မြန်မာ့ရိုးရာချည်မျှင်နှင့် အထည်အလိပ် ရက်ကန်းလုပ်ငန်းလုပ်ကိုင်သူများအတွက် ယူကေနိုင်ငံတကာ ဖွံ့ဖြိုးရေးဌာန (DFID) ၏ လုပ်ငန်းအစီအစဉ်တစ်ခုဖြစ်သည့် DaNa Facility က အမေရိကန် ဒေါ်လာ ၇၅၀,၀၀၀ ကူညီထောက်ပံ့ပေးမည်ဖြစ်ကြောင်း DaNa Facility ထံမှ သိရသည်။
ရန်ကုန်၊ အောက်တိုဘာ ၁၀

မြန်မာ့ရိုးရာချည်မျှင်နှင့် အထည်အလိပ် ရက်ကန်းလုပ်ငန်းလုပ်ကိုင်သူများအတွက် ယူကေနိုင်ငံတကာ ဖွံ့ဖြိုးရေးဌာန (DFID) ၏ လုပ်ငန်းအစီအစဉ်တစ်ခုဖြစ်သည့် DaNa Facility က အမေရိကန် ဒေါ်လာ ၇၅၀,၀၀၀ ကူညီထောက်ပံ့ပေးမည်ဖြစ်ကြောင်း DaNa Facility ထံမှ သိရသည်။

နိုင်ငံတကာအဖွဲ့အစည်းတစ်ခုဖြစ်သည့် Turquoise Mountain ၏ လူမှုအကျိုးပြုစီးပွားရေးလုပ်ငန်း Myanmar Artisans နှင့် DaNa Facility တို့ ပူးပေါင်း၍ အမေရိကန်ဒေါ်လာ ၇၅၀,၀၀၀ ထောက်ပံ့မှုအစီအစဉ်ကို ၂၀၁၉ နှင့် ၂၀၂၀ အတွင်း ကချင်ပြည်နယ်၊ ချင်းပြည်နယ်နှင့် ရှမ်းပြည်နယ်တို့တွင် ဆောင်ရွက်မည်ဖြစ်ပြီး နောက်ပိုင်းတွင် အခြားပြည်နယ်များ၌ တိုးချဲ့လုပ်ကိုင်သွားမည်ဖြစ်ကြောင်း ယင်း DaNa Facility ထံမှ သိရသည်။

ထောက်ပံ့ပေးမည့်အစီအစဉ်အရ အထည်အလိပ်ကဏ္ဍကို တွင်တွင်ကျယ်ကျယ်လုပ်ကိုင်လျက်ရှိသည့် အမျိုးသမီးများနှင့် ဆင်းရဲနွမ်းပါးသူများအတွက် အလုပ်အကိုင်ဖန်တီးပေးခြင်း၊ သင်တန်းပို့ချခြင်း၊ ခိုင်မာသည့်ဈေးကွက်ရရှိစေရန် ချိတ်ဆက်ပေးခြင်းတို့ကို ဆောင်ရွက်မည်ဖြစ်ကြောင်း DFID ခေါင်းဆောင် Dr.Gail Marzetti က ပြောကြားသည်။

“ယူကေအစိုးရနဲ့ DFID ဟာ မြန်မာနိုင်ငံရဲ့ တိုင်းဒေသကြီးနဲ့ ပြည်နယ်အသီးသီးမှာရှိတဲ့ စီးပွားရေးလုပ်ငန်းတွေကို ထောက်ပံ့ခြင်းအားဖြင့် ရင်းနှီးမြှုပ်နှံမှုတွေ ပိုဝင်အောင်စီးပွားရေးတိုးတက်မှု ပိုအားကောင်းလာအောင် ကူညီဆောင်ရွက်ပေးလိုပါတယ်”ဟု Dr.Gail Marzetti က ပြောဆိုသည်။

ထို့ပြင် မြန်မာနိုင်ငံ၏ ချည်မျှင်နှင့် အထည်အလိပ်ရိုးရာလုပ်ငန်းကို ထိန်းသိမ်းနိုင်ရန်အတွက် ရန်ကုန်မြို့တွင် အချုပ်အလုပ်အလုပ်ရုံတစ်ခုထားရှိကာ အထည်အလိပ်ထုတ်လုပ်မှုနှင့် အရည်အသွေးထိန်းသိမ်းခြင်းကို ဦးစားပေးဆောင်ရွက်သွားမည်ဖြစ်ကြောင်း DaNa Facility ထံမှ သိရသည်။

DaNa Facility သည် ယူကေနိုင်ငံတကာဖွံ့ဖြိုးရေးဌာန (DFID) က ထောက်ပံ့ပေးထားသည့် အစီအစဉ်တစ်ခုဖြစ်ပြီး ၂၀၁၆ ခုနှစ် မေလက စတင်ဖွဲ့စည်းခဲ့ခြင်းဖြစ်ကာ စီးပွားရေးကဏ္ဍ ဖွံ့ဖြိုးတိုးတက်မှုနှင့် ပုဂ္ဂလိကကဏ္ဍ ဖွံ့ဖြိုးတိုးတက်မှုလုပ်ငန်းစဉ်များကို အကောင်အထည်ဖော်ဆောင်ရွက်သည့် အဖွဲ့အစည်းတစ်ခု ဖြစ်သည်။

J-11