ပဲရစ်မှ ဇာတိတရုတ်နိုင်ငံသို့ ခရီးထွက်ခွာသွားရင်း ပျောက်ဆုံးနေသူ နိုင်ငံတကာ ပုလိပ်အဖွဲ့ အင်တာပိုလ်၏ အကြီးအကဲ မင်ဟောင်ဝေကို ပြင်သစ်ရဲများက စုံစမ်းရှာဖွေနေသည်ဟု Reuters သတင်းတွင် ဖော်ပြထားသည်။

ပဲရစ်၊ အောက်တိုဘာ ၆

ပဲရစ်မှ ဇာတိတရုတ်နိုင်ငံသို့ ခရီးထွက်ခွာသွားရင်း ပျောက်ဆုံးနေသူ နိုင်ငံတကာ ပုလိပ်အဖွဲ့ အင်တာပိုလ်၏ အကြီးအကဲ မင်ဟောင်ဝေကို ပြင်သစ်ရဲများက စုံစမ်းရှာဖွေနေသည်ဟု Reuters သတင်းတွင် ဖော်ပြထားသည်။

စက်တင်ဘာ ၂၉ ရက်က ထွက်ခွာသွားပြီး နောက်ပိုင်း သတင်းမကြားရသောကြောင့် မင်ဟောင်ဝေ၏ဇနီးက အင်တာပိုလ်အခြေစိုက်သော ပြင်သစ်နိုင်ငံ လိုင်ယွန်မှ ရဲဌာနကို အကြောင်းကြားခဲ့ခြင်း ဖြစ်သည်။

မင်သည် တရုတ်အာဏာပိုင်များကိုတစ်နည်းနည်းဖြင့် ဆန့်ကျင်ခဲ့ပုံရသောကြောင့် အကျိုးဆက်အနေနှင့် ထိန်းသိမ်းခံလိုက်ရသည်ဟု အနောက်အုပ်စုစုံစမ်း စစ်ဆေးရေးမှူးများက လောလောဆယ် ယူဆထားကြသည်။

မကြာသေးမီနှစ်ပိုင်းများအတွင်း တရုတ်အကြီးတန်းအရာရှိများ အကြောင်းရင်းမသိရဘဲ ပျောက်ဆုံးသွားကြပြီး လအတန်ကြာမှ အစိုးရက စုံစမ်းစစ်ဆေးနေသည်ဟု ထုတ်ပြန်သည့် ဖြစ်ရပ်များစွာ ရှိခဲ့သည်။

မင် ၆၄ နှစ်သည် တရုတ်မြေပေါ် ခြေချသည်နှင့် စစ်ဆေးမေးမြန်းရန် ခေါ်ဆောင်သွားခြင်း ခံရပုံရသည်ဟု အမည်မဖေါ်သော သတင်းဇာစ်မြစ်များကို ကိုးကားကာ South China Morning Post သတင်းစာက ရေးသားသည်။

ပျောက်ဆုံးနေသော အလိုရှိသူ တရားခံပြေးများကို ရှာဖွေရန် ကမ္ဘာ့ ၁၉၂ နိုင်ငံစုဖွဲ့ထားသော နိုင်ငံတကာပုလိပ်အဖွဲ့ အင်တာပိုလ်ကမင်ပျောက်ဆုံးမှု သတင်းကို သိရှိသည်ဟုပြောကြားသည်။ ထိုကိစ္စသည် တရုတ်နှင့်ပြင်သစ်မှ သက်ဆိုင်ရာအာဏာပိုင်များ၏ကိစ္စဖြစ်သည်ဟု အင်တာပိုလ်က မှတ်ချက်ပေးသည်။

အင်တာပိုလ်အကြီးအကဲများသည် သက်ဆိုင်ရာအစိုးရများထံမှ စေလွှတ်ပေးသူများဖြစ်ပြီး အင်တာပိုလ်တွင် လာရောက်ထမ်းဆောင်နေစဉ် မိခင်နိုင်ငံမှ ရာထူးနေရာကိုလည်း ရယူထားကြသူများ ဖြစ်သည်။

မင်သည် တရုတ်နိုင်ငံတွင် ပြည်သူ့လုံခြုံရေးဝန်ကြီးဌာန ဒုတိယဝန်ကြီးဖြစ်သော်လည်း ဧပြီလက ကွန်မြူနစ်ပါတီမှ နေရာကို ဆုံးရှုံးသွားခဲ့သည်ဟု သိရှိရသည်။

မင်သည် ရာဇဝတ်မှု စုံစမ်းရေးနှင့် ရဲလုပ်ငန်းနှစ်လေးဆယ်သက်တမ်း အတွေ့အကြုံရှိသူဖြစ်ပြီး ဥပဒေဆိုင်ရာ အဖွဲ့အစည်းများ၊ မူးယစ်ဆေးနှိမ်နင်းရေး၊ အကြမ်းဖက်ဝါဒ တိုက်ဖျက်ရေးတို့ကို ကြီးကြပ်ရသူဖြစ်သည်။ 

မင်အား ၂၀၁၆ နိုဝင်ဘာလက အင်တာပိုလ်အကြီးအကဲအဖြစ် အမည်စာရင်း တင်သွင်းစဉ် လူ့အခွင့်အရေးအုပ်စုများက ဘေဂျင်းသည် တရုတ်နိုင်ငံသား ပြည်ပြေးများကိုဖမ်းဆီးရန်အတွက် ထိုရာထူးနေရာကို အသုံးချရန် ကြိုးစားနိုင်သည်ဟု စိုးရိမ်ပူပန်ခဲ့ကြသည်။

မင်အားအမည်စာရင်း တင်သွင်းမှုသည် နိုင်ငံတကာလူ့အခွင့်အရေးကြေညာ စာတမ်းစိတ်ဓာတ်အရ လုပ်ဆောင်နေသည့် အင်တာပိုလ်၏ အခွင့်အာဏာနှင့် ဆန့်ကျင်ဘက်ဖြစ်နေသည်ဟု ထိုစဉ်က Amnesty International က မှတ်ချက်ပေးခဲ့သည်။ 

မင်ဟောင်ဝေတရုတ်နိုင်ငံသို့ ခရီးသွားစဉ် ၎င်း၏ဇနီးနှင့် ကလေးများမှာမူ လိုင်ယွန်တွင် ကျန်ရစ်ခဲ့သည်ဟု ပြင်သစ်ရဲက ပြောကြားသည်။

F-04