ရန်ကုန် လက်ရှိအာဏာရအစိုးရနှင့် တိုင်းရင်းသားလက်နက်ကိုင်အဖွဲ့များ အနီးကပ်ဆုံးနေသင့်သည့် အချိန်ရောက်ပြီဟု ရန်ကုန်တိုင်းဒေသကြီး အစိုးရအဖွဲ့မှ လူမှုရေးဝန်ြ...
လက်ရှိအစိုးရနှင့် လက်နက်ကိုင်အဖွဲ့များ နီးနီးကပ်ကပ် နေသင့်သည့် အချိန်ရောက်နေပြီဟု  ဦးနိုင်ငံလင်း ပြော

ရန်ကုန်

လက်ရှိအာဏာရအစိုးရနှင့် တိုင်းရင်းသားလက်နက်ကိုင်အဖွဲ့များ အနီးကပ်ဆုံးနေသင့်သည့် အချိန်ရောက်ပြီဟု ရန်ကုန်တိုင်းဒေသကြီး အစိုးရအဖွဲ့မှ လူမှုရေးဝန်ကြီး ဦးနိုင်ငံလင်းက ပြောသည်။ ''တိုင်းရင်းသား လက် နက်ကိုင်တွေနဲ့ ကျွန်တော်တို့ NLD ဟာ နည်းလမ်းချင်းမတူပေမယ့် ကျွန်တော်တို့မှာ ယုံကြည်ချက်ချင်းတူပါတယ်။ ဘာဖြစ်လို့လဲဆိုတော့ ကျွန်တော်တို့သွားရတာက ဖက်ဒရယ်ဒီမိုကရေစီနိုင်ငံ ဖြစ်ပါတယ်။ နောက် ပြီးတော့ ကျွန်တော်တို့လိုချင်တာက တန်းတူညီမျှမှု ဖြစ်ပါတယ်။ အဲဒီအတွက် ကျွန်တော်တို့ နိုင်ငံရေးပါတီတွေကလည်း တိုက်ပွဲဝင်ခဲ့တယ်ဆိုတာ တိုင်းရင်းသား လက်နက်ကိုင်အဖွဲ့တွေ အားလုံးအသိပဲ ဖြစ်ပါတယ်'' ဟု ၎င်းက ပြောသည်။


''ကျွန်တော်တို့ခေါင်းဆောင် အဆင့်ဆင့် ပေးဆပ်ခဲ့မှုတွေ အများကြီးရှိပါတယ်။ ဒါကို ပေးဆပ်ခဲ့တာကို အဓိက ပြောချင်တာမဟုတ်ပါဘူး။ ပြောချင်တာက ကျွန်တော်တို့မှာ ယုံကြည်ချက်တွေ တူညီလျက်နဲ့ ကျွန်တော် တို့တွေအချင်းချင်းဟာ အရင်တုန်းကဆိုရင်လည်း ဘယ်လောက်အထိ နီးစပ်တဲ့ဆက်ဆံရေးရှိခဲ့ပါတယ်။ အဲဒီလိုရှိလျက်နဲ့ အခုကျွန်တော်တို့ အစိုးရဖြစ်လာချိန်မှာ ပွင့်ပွင့်လင်းလင်းပြောရရင် ကျွန်တော်တို့နဲ့ အနီး ကပ်နေ သင့်တဲ့ အချိန်ရောက်ပြီလို့ ဖိတ်ခေါ်တဲ့သဘောပါ။ ဖိအားပေးတဲ့ သဘောမဟုတ်ပါဘူး''ဟု ရန်ကုန်တိုင်းဒေသကြီး အစိုးရအဖွဲ့မှ လူမှုရေးဝန်ကြီး ဦးနိုင်ငံလင်းက ပြောသည်။ အစိုးရနှင့် တိုင်းရင်းသား လက်နက်ကိုင်အဖွဲ့များအကြား ယုံကြည်မှုများ ရှိသင့်ပြီဖြစ်သည်။ ခိုင်မာသည့်ယုံကြည်မှုအား တည်ဆောက်သင့်ပြီ ဖြစ်သည်။ ငြိမ်းချမ်းရေးခရီးစဉ်တွင် NCA လက်မှတ်မထိုးရသေးသည့်  အဖွဲ့များအနေဖြင့် ယခုအချိန် တွင် ပြည်သူများက အဆိုပါအဖွဲ့များ ပါဝင်လက်မှတ်ထိုးနိုင်ရေး တောင်းဆိုနေကြပြီး အစိုးရကလည်း  ဖိတ်ခေါ်ထားသည်။ ယခုအချိန်တွင် ယုံကြည်မှု မရနိုင်သေးသော်လည်း NCA လက်မှတ်ထိုးပြီးပါက ငြိမ်းချမ်းရေး လုပ်ငန်းစဉ် ရာခိုင် နှုန်း ၅ဝ အထိ အောင်မြင်မည် ဖြစ်သည်ဟု ၎င်းက ဆက်လက်ပြောကြားသည်။


ကျန်သည့် ရာခိုင်နှုန်း ၅ဝ အား ဆွေးနွေးညှိနှိုင်းပြီးယူလျှင် ရနိုင်မည်ဟု ၎င်းကတိုက်တွန်းသည်။ NCA စာချုပ်တွင်ပါဝင်သော အခန်း (၃) အပိုဒ်-၄ တွင် ဤသဘောတူစာချုပ်ပါ စစ်ဘက်ဆိုင်ရာ ကျင့်ဝတ်နှင့် ပတ် သက်သည့် နှစ်ဖက်အပြန်အလှန် လိုက်နာကြရမည့် ပစ်ခတ်တိုက်ခိုက်မှု ရပ်စဲရေးဆိုင်ရာ ကျင့်ဝတ်စည်းကမ်းများနှင့် သဘောတူညီထားသည့် စစ်ဘက်ဆိုင်ရာ ကျင့်ဝတ်များကို အတိအကျ လိုက်နာဆောင်ရွက်ကြရ မည် ဖြစ်ကြောင်းနှင့် ပစ်ခတ်တိုက်ခိုက်မှု ရပ်စဲရေးဆိုင်ရာ ပူးတွဲစောင့်ကြည့်ရေး ကော်မတီအဆင့်ဆင့်၏ စိစစ်ခြင်းခံယူရန် သဘောတူသည်ဟု ဖော်ပြပါရှိသည်။ ထိုဖော်ပြချက်အရ NCA ကို လက်မှတ်ထိုးပြီးပါက ငြိမ်းချမ်းရေးလုပ်ငန်းစဉ် ရာခိုင်နှုန်း ၅ဝ ရရှိနိုင်မည်ဟု ၂ဝ၁၇ ခုနှစ် ဇန်နဝါရီလ ၇ ရက်က Green Hill ဟိုတယ်တွင် ပြုလုပ်သည့် မြန်မာနိုင်ငံ၏ ငြိမ်းချမ်းရေးဖြစ်စဉ် မည်သို့အောင်မြင်မှုရရှိနိုင်ရေး ငြိမ်းချမ်းရေးဖိုရမ် တွင် ဦးနိုင်ငံလင်းက ထောက်ပြ ပြောဆိုသည်။

အောင်ထူးနိုင်

#theyangontimes