သမ္မတ ဖြစ်လာတော့မည့် ဒေါ်နယ်ထရမ့်က ၎င်း၏ သမက်အား ထိပ်တန်း အကြံပေးအဖြစ် ခန့်အပ်မှုအပေါ် ဆွေမျိုးကောင်းစားရေးဝါဒ၊ ကိုယ်ကျိုးစီးပွား ငြိစွန်းမှုတို့ဖြင့် ပြန်လည် စစ်ဆေးရန် ဒီမိုကရက်များက တောင်းဆိုထားသည်ဟု BBC သတင်းတွင် ဖော်ပြထားသည်။
ဝါရှင်တန်၊ ဇန်နဝါရီ ၁၀

သမ္မတ ဖြစ်လာတော့မည့် ဒေါ်နယ်ထရမ့်က ၎င်း၏ သမက်အား ထိပ်တန်း အကြံပေးအဖြစ် ခန့်အပ်မှုအပေါ် ဆွေမျိုးကောင်းစားရေးဝါဒ၊ ကိုယ်ကျိုးစီးပွား ငြိစွန်းမှုတို့ဖြင့် ပြန်လည် စစ်ဆေးရန် ဒီမိုကရက်များက တောင်းဆိုထားသည်ဟု BBC သတင်းတွင် ဖော်ပြထားသည်။

ဂျာရတ်ကူရ်ှနာ ၃၆ နှစ်အား ရာထူး ခန့်အပ်မှုနှင့် ပတ်သက်သည့် ဥပဒေပိုင်းဆိုင်ရာများကို စစ်ဆေးရန် တရားရေးဌာန နှင့် အစိုးရကျင့်ဝတ်ဆိုင်ရာ ရုံးသို့ ဒီမိုကရက်များက တောင်းဆိုထားခြင်း ဖြစ်သည်။

၎င်း၏ ရှေ့နေကမူ အဆိုပါ ရာထူးခန့်အပ်မှုသည် ဆွေမျိုးကောင်းစားရေးဝါဒ တိုက်ဖျက်ရေး ဥပဒေကို ချိုးဖောက်ခြင်း မရှိဟု ပြောကြားသည်။

ဂျာရတ်ကူရ်ှနာသည် ဒေါ်နယ်ထရမ့်၏သမီး အိုင်ဗန်ကာနှင့် လက်ထပ်ထားသူဖြစ်သည်။ 

၎င်းသည် ကျင့်ဝတ်ဥပဒေများကို လိုက်နာသည့်အနေနှင့် မိသားစု၏ အိမ်ခြံ မြေလုပ်ငန်း အကြီးအကဲနှင့် New York Observer သတင်းစာ ထုတ်ဝေသူအဖြစ်မှ နုတ်ထွက်ပေးမည့်အပြင် ရှယ်ယာပိုင်ဆိုင်မှုများကိုပါ စွန့်လွှတ်မည်ဟု ရှေ့နေဖြစ်သူ  ဂျေမီဂိုးလစ်က ပြောကြားသည်။

အိမ်ဖြူတော်၏ အကြီးတန်း အကြံပေး ဖြစ်လာမည့် ဂျာရတ်ကူရ်ှနာသည် ကုန်သွယ်ရေးနှင့် အရှေ့အလယ်ပိုင်း မူဝါဒများကို ဦးစွာ ကိုင်တွယ်မည်ဖြစ်သည်။

ဒေါ်နယ်ထရမ့်သည် သမက်ဖြစ်သူအား အစိုးရအဖွဲ့တွင် အရေးကြီးသော ရာထူးကို ပေးအပ်ရသည့်အတွက် ဂုဏ်ယူကြောင်း အစောပိုင်းကပင် ချီးကျူးပြောဆိုခဲ့သည်။

၎င်းရာထူးသည် အိမ်ဖြူတော် ဝန်ထမ်းများအပေါ် သက်ရောက်သော ၁၉၆၇ ဖက်ဒရယ် ဥပဒေနှင့် ငြိစွန်းနေသည်ဟု ဒီမိုကရက်များက တင်ပြသောပေးစာတွင် ဖော်ပြထားသည်။

ထို့ပြင် ဂျာရတ်ကူရ်ှနာသည် ရှယ်ယာ ပိုင်ဆိုင်မှုများကို စွန့်လွှတ်သည့်တိုင်အောင် အိမ်ဖြူတော် အရာရှိ တစ်ဦးအနေနှင့် အကျိုးစီးပွား ငြိစွန်းမှုများကို အပြည့်အဝ ရှောင်ရှားရန် မလွယ်ကူကြောင်းနှင့် ၎င်း၏ ကုမ္ပဏီအတွက် အကျိုး ဖြစ်ထွန်းစေမည့်  မူဝါဒစွက်ဖက်မှုများကို ပြုလုပ်ရန် အခွင့်ရှိနေကြောင်း ဒီမိုကရက်များက ရေးသားထားသည်။

ရှေ့နေ မစ္စစ်ဂိုးလစ်ကမူ ဂျာရတ်ကူရှ် နာသည် ဖက်ဒရယ် ဥပဒေများကို လိုက်နာရန် တာဝန်ခံထားပြီး လုပ်ဆောင်ရမည့် အဆင့်များနှင့် ပတ်သက်၍ အစိုးရ ကျင့်ဝတ်ဆိုင်ရာရုံးနှင့် တိုင်ပင်လုပ်ဆောင်နေသည်ဟု ပြောကြားသည်။ ယင်းအကြံပေး ရာထူးအတွက် လစာလည်းရမည် မဟုတ်ဟုဆိုသည်။

သမီးဖြစ်သူ အိုင်ဗန်ကာထရမ့်မှာမူ သူမ၏ကိုယ်ပိုင် ဖက်ရှင်လုပ်ငန်းနှင့်တကွ ထရမ့်အဖွဲ့အစည်း၏ အမှုဆောင် ရာထူးများကို စွန့်လွှတ်ရမည်ဖြစ်ပြီး ဖခင်၏ အစိုးရအဖွဲ့တွင် ပါဝင်ခွင့် မရှိဘဲ သူမ၏ ကလေးများကိုသာ ပြုစုပျိုးထောင်ရမည်ဟု သိရှိရသည်။

စကားပြော ညင်သာသော ဂျာရတ် ကူရ်ှနာသည် မဲဆွယ်ကာလတွင် ထရမ့်၏အဖွဲ့မှ နယူးဂျာဆီ အုပ်ချုပ်ရေးမှူး ခရစ်စတီ နုတ်ထွက်သွားပြီးနောက် အစားဝင်လာခဲ့ခြင်းဖြစ်ပြီး အာဏာလွှဲပြောင်းမှု ကာလအတွင်း နိုင်ငံခြား ခေါင်းဆောင်များနှင့် တွေ့ဆုံမှုများတွင် အဓိကကျသော ကဏ္ဍမှ ပါဝင်ခဲ့သည်။ 

တနင်္ဂနွေနေ့ကလည်း ၎င်းနှင့် ထရမ့်၏ မဟာဗျူဟာ အကြံပေး စတိဗ်ဘန် နွန်တို့သည် ယူကေနိုင်ငံခြားရေး ဝန်ကြီး ဘောရစ်ဂျွန်ဆင်နှင့် တွေ့ဆုံ ဆွေးနွေးခဲ့ကြသည်။

ထရမ့်၏ အစိုးရအဖွဲ့ဝင် များစွာသည် ယခုအပတ်တွင် ပြုလုပ်မည့် အတည်ပြု ကြားနာမှုတွင် စစ်ဆေးခံရမည့် စီးပွားရေး ကိစ္စများ အသီးသီး ရှိနေကြသည်ဟု သိရှိရသည်။

F-04