ဟောင်ကောင်တရားစီရင်ရေးမှာ လွတ်လပ်သည်ဆိုသော်လည်း ပြည်မကြီးအနေနှင့် ၎င်းတို့အပေါ် လွှမ်းမိုးနိုင်မှုများရှိသည်။ တရုတ်ပြည်အမျိုးသားကွန်ဂရက်က ဟောင်ကောင်ဖွဲ့စည်းပုံအခြေခံဥပဒေကို အဓိပ္ပာယ်ဖော်နိုင်သည်။ လွန်ခဲ့သောနှစ်များအတွင်းက ဤအချက်ကိုအသုံးပြု၍ အငြင်းပွားဖွယ်ဆုံးဖြတ်ချက်များ ချဖူးသည်။
(၁)

ဟောင်ကောင်နိုင်ငံ၏ တရားစီရင်ရေးစနစ်မှာ ဗြိတိသျှတို့ ချန်ထားခဲ့သည့်စနစ်ဖြစ်ပါသည်။ ခေါင်းဆောင်းများ၊ ဝတ်ရုံများကိုသာမက ဗြိတိသျှနိုင်ငံ၏ တရားရုံးများ၏ တန်ဖိုးကိုပါ ထားရစ်ခဲ့ခြင်းဖြစ်ပါသည်။ ဥပဒေ၏ တရားမျှတခြင်း၊ လွတ်လပ်စွာ တရားစီရင်ပိုင်ခွင့်ရှိခြင်းတို့ ပါဝင်ပါသည်။ ထိုတရားရုံးများကြောင့်လည်း ဟောင်ကောင်သည် အာရှတိုက်၏ အကောင်းဆုံးသော ဒီမိုကရေစီသဘောတရားများကို ထိန်းသိမ်းထားနိုင်ခဲ့ပါသည်။ နယူးယောက်၊ လန်ဒန်တို့နည်းတူ ကမ္ဘာ့ငွေကြေးဆိုင်ရာ စင်တာတစ်ခုအနေနှင့်လည်း ရပ်တည်နိုင်ခဲ့ပါသည်။ ဟောင်ကောင်တရားရုံးများမှာ ၁၉၉၇ ခုနှစ် ဟောင်ကောင်ကို ပြန်ပေးစဉ်က One Country Two System အနေနှင့် အုပ်ချုပ်မည်ဆိုခြင်းအတွက် အာမခံပေးရာ ဌာနကြီးအဖြစ် ကမ္ဘာက ရှုမြင်ကြပါသည်။

(၂)

သို့ပါသော်လည်း လွန်ခဲ့သောနှစ်များအတွင်းက နိုင်ငံရေးသဘောတရားများပါဝင်သော အဖြစ်အပျက်များက ထိုတရားရုံးများ၏ ဂုဏ်သိက္ခာကို ညှိုးနွမ်းစေခဲ့ပါသည်။ တရားရုံးများကို ပြည်မကြီးမှ ဖိအားပေးခြင်းကို ခံနိုင်ရည်ရှိ မရှိ၊ တရားရုံးများအနေနှင့် ဟောင်ကောင်သားတို့၏ အခြေခံရပိုင်ခွင့်များကို ကာကွယ်ပေးနိုင်စွမ်း ရှိ မရှိ အငြင်းပွားဖွယ်ဖြစ်ရပ်များ ပေါ်ပေါက်ခဲ့ရပါသည်။

ဟောင်ကောင်အစိုးရအနေနှင့် အနောက်နိုင်ငံအစိုးရများကဲ့သို့ မိမိ၏ ကိုယ်ပိုင်ရပ်တည်ခွင့်မရှိဘဲ ဖြစ်ခဲ့ရပါသည်။ ၂၀၁၄ ခုနှစ်က Umbrella Movement အတွက် ထောင်ဒဏ်ချမှတ်ခံရသော လူငယ်သုံးဦး၏ အရေးကိစ္စက ဤဖြစ်ရပ်ကို မီးမောင်းထိုးပြနေပါသည်။ ထိုစဉ်က လူထောင်ပေါင်းများစွာတို့က လမ်းမပေါ်သို့ထွက်လာခါ ဆန္ဒပြခဲ့ကြပါသည်။ ဒီမိုကရေစီ ပိုမိုရရှိရေး မိမိတို့ အုပ်ချုပ်ရေးမှူး (Chief Executive) ကို ကိုယ်တိုင်ရွေးချယ်ပိုင်ခွင့်ရရှိရေးတို့အတွက် တိုက်ပွဲဝင်ခဲ့ကြခြင်းဖြစ်ပါသည်။ ခေါင်းဆောင် ၃ ဦးဖြစ်သော Joshua Wong, Nathan Law နှင့် Alex Chow တို့ကို မိမိယုံကြည်ချက်ကြောင့် ထောင်ကျခံရသူများအဖြစ် သတ်မှတ်လိုခဲ့ကြပါသည်။

ဟောင်ကောင်၏ အမြင့်ဆုံးအယူခံရုံးမှ ထိုသုံးဦး၏ ၆ လမှ ၈ လအထိ ထောင်ဒဏ်များကို ပယ်ဖျက်ပေးလိုက်ပါသည်။ ထောင်ဒဏ်များကို လွန်ခဲ့သောဩဂုတ်လက တရုတ်ပြည်မကြီးထောက်ခံသော တရားရုံးမှ အောက်ရုံးကပေးသောအပြစ်ဒဏ်များကို ပေါ့လျော့သည်ဆိုကာ ထပ်မံ၍ ပိုမိုပြင်းထန်သော အမိန့်များကိုပေးခဲ့ခြင်း ဖြစ်ပါသည်။

ဤဆုံးဖြတ်ချက်ကြောင့် အကျဉ်းကျခံရသူများမှာ လွန်ခဲ့သော အင်္ဂါနေ့က လွတ်မြောက်သွားပြီဖြစ်သည်။ သို့ပါသော်လည်း အမြင့်ဆုံးရုံးမှ နောင်အလားတူဖြစ်ရပ်များအတွက် (Sentencing guideline) ချပေးရာတွင် ပို၍ပြင်းထန်သော အပြစ်ဒဏ်များကို ချမှတ်စေရမည်ဟူ၍ဖြစ်သည်။

“ကျွန်တော့်နှလုံးတွေက လေးလံနေပါတယ်။ ဟောင်ကောင်ရဲ့ ဒီမိုကရေစီတိုက်ပွဲကတော့ ရှုံးနေပြီ”ဟု မစ္စတာလောက ဆိုသည်။

ဝါရှင်တန်တွင် လွန်ခဲ့သောလက ကွန်ဂရက်လွှတ်တော်အမတ် ၁၂ ဦးက ကျောင်းသားသုံးယောက်ကို နိုဘယ်လ်ဆု ချီးမြှင့်ရန်အတွက် စာရင်းတင်သွင်းလိုက်ပါသည်။ ဟောင်ကောင်အစိုးရနှင့် ပီကင်းအစိုးရက တရုတ်ပြည်၏ ပြည်တွင်းရေးကို နှောင့်ယှက်သည်ဟုရှုတ်ချကြသည်။ တချို့ကလည်း ပြည်မကြီးက ကျေနပ်အောင် ဟောင်ကောင်အစိုးရက လိုက်လျောလွန်းသည်ဟု ဆိုကြသည်။

အစိုးရအနေနှင့်မူ ကျောင်းသား ၃ ဦး အကျဉ်းချရသည်မှာ နိုင်ငံရေးအကျဉ်းသားမဟုတ်ပါဟု အစဉ်တစိုက် ငြင်းဆိုခဲ့သည်။ ထောင်ချရခြင်းမှာ ရာဇဝတ်မှုကျူးလွန်ခြင်းကြောင့်သာဖြစ်သည်။ ဟောင်ကောင်တွင် တရားဥပဒေစိုးမိုးခြင်းသည် ဘယ်သောအခါမှ တန်ဖိုးယုတ်လျော့မသွားပါဟု ဆိုသည်။ မြို့တော်၏ အဓိကဥပဒေအဖွဲ့ကြီး ၂ ခုကလည်း ဤသို့အမိန့်ချမှတ်ခြင်းသည် နိုင်ငံရေးသဘောတရားမပါပါဟု ထင်မြင်ချက်ပေးသည်။ ယမန်နှစ်က World Economic Forum \ Global Competitive Index တွင် ဟောင်ကောင်၏ တရားစီရင်ရေး လွတ်လပ်မှု အဆင့်အတန်းသည် အဆင့် ၈ မှ ၁၃ သို့ ကျဆင်းသွားသည်။ ဂျပန်မှာ အဆင့် ၁၅ ရှိပြီး အမေရိကားမှာ ၂၅ ရှိသည်။

ဟောင်ကောင်၏ တရားစီရင်ရေးသည် ဟောင်ကောင်၏ပုံရိပ် (Image) ပင်ဖြစ်သည်။ တရားဥပဒေစိုးမိုးခြင်းကိုပြသည်။ နိုင်ငံတကာမှ ဘဏ်ကြီးများ၊ ကုမ္ပဏီများ လာရောက်ဖွင့်လှစ်နေကြခြင်းမှာ ဟောင်ကောင်၏ ပုံရိပ်ကောင်းသောကြောင့်ပင် ဖြစ်သည်။ ဗြိတိသျှတို့၏ တရားစီရင်ရေးမှာ ယခင်က တရားစီရင်ဆုံးဖြတ်ခဲ့သည်များကို အခြေခံဆုံးဖြတ်ခြင်းဖြစ်ပြီး မူလလမ်းကြောင်းမှ သွေဖည်သွားခြင်းမရှိပါ။ ဗြိတိသျှကိုလိုနီဖြစ်ခဲ့သောနိုင်ငံများ ကနေဒါ၊ ဩစတြေးလျတို့ နည်းတူ ဟောင်ကောင်တွင်လည်း အမြင့်ဆုံး တရားရုံး (Appeal Court) တွင် နိုင်ငံခြားမှ ပညာရှင်များကို မကြာမကြာဖိတ်ခေါ်ပြီး ထိုင်စေသည်။

ဟောင်ကောင်၏ အမြင့်ဆုံးတရားရုံး တရားသူကြီးဖြစ်သူ Mr. Goffrey Ma က ဟောင်ကောင်ဥပဒေသည် Common Law System ဖြစ်ကြောင်း၊ အစဉ်အလာကိုထိန်းသိမ်းခဲ့ကြောင်း၊ ဇန်နဝါရီလ ၈ ရက်နေ့က ပြောသည်။ ဟောင်ကောင်၏ အောင်မြင်မှုများမှာ တရားရုံး၏ အောင်မြင်မှုများကြောင့်ပင်ဖြစ်ပြီး နှစ်ပေါင်း ၁၈၀ ကြာခဲ့ပြီဟုပြောသည်။

ဟောင်ကောင်တရားသူကြီးများကို ဟောင်ကောင်ခေါင်းဆောင်ဖြစ်သူ အုပ်ချုပ်ရေးမှူး (Chief Executive) က ခန့်အပ်ပြီး တရားရေးဌာန တာဝန်ခံက တင်ပြလာသောလူများထံမှ ရွေးရသည်။ ဤသည်မှာ အစဉ်တစိုက် ထိန်းသိမ်းလာသော အစီအစဉ်ဖြစ်ပြီး ယခုအချိန်ထိ တင်ပြလာသောလူစာရင်းကို ငြင်းပယ်ခံရသည်ဟု မရှိဖူးသေးချေ။ တရားသူကြီးခန့်ထားရာတွင် ပြည်မကြီးမှ နှောင့်ယှက်ပိုင်ခွင့်မရှိ၊ ၂၀၁၀ တွင် တရားသူကြီးချုပ်အပြင် Mr. Ma ကို ခန့်အပ်စဉ်ကလည်း ပီကင်းက ကန့်ကွက်ခြင်းမရှိခဲ့ပေ။

ဟောင်ကောင်တရားစီရင်ရေးမှာ လွတ်လပ်သည်ဆိုသော်လည်း ပြည်မကြီးအနေနှင့် ၎င်းတို့အပေါ် လွှမ်းမိုးနိုင်မှုများရှိသည်။ တရုတ်ပြည်အမျိုးသားကွန်ဂရက်က ဟောင်ကောင်ဖွဲ့စည်းပုံအခြေခံဥပဒေကို အဓိပ္ပာယ်ဖော်နိုင်သည်။ လွန်ခဲ့သောနှစ်များအတွင်းက ဤအချက်ကိုအသုံးပြု၍ အငြင်းပွားဖွယ်ဆုံးဖြတ်ချက်များ ချဖူးသည်။

ယခင်နှစ်ကလည်း ကိုယ်စားလှယ်များ ကျမ်းကျိန်ရာတွင် လူ ၆ ဦး ကို ထုတ်ပယ်ခဲ့ရာမှ ပြဿနာတက်ခဲ့သည်။

လွန်ခဲ့သောနှစ်က ဥပဒေပညာရှင် ၁၂ ဦး (ဗြိတိသျှ၊ အမေရိကန်၊ မက္ကဆီကို၊ ကနေဒါ၊ တောင်အာဖရိက၊ မလေးရှား) တို့ ပါဝင်သောအဖွဲ့က ဆန္ဒပြခေါင်းဆောင်ကို ထောင်ချခြင်းနှင့်ပတ်သက်၍ ဥပဒေစိုးမိုးရေးကို ခြိမ်းခြောက်နေပြီဟူ၍ ရေးသားခဲ့ကြသည်။ ဟောင်ကောင်တရားစီရင်ရေးသည် တရုတ်ကွန်မြူနစ်ပါတီ၏အလိုကို လိုက်နေရသည်ဟု ဝေဖန်ကြသည်။ ဟောင်ကောင်တွင် တက်ကြွသူများက တရားစီရင်ရေးကို ပီကင်းနှင့် တစ်သီးတခြားဖြစ်လိုကြသည်။ အသက်အရွယ်ကြီးသူများကမူ ပီကင်း၏ ပါဝင်ပတ်သက်မှုကို ကြိုဆိုကြသည်။ ဟောင်ကောင်ရှိ တရားသူကြီး ၂၀၀ ခန့်ကို စစ်တမ်းကောက်ယူထားမှု မရှိပေ။

(၃)

တရုတ်ပြည်မကြီးနှင့်ဆက်သွယ်သည့် ရထားလမ်းဖောက်ပြီးသည့်အခါ လမ်း၏တစ်စိတ်တစ်ပိုင်းကို တရုတ်တို့၏ အုပ်ချုပ်မှုအောက်တွင် ထားရှိရန် အစီအစဉ်ရှိသည်။ ထိုသို့ပေးလိုက်လျှင် ပြည်မကြီးမှ စွက်ဖက်မှုများသည် ပိုမိုဆိုးလာဖွယ်ရှိသည်။

ယခင်ကမူ တရုတ်ပြည်၏ ပါဝင်ပတ်သက်မှုသည် တရားစီရင်မှုအပိုင်းမှအပသာ ဖြစ်ခဲ့သည်။ တရားစီရင်မှုတွင် ပြည်မကြီးမှ တစ်စုံတစ်ရာနှောင့်ယှက်မှုမရှိခဲ့ပေ။ ယခုအခါတွင်မူ တရားရုံးများ၏ဥပဒေကို အဓိပ္ပာယ်ဖော်ခြင်း (Review Power) ကိုပါယူရန် ကြိုးစားသည်ကို တွေ့နေရသည်။

ကိုသန်းလွင်
Ref: Hong Kong top court overturns Prison Sentence  for Activists, Associated Press, New Yrok Times 6 February 2018