ကလေး၊ ဇန်နဝါရီ ၁၁ ၂ဝ၁၅ ခုနှစ်က ရေကြီးရေလျှံမှုကြောင့် နွံဖုံးနစ် မြုပ်ခဲ့သည့် စစ်ကိုင်းတိုင်းဒေသကြီး ကလေးမြို့နယ်အောင်မြင်သာရွာ၌ ရေကြီးရေလျှံ၊ ရေတိုက်စ...

ကလေး၊ ဇန်နဝါရီ ၁၁

၂ဝ၁၅ ခုနှစ်က ရေကြီးရေလျှံမှုကြောင့် နွံဖုံးနစ် မြုပ်ခဲ့သည့် စစ်ကိုင်းတိုင်းဒေသကြီး ကလေးမြို့နယ်အောင်မြင်သာရွာ၌ ရေကြီးရေလျှံ၊ ရေတိုက်စားမှုနှင့်နွံ ဖုံးမှုကိုကာကွယ်နိုင်ရန် ၂ဝ၁၇-၂ဝ၁၈ ဘဏ္ဍာနှစ်တွင် ကျပ် သန်း ၁ဝဝဝ ကျော်အကုန်အကျခံ၍ မြေထိန်း ကျောက်စီနံရံတည်ဆောက်သွားမည်ဖြစ်ကြောင်း စစ်ကိုင်းတိုင်းဒေသကြီး လမ်းပန်းဆက်သွယ်ရေးဝန်ကြီးဌာနမှ တာဝန်ရှိသူတစ်ဦးက ဇန်နဝါရီ ၉ ရက်တွင်ပြောကြား သည်။


''လက်ရှိမှာ ကျောက်စီနံရံ တည်ဆောက်ဖို့ တိုင်းတာမှုတွေ ဆောင်ရွက်နေပါတယ်။ လာမယ့်ခြောက်သွေ့ရာသီမှာ စတင် အကောင်အထည်ဖော်ဖို့ဖြစ်ပါတယ်။ အခုတော့ စက်ယန္တရားကြီးတွေနဲ့ ပြန်ဖော်ပြီးဖြစ်ပါ တယ်။ နောက်ထပ်နွံဖုံးရေကြီးမှု၊ ရေတိုက်စားမှု ကာကွယ်ရေးအစီအစဉ်တစ်ရပ်ဖြစ်ပါတယ်''ဟု ၎င်းကဆက်လက်ပြောကြားသည်။ အောင်မြင်သာ ရွာရေကြီးရေလျှံမှု ရေတိုက်စားမှု အကာအကွယ်အဖြစ် ဆောင်ရွက် မည့် မြေထိန်းနံရံမှာအလျား မီတာ ၄၅ဝဝ ကို သောင် တူးဆောင်ရွက်ပြီး၊ ယင်းအပေါ်မှ အလျားပေ ၂ဝဝဝရှိ မြေထိန်းကျောက် စီနံရံဆောက်လုပ်မည်ဖြစ်သည်။ အဆိုပါဒေသ၌သွားလာဆက်သွယ်ရေးအတွက် လို အပ်နေသည့် လမ်းတံတားပြုပြင်မှုများကို ကလေး ခရိုင်စီမံခန့်ခွဲမှု ကော်မတီမှ ဦးဆောင် ဆောင်ရွက်ပေးလျက်ရှိသည်။

MOS

#democracytoday