ကာလီဖိုးနီးယား ပြည်နယ်တွင် တစ်ပတ်အတွင်း ဆစ်ခ်လူမျိုးနှစ်ဦး တိုက်ခိုက်ခံခဲ့ရပြီး ၎င်းတို့ လူမျိုးရေး ခွဲခြားတိုက်ခိုက်ခံရသည့် သားကောင်များဖြစ်နေမည်ကို ဆစ်ခ်လူထုက ကြောက်ရွံ့လျက်ရှိသည်ဟု CNN သတင်းဌာနတွင် ဖော်ပြသည်။

ဝါရှင်တန်ဒီစီ၊ သြဂုတ် ၉

ကာလီဖိုးနီးယား ပြည်နယ်တွင် တစ်ပတ်အတွင်း ဆစ်ခ်လူမျိုးနှစ်ဦး တိုက်ခိုက်ခံခဲ့ရပြီး ၎င်းတို့ လူမျိုးရေး ခွဲခြားတိုက်ခိုက်ခံရသည့် သားကောင်များဖြစ်နေမည်ကို ဆစ်ခ်လူထုက ကြောက်ရွံ့လျက်ရှိသည်ဟု CNN သတင်းဌာနတွင် ဖော်ပြသည်။

တိုက်ခိုက်သည့် အကြောင်းအရင်း ဖြစ်နိုင်ခြေသည် လူမျိုးရေး ခွဲခြားတိုက်ခိုက်ခြင်းသာ ဖြစ်နိုင်သည်ဟု ရဲများကလည်း ကောက်ချက်ချသည်။

ကာလီဖိုးနီးယားရှိ မန်တီကာမြို့တွင် အသက် ၇၁ နှစ်အရွယ် ဆာဟစ်ဘ် ဆင်းဂ်နတ်ဆိုသူ ဆစ်ခ်လူမျိုးတစ်ဦးကို တိုက်ခိုက်ခဲ့သည့် အမှုနှင့်စပ်လျဉ်း၍ လူငယ်နှစ်ဦးကို သြဂုတ်လ ၉ ရက်နေ့တွင် ဖမ်းဆီးခဲ့သည်။

ဆာဟစ်ဘ် ဆင်းဂ်နတ် တိုက်ခိုက်ခံရပြီးနောက် တရားခံနှစ်ဦးက ၎င်းအားတံတွေးဖြင့်ထွေး၍ ထွက်ပြေးခဲ့သည်ကို လုံခြုံရေးကင်မရာမှ မှတ်တမ်းတင်နိုင်ခဲ့သည်။

အခင်းဖြစ်ပွားရာ နေရာအနီးရှိ ဂရေးစတုန်းပန်းခြံ၌ သြဂုတ်လ ၈ ရက်နေ့တွင် လူ ထောင်ပေါင်းချီ စုဝေးခဲ့ပြီး ဆာဟစ်ဘ် ဆင်းဂ်နတ်ဘက်မှ ရပ်တည်ပေးခဲ့ကြသည်။

ထောက်ခံသူများ၊ ရပ်ရွာခေါင်းဆောင်များနှင့် ဆာဟစ်ဘ် ဆင်းဂ်နတ်၏ အိမ်နီးချင်းများက အဆိုပါတိုက်ခိုက်မှုအပေါ် စိုးရိမ်ကြောင်း လာရောက်ပြသခဲ့ကြသည်။

“ဒီကိစ္စက လူတစ်ယောက်တည်းကို တိုက်ခိုက်တဲ့သဘော မဟုတ်ပါဘူး၊ ဒါက မျိုးနွယ်စုတစ်ခုလုံးကို တိုက်ခိုက်တာ”ဟု ပြောရေးဆိုခွင့်ရှိသူတစ်ဦးက ပြောကြားသည်။

F-06