆုံး သုတေသနခေါင်းစဉ် ၁၀ မျိုးကိုပြောပါဆိုလျှင် ၁၀ ခုတွင် ၄ ခုသည် ရှီ၏ အတွေးအမြင်များနှင့်ပတ်သက်နေသည်ကို တွေ့ရမည်ဖြစ်သည်။ တက္ကသိုလ်တွေကလည်း နိုင်ငံတော်၏ လက်အောက်တွင် ရှိနေသဖြင့် နိုင်ငံတော်က သတ်မှတ်ပြဋ္ဌာန်းထားသည့်အတိုင်း ရှီမှရှီဖြစ်နေကြသည်မှာ အဆန်းတော့မဟုတ်ဟု ဆိုရမည်။

တရုတ်တက္ကသိုလ်ကျောင်းများသည် နိုင်ငံတော်က ဖွင့်လှစ်ထားသောကျောင်းများ ဖြစ်နေသောကြောင့် CCP ၏ ဩဇာလွှမ်းမိုးသက်ရောက်ထားမှုကို ရှောင်လွှဲနိုင်မည် မဟုတ်ပါ။ ထိုသို့ ကွန်မြူနစ်ဆိုင်ရာအတွေးအမြင် သဘောတရားတွေကို ကျောင်းအပေါ်တွင် လာရောက်ဖိစီးစိုးမိုးထားမှုများအား တကယ့်ပညာရှင်များအနေနှင့်လည်း စိတ်ချမ်းသာပျော်ရွှင်ကြမည်မထင်ပါ။ 

တရုတ်သမိုင်းနှင့်ဝေဖန်ရေးဆရာ ကျန်လိဖန်က “ဒါကတော့ သဘောတရားရေးဆိုင်ရာ ပရောဂျက်တစ်ခုကို စနစ်ကျကျထည့်သွင်းလာတာပဲ။ ထိပ်ပိုင်းက လူတွေက လူတွေကို ကိုးကွယ်နိုင်အောင် ဘုရားသခင်တစ်ပါးကို ဖန်ဆင်းပေးလိုက်တာပဲ။ တက္ကသိုလ်တွေဆိုတာကလည်း သူတို့ရန်ပုံငွေတွေနဲ့ ရပ်တည်နေရတာဆိုတော့ ဘာများတတ်နိုင်မှာလဲ။ အချို့ပညာတတ်တွေဆိုရင်လည်း သူတို့နဲ့ ဘာမှမဆိုင်တဲ့ နိုင်ငံရေးထင်မြင်ချက်တွေကို သင်ပေးနေရတာကို စိတ်ပျက်စရာကောင်းတယ်။ ဒီလိုတွေလျှောက်လုပ်ရင် ပညာရေးက ကျဆင်းမှာပဲ။ တက္ကသိုလ်ဆိုတာ တက္ကသိုလ်ဆိုတဲ့ စိတ်ဓာတ်အပြည့်နဲ့ ရပ်တည်နိုင်ခြင်းမှ မရှိတော့တာ။ အားလုံးဟာ ပါတီဆိုတဲ့အရာကြီးက စိုးမိုးထားနေတာ” ဟု မှတ်ချက်ပေးသည်။ 

တက္ကသိုလ်ထဲသို့ ရှီကျင့်ဖျင်၏အတွေးအမြင်ဆိုသည်ကို သွတ်သွင်းလာခြင်းနှင့်ပတ်သက်ပြီး ဆရာနှင့် ပညာရှင်တို့၏လောကတွင် ဂယက်ရိုက်ခတ်သွားခဲ့သည်။ ပီကင်းတက္ကသိုလ် ဥပဒေဌာန ပါမောက္ခ ဟေဝေဖန်းကလည်း တက္ကသိုလ်ကို ကွန်မြူနစ်ပါတီနှင့် နိုင်ငံတော်အတွေးအခေါ်များဆိုပြီး ထည့်သွင်းကာ ပုံဖော်ခြင်းသည် တက္ကသိုလ်များ၏ ဂုဏ်သိက္ခာကို မြှင့်တင်ပေးခြင်းဆိုသည်ထက် ပညာရပ်ဆိုင်ရာလွတ်လပ်ခွင့်များကို ထိန်းချုပ်လိုက်သလို ခံစားရကြောင်း ပြောပြသည်။ သူက လွန်ခဲ့သော နှစ်ပေါင်း ၄၀ လောက်ကပင် ပညာတတ်အသိုင်းအဝိုင်းလောကကို ယခုလို ချုပ်ကိုင်မှုမျိုးနှင့် မကြုံခဲ့ရဟု ဆိုသည်။

ပါတီနှင့် ဗဟိုကချုပ်ကိုင်ထားသည့် ရန်ပုံငွေများကို အသုံးပြုနေကြရသည့် တက္ကသိုလ်များအနေနှင့် ပါတီနှင့် ဗဟိုအကြိုက် ခေါင်းဆောင်များအကြိုက် ဆိုရှယ်လစ်အလံတော်ကို တက္ကသိုလ်အတွင်း လာရောက်စိုက်ထူလွှင့်တင်နေခြင်းအား မည်သို့ဆင်ခြေများပေးပြီး ခေါင်းရှောင်နိုင်ရန် အကြောင်းမရှိဟု မြင်ပါသည်။ CCP ၏ ပညာတတ်များအပေါ် ချုပ်ကိုင်ပြီး၊ တက္ကသိုလ်ကို အာဏာသိမ်းထားခြင်းကလည်း နိုင်ငံတော်အတွက် လိုအပ်ချက်တစ်ရပ်ကို ဖော်ဆောင်နေခြင်းဖြစ်သည်ဆိုသဖြင့် ဘာမျှမတတ်နိုင်ကြသည့် အနေအထားကို ရောက်နေကြသည်။

“သဘောတရားရေးဆိုင်ရာ စွမ်းဆောင်ချက် မြှင့်တင်ရေး” ဆိုသည့် တရုတ်ကွန်မြူနစ်ပါတီ၏ ပညာရေးတွင် လုပ်ဆောင်ချက်များသည် တစ်နည်းဆိုရလျှင် ရှီကျင့်ဖျင်အစိုးရအပေါ် သိက္ခာတင်နေခြင်းသာဖြစ်သည်။ တရုတ်နိုင်ငံသည် လာမည့် ၂၀၂၂ ခုနှစ်တွင် တရုတ်ပြည်တွင်လုပ်သည်ဆိုသည့် အားလုံးကို တရုတ်နည်း တရုတ်ဟန်ဖြင့် လမ်းကြောင်းပြောင်းရန် စီမံနေကြသည်။ သူတို့က နိုင်ငံခြားမှ ပညာတတ်တွေကိုလည်း ပြန်ခေါ်နေသည်။ သူတို့နိုင်ငံ ထူထောင်ရေးတိုးတက်ရေးကို သူတို့လမ်းစဉ်ဖြင့် သွားကြမည်သာ ဖြစ်သည်။ ထိုအထဲတွင် ပညာတတ်များကိုလည်း နိုင်ငံတော်က ချမှတ်ထားသည့်လမ်းကြောင်းအတိုင်း လိုက်နိုင်မှ ဆွဲခေါ်မည်ဟု ရာဇသံပေးနေသလို ဖြစ်သည်။ 

တရုတ်ခေါင်းဆောင်များ၏ ပညာတတ်များအပေါ် ချုပ်ကိုင်မှုနှင့် တရုတ်တက္ကသိုလ်များအပေါ် လွှမ်းမိုးမှုများအပေါ် ကျောင်းသားရော၊ ပညာရှင်များပါ သဘောမကျကြပါ။ သို့သော် ဘွဲ့ယူလျှင် ဤခေါင်းစဉ်ဖြင့်သာယူရမည်ဆိုခြင်းကိုလည်း သူတို့တွင် ဆန့်ကျင်နိုင်စွမ်းမရှိကြပါ။ တရုတ်လူ့ဘောင်က နှစ်ပေါင်းများစွာ ဗဟိုချုပ်ကိုင်မှုအောက်တွင် ပြားပြားမှောက်နေကြရသည် မဟုတ်ပါလား။

E-01

(Ref: The Diplomat, South China Morning Post)