အခုတော့ဗျာ ...။ ပညာရေးဌာနက ဖြန့်ဝေထားတဲ့ ကျောင်းထွက်လက်မှတ်စာအုပ် တစ်အုပ်တည်းမှာပဲ အခေါ်အဝေါ်က နှစ်မျိုးဖြစ်နေလေမှတော့ မှတ်သားရတာက အတော့်ကို ဝေဝေ၀ါးဝါး ဖြစ်နိုင်စေတာကလား။ ကျောင်းထွက်လက်မှတ်ဆိုတဲ့ အသုံးအနှုန်းက မှန်သလား၊ ကျောင်းပြောင်း လက်မှတ်ဆိုတဲ့ အသုံးအနှုန်းက မှန်သလားဆိုတာ ငြင်းချက်ထုတ်စရာ မရှိပေမယ့် (TC) ဆိုတဲ့ စကားရပ်နဲ့ လိုက်လျောညီထွေဖြစ်ရင်တော့ ပိုကောင်းတာပေါ့။
သြော် ... ဒါနဲ့စကားမစပ်။

အခြေခံပညာအဆင့်ကျောင်းတွေမှာ သူငယ်တန်း (KG) ကနေ ဒသမတန်းအထိ ပညာသင်ယူနေတဲ့ ဘယ်ကျောင်းသားမဆို ဒီကျောင်းကနေထွက်ပြီး နောက်တစ်ကျောင်းကို ပြောင်းနေတော့မယ်ဆိုရင် ကျောင်းသားတစ်ယောက်အတွက် အသက်တမျှ အရေးကြီးလှတဲ့ စာရွက်တစ်ရွက်ကို ကျောင်းအုပ်ကြီးဆီကနေ မဖြစ်မနေ တောင်းယူရလိမ့်မယ်။ အဲဒါကတော့ အခုခေတ်အခေါ်အရ ကျောင်းထွက်လက်မှတ်ဆိုတာပါပဲ။ 

ဒီဆောင်းပါးမှာ ခေါ်နေကျအတိုင်း ကျောင်းထွက်လက်မှတ်လို့ပဲ အလွယ်ခေါ်ကြပါစို့ရဲ့။ ကျောင်းသားတစ်ယောက်က လက်ရှိကျောင်းကနေ နောက်ထပ်ကျောင်းတစ်ကျောင်းကို ပြောင်းရင် ကျောင်းထွက်လက်မှတ်တစ်စောင်သာ ထုတ်ယူခွင့် ရှိတယ်။ ကျောင်းသားအတွက် အရေးပါတဲ့ အထောက်အထားဖြစ်တာမို့ ရေစို၊ စုတ်ပြဲ၊ မပျောက်မပျက် မဖြစ်ရလေအောင် ထိန်းသိမ်းရမယ်။ ကျောင်းထွက်လက်မှတ်ကို ကျောင်းသားကိုယ်တိုင် ကိုယ့်သဘောနဲ့ကိုယ် ထုတ်ယူလို့မရဘူး။ မိဘ ဒါမှမဟုတ် တာဝန်ရှိသူ အုပ်ထိန်းသူ တစ်ယောက်ယောက်က တောင်းခံမှသာ ကျောင်းအုပ်ကြီးက ထုတ်ပေးလို့ရတယ်။ ကျောင်းထွက်လက်မှတ်မှာ တကယ်အရေးပါတဲ့ အချက်ငါးချက်ရှိတယ်။ အဲဒါတွေကတော့ .....

- ကျောင်းသားရဲ့ ကျောင်းဝင်အမှတ်၊ 
- ကျောင်းသားရဲ့အမည်နဲ့ စာလုံးပေါင်းသတ်ပုံ မှန်ကန်မှု ရှိ မရှိ၊
- အဘအမည်နဲ့ စာလုံးပေါင်းသတ်ပုံ မှန်ကန်မှု ရှိ မရှိ၊
- အောင်မြင့်ခဲ့တဲ့ အတန်း၊ ဘာသာတွဲနဲ့ ခုနှစ် မှန်ကန်မှု ရှိ မရှိ၊ 
- ကျောင်းသားရဲ့ မွေးသက္ကရာဇ် မှန်ကန်မှု ရှိ မရှိ စတာတွေပေါ့။ 

ကျောင်းထွက်လက်မှတ်ပါမှ နောက်ကျောင်းတစ်ကျောင်းကလည်း ကျောင်းသားတစ်ယောက်ကို တရားဝင်လက်ခံလို့ရတယ်။ ကျောင်းထွက်လက်မှတ်မပါဘဲ ဘယ်ကျောင်းမှာမှ တရားဝင် အပ်လို့မရဘူး။ ဒါပေမဲ့ ကျောင်းထွက်လက်မှတ်မရခင် ကျောင်းနေနှုန်း နိမ့်မကျအောင်၊ ကျောင်းသားအတွက် သင်ခန်းစာတွေ နောက်မကျရအောင် ယာယီလက်ခံထားပေးလို့တော့ ရတာပေါ့။ ကျောင်းနေဖူးသူတိုင်း ကျောင်းထွက်လက်မှတ်ဆိုတာကို ကြားဖူး မြင်ဖူးကြမှာပါ။ ကျောင်းထွက်လက်မှတ်ကို အင်္ဂလိပ်လို အတိုကောက် တီစီ (TC) လို့ ခေါ်ကြတာပေါ့။ 

တီစီ (TC) ဆိုတာက Transfer Certificate ကနေ အဖျားစာလုံးတွေကို အတိုကောက်သဘောနဲ့ ယူထားတာဆိုတော့ ကျောင်းထွက်လက်မှတ်လို့ခေါ်ရင် တက်တက်စင်အောင် လွဲနေသလားလို့ပါ။ ဒါကလည်း ကိုယ်တစ်ယောက်တည်းရဲ့အမြင်ကို ချပြကြည့်တာပါ။ ဒီလိုဆိုရင် TC အစား EC(Exit Certificate) လို့ ခေါ်တာက ပိုပြီးသဘာဝကျလိမ့်မယ်လို့ ထင်တယ်။ ကျွန်တော်တို့ အငယ်တုန်းကတော့ ကျောင်းပြောင်းလက်မှတ်လို့ပဲ သုံးနှုန်းခဲ့ကြတာပါ။ 

ကျောင်းထွက်ခြင်း

ကျောင်းထွက်ခြင်းဆိုတာကတော့ ကျောင်းသားတစ်ယောက်ဟာ အကြောင်းကြောင်းကြောင့် ပညာသင်ယူနိုင်ဖို့ အခွင့်အလမ်းမရှိတော့ဘဲ မိဘကို ဝင်ကူရတာမျိုး၊ လုပ်ငန်းခွင်တစ်ခုခုကို ဝင်ရောက်ဖို့ ဒါမှမဟုတ် အရပ်ဒေသတစ်ခုကို သွားရောက်ပြီး အလုပ်လုပ်ကိုင်နိုင်ဖို့ စာသင်ကျောင်းကနေ အပြီးတိုင်ထွက်ခွာသွားတာမျိုးကို ကျောင်းထွက်သွားတယ်လို့ သတ်မှတ်လို့ရတယ်။ ဒါ့ကြောင့် ဒီလိုကလေးမျိုးဟာ တခြားကျောင်းတစ်ကျောင်းမှာ ဆက်မတက်ဖြစ်တော့တာမို့ သူ့ကို ကျောင်းထွက်လက်မှတ်လို့ ခေါ်နေတဲ့ အထောက်အထား စာရွက်စာတမ်း ထုတ်ပေးစရာ မလိုတော့ဘူး။ ဒါပေမဲ့ ပညာအရည်အချင်းနဲ့ပတ်သက်လို့ အမြင့်ဆုံးအောင်မြင်ထားကြောင်း အထောက်အထား လိုချင်တယ်ဆိုရင်တော့ ကျောင်းအုပ်ကြီးက ထောက်ခံစာထုတ်ပေးရုံနဲ့ လုံလောက်တယ်။

ကျောင်းပြောင်းခြင်း

ကျောင်းပြောင်းခြင်း ဆိုတာကတော့ ပညာသင်ယူနေချိန်မှာ ကျောင်းသားတစ်ယောက်ဟာ အခြေအနေ အရပ်ရပ်တစ်ခုကြောင့် လက်ရှိကျောင်းမှာ ပညာဆက်လက်သင်ယူဖို့ အခွင့်အလမ်းမရှိတော့ဘဲ တခြားမြို့၊ ရွာ၊ ရပ်ကွက်မှာရှိတဲ့ စာသင်ကျောင်းတစ်ကျောင်းကို ပြောင်းရွှေ့ပြီး သင်ယူရတာမျိုးကို ဆိုလိုတာပါ။ ကျောင်းပြောင်းပြီး နေရတော့မယ်ဆိုရင် ကျောင်းသားအတွက် ကျောင်းပြောင်းလက်မှတ်လို့ခေါ်တဲ့ စာရွက်စာတမ်း အထောက်အထားကို ကျောင်းအုပ်ကြီးလုပ်သူက အချိန်မီထုတ်ပေးရမယ်။ အဲ့ဒါကြောင့် ကျောင်းထွက်လက်မှတ်လို့ ခေါ်နေမယ့်အစား ကောင်းနိုးရာရာတွေးမိပြီး ကျောင်းပြောင်းလက်မှတ်လို့ ခေါ်တာက ပိုပြီးဆီလျော်လိမ့်မယ်လို့ စောဒကတက်ချင်မိတယ်။ 

ကျောင်းထွက်လက်မှတ်စာအုပ်

ပညာရေးဝန်ကြီးဌာနက အခြေခံပညာကျောင်း (ထက်၊ လယ်၊ မူ) နဲ့ တရားဝင် ဖွင့်လှစ်ခွင့်ရထားတဲ့ ကိုယ်ပိုင်ကျောင်းတွေကို ကျောင်းထွက်လက်မှတ်စာအုပ်တွေ ထုတ်ပေးထားတာရှိတယ်။ မသမာမှု လုပ်လို့မရအောင် ဝန်ကြီးဌာနက စိစစ်ပြီးခါမှ ထုတ်ပေးထားရတာပေါ့။ စာအုပ်တစ်အုပ်မှာ အရွက်ရေ ၁၀၀ ပါတယ်။ အရွက်တိုင်းမှာလည်း အင်္ဂလိပ်အက္ခရာ သုံးလုံးတွဲနဲ့ အင်္ဂလိပ်ဂဏန်း ခုနစ်လုံးပါတယ်။ (ဥပမာ DDD 0001001..... DDD 0001100)

စာအုပ်ရဲ့မျက်နှာဖုံးမှာ-
ပြည်ထောင်စုသမ္မတမြန်မာနိုင်ငံတော်အစိုးရ
ပညာရေးဝန်ကြီးဌာန
အခြေခံပညာကျောင်း ကျောင်းထွက်လက်မှတ်ပုံစံစာအုပ်
.....လို့ ရေးသားဖော်ပြထားပေမယ့် မျက်နှာဖုံး အတွင်းစာမျက်နှာ ညွှန်ကြားချက် အမှတ်စဉ် (၁၀) မှာ ကျောင်းပြောင်းလက်မှတ်လို့ သုံးနှုန်းထားလေတော့ ဘယ်အခေါ်အဝေါ်က အမှန်နဲ့ ပိုပြီးနီးစပ်ပါ့မလဲလို့ ထောက်ပြချင်တာပါ။ 

ဖြစ်နိုင်မယ်ဆိုရင်တော့ ကျောင်းသုံး၊ ရုံးသုံး စာအသုံးအနှုန်းတွေမှာ တစ်မျိုးတည်းကို ပုံသေကားကျသတ်မှတ်ပေးနိုင်မယ်ဆိုရင်တော့ ပိုကောင်းမယ်လို့ ထင်တာပဲ။ ရုံးစာရေးသားပြီး အဓိပ္ပာယ်ဖော်ဆောင်တဲ့ နေရာမှာလည်း တစ်သားတည်းဖြစ်ပြီး သဘောပေါက်လွယ်မှာကတော့ အမှန်ပဲပေါ့။ 

အခုတော့ဗျာ...။ ပညာရေးဌာနက ဖြန့်ဝေထားတဲ့ ကျောင်းထွက်လက်မှတ်စာအုပ် တစ်အုပ်တည်းမှာပဲ အခေါ်အဝေါ်က နှစ်မျိုးဖြစ်နေလေမှတော့ မှတ်သားရတာက အတော့်ကို ဝေဝေဝါးဝါး ဖြစ်နိုင်စေတာကလား။ ကျောင်းထွက်လက်မှတ်ဆိုတဲ့ အသုံးအနှုန်းက မှန်သလား၊ ကျောင်းပြောင်းလက်မှတ်ဆိုတဲ့ အသုံးအနှုန်းက မှန်သလားဆိုတာ ငြင်းချက်ထုတ်စရာ မရှိပေမယ့် (TC) ဆိုတဲ့ စကားရပ်နဲ့ လိုက်လျောညီထွေဖြစ်ရင်တော့ ပိုကောင်းတာပေါ့။ 

သို့ဖြစ်၍ ပညာရေးဌာနက တာဝန်ရှိသူ လူကြီးမင်းများကို မေးလိုက်ချင်ပါရဲ့။ ကျောင်းပြောင်းလက်မှတ်လား၊ ကျောင်းထွက်လက်မှတ်လား။ အမှန်ကို သိချင်စမ်းလှပါဘိတော့။ 

ကိုသောင်း (ပညာရေး)