ဂျာမနီအော်လ်တာနေးတစ်ပါတီ (AfD) ၏ ထင်ရှားသော အဖွဲ့ဝင်များသည် လူမျိုးရေးခွဲခြားမှု အယူအဆများကို ပွင့်ပွင့်လင်းလင်းထုတ်ဖော်ရန် ဝန်မလေးတော့သလို သမိုင်းပြန်လည်ပြင်ဆင်ရေးကိုပါ လိုလားနေကြပြီး အစွန်းပိုရောက်လာနေကြောင်း ပညာရှင်များ၏ သုံးသပ်ချက်ကို ကိုးကား၍ DW သတင်းဌာနက ဖော်ပြသည်။
ဘာလင်၊ ဩဂုတ် ၇

ဂျာမနီအော်လ်တာနေးတစ်ပါတီ (AfD) ၏ ထင်ရှားသော အဖွဲ့ဝင်များသည် လူမျိုးရေးခွဲခြားမှု အယူအဆများကို ပွင့်ပွင့်လင်းလင်းထုတ်ဖော်ရန် ဝန်မလေးတော့သလို သမိုင်းပြန်လည်ပြင်ဆင်ရေးကိုပါ လိုလားနေကြပြီး အစွန်းပိုရောက်လာနေကြောင်း ပညာရှင်များ၏ သုံးသပ်ချက်ကို ကိုးကား၍ DW သတင်းဌာနက ဖော်ပြသည်။ 

လက်ယာယိမ်း လူပြိန်းကြိုက်ဝါဒီ ဂျာမနီအော်လ်တာနေးတစ်ပါတီ (AfD) သည် လွန်ခဲ့သောငါးနှစ် စတင်ထူထောင်ကတည်းက အရှုပ်တော်ပုံများနှင့်ပတ်သက်မှုရှိခဲ့သည်။ လက်ရှိလွှတ်တော်တွင် တတိယအကြီးဆုံး ပါတီဖြစ်လာသည့် AfD သည် ယခုအခါတွင်လည်း နောက်ဆုံးပေါ်ပေါက်နေသည့် အငြင်းပွားဖွယ်ကိစ္စတွင် ပါဝင်ပတ်သက်လျက်ရှိသည်။ ၁၉၄၄ ခုနှစ် နွေရာသီတွင် အဒေါ့ဖ်ဟစ်တလာကို လုပ်ကြံရန် ကြံစည်မှု၌ ဦးဆောင်ခဲ့သော နာဇီခေတ် ဂျာမန်တပ်မတော်မှ ဗိုလ်မှူးကြီး ဗွန်ကလောက်စ်ရှန့်ဂရက်ဖ် စတက်ဖန်ဘာ့ဂ်ျမှာ ကြိုးပမ်းမှုမအောင်မြင်ခဲ့သော်လည်း ယနေ့အချိန်အထိ စတက်ဖန်ဘာ့ဂ်ျကို လေးစားသူများစွာ ရှိနေဆဲဖြစ်သည်။

AfD ၏ နာမည်ကြီးလူငယ်ခေါင်းဆောင်များအနက် တစ်ဦးဖြစ်သော လားစ်စတိန်ကီက ဗွန်စတက်ဖန်ဘာ့ဂ်ျနှင့် ဟစ်တလာကိုလုပ်ကြံရာတွင် ပါဝင်ခဲ့သော နောက်လိုက်နောက်ပါများသည် ဂျာမန်ပြည်သူတို့၏ သစ္စာဖောက်များနှင့် ရန်သူတော်များဖြစ်သည်ဟု ထုတ်ဖော်ဝေဖန်ခဲ့သည်။ ယင်းအမြင်မှာ လက်ယာယိမ်းအစွန်းရောက် အသိုင်းဝိုင်းတွင် ကြားနေကျအမြင်မျိုးဖြစ်သည်။ စတိန်ကီသည် ဂျာမန် အနောက်မြောက်ပြည်နယ် အောက်ဆက်ဆိုနီမှ လူငယ်အဖွဲ့ခွဲ ဂျန်ဂီအော်လ်တာနေးတစ်ကို ဦးဆာင်နေသူဖြစ်သည်။ စတိန်ကီဖေ့စ်ဘွတ်ခ်တွင် ဗွန်စတက်ဖန်ဘာ့ဂ်ျကို ဝေဖန်ရှုတ်ချသည့် စာသားများရေးတင်ခဲ့ပြီးနောက် သူ့အဖွဲ့ခွဲအတွင်းမှသာမက AfD ပါတီ အကြီးတန်းခေါင်းဆောင်များကပါ အပြစ်တင်ခဲ့ကြသည်။ ပြည်နယ်အဆင့်နှင့် နိုင်ငံအဆင့်တွင် စတိန်ကီကိုဖယ်ရှားရန် တောင်းဆိုမှုများ ရှိနေသည်။ 

ယခုကဲ့သို့ လူငယ်ပါတီဝင်များက ဘောင်ကျော်လှုပ်ရှားမှုများမှာ တာဝန်တစ်ရပ်လိုပင် ရှုမြင်သည့် အဆင့်ရောက်လာကြောင်း နိုင်ငံရေးလေ့လာသုံးသပ်သူ ဝါနာပတ်ဇဲ့လ်က ဆိုသည်။ AfD တွင် ထိပ်ဆုံးသို့ အလွယ်တကူအဆီးအတားမရှိ ရောက်အောင်လုပ်၍ ရနိုင်ကြောင်း ပတ်ဇဲလ်က ဆိုသည်။ စတိန်ကီ၏ အယူအဆ အပြောင်းလဲတင်ပြမှုမျိုးမှာ ဂျာမနီတွင် ဖောက်ထွက်လိုလျှင် လုပ်သည့် ထုံးတမ်းစဉ်လာတစ်ခု ဖြစ်သည်ဟုလည်း ပတ်ဇဲလ်က သုံးသပ်သည်။

AfD သည် သမိုင်းပြင်ဆင်ရေးဝါဒကို လှုံ့ဆော်ပေးသည့် ရန်လိုသော အစွန်းရောက်ရပ်တည်ချက်မျိုးကို ချမှတ်လှုပ်ရှားနေကြောင်း အသက် ၂၈ နှစ်အရွယ် AfD မှ နုတ်ထွက်ဘက်ပြောင်းလာသူ တစ်ဦးဖြစ်သူ ဖရန့်ဇီစကာရှရီဘာက ဆိုသည်။ AfD ခေါင်းဆောင်ပိုင်းကိုယ်တိုင်က အောက်ခြေမှ ယင်းသို့ သမိုင်းပြင်ဆင်ရေး ဝါဒီတို့ကြောင့် ဖိအားနှင့်ရင်ဆိုင်နေရသည်ဟု ရှရီဘာ၏ AfD အတွင်းရေးကို ရေးသားထားသည့် စာအုပ်ထဲတွင် ဖော်ပြထားသည်။

AfD ၏ ဝါဒရေးရာ ဗဟိုချက်ဟုဆိုနိုင်သော ဆက်ဆိုနီပြည်နယ် ဒရက်ဇ်ဒန်မှ ပါမောက္ခတစ်ဦး ဖြစ်သူပတ်ဇဲလ်က လက်ရှိပါတီတွင်း ဖြစ်ပေါ်ပြောင်းလဲမှုများသည် ယုတ္တိရှိသည်ဟု မှတ်ယူနိုင်ကြောင်း သုံးသပ်ခဲ့သည်။ ဂျာမန်အများစုမျက်လုံးထဲတွင် AfD သည် လက်ယာအစွန်းရောက်ဟု ထင်ရှားနေရာ နိုင်ငံတွင်းရှိလက်ယာယိမ်းများကို သိမ်းသွင်းနိုင်ခဲ့သည်ဟု ပတ်ဇဲလ်က သုံးသပ်ခဲ့သည်။

AfD ပါတီတွင်း သဘောထားပျော့ပျောင်းသူတို့မှာ နေရာမရတော့ဘဲ ယခင်ခေါင်းဆောင်ဟောင်း ဘာန်ဒ်လက်ခ်မှာ ချောင်ထိုးခံခဲ့ရသည်။ ၂၀၁၃ တွင် AfD ကို ဥရောပပေါင်းစည်းမှု ဆန့်ကျင်ရေးပါတီအဖြစ် စတင်ထူထောင်ခဲ့သူများထဲတွင် အပါဝင်ဖြစ်သည့် လက်ခ်နှင့် သူ့နေရာဆက်ခံသူ ဖရောက်ခ်ပက်ထရီတို့မှာ ပါတီတွင်းရှိ အစွန်းရောက်အုပ်စုများကို မထိန်းနိုင်ခဲ့ဘဲ သူတို့သာ ထွက်ပေးခဲ့ရသည်။ 

F-03