ဖေဖော်ဝါရီလတွင် ရန်ကုန်၊ မန္တလေးတို့၌ မင်္ဂလာပွဲပြုလုပ်မယ့်သရုပ် ဆောင်မြင့်မြတ်က သူ့ရဲ့မင်္ဂလာပွဲအစီအစဉ်တွေနဲ့ပတ်သက်ပြီး အခုလို ပြောပြခဲ့ပါတယ်။ ''ကျွန်တော်...
ဖေဖော်ဝါရီ ၁၅ ရက်မှာ မင်္ဂလာဆောင်မယ့် မြင့်မြတ်

ဖေဖော်ဝါရီလတွင် ရန်ကုန်၊ မန္တလေးတို့၌ မင်္ဂလာပွဲပြုလုပ်မယ့်သရုပ် ဆောင်မြင့်မြတ်က သူ့ရဲ့မင်္ဂလာပွဲအစီအစဉ်တွေနဲ့ပတ်သက်ပြီး အခုလို ပြောပြခဲ့ပါတယ်။


''ကျွန်တော့်ရဲ့ မင်္ဂလာဆောင်ကိုတော့ ဖေဖော်ဝါရီ၁၅ရက်မှာလုပ်ဖို့အတွက်စီစဉ်ထားပါတယ်။ ရန်ကုန်၊ မန္တလေးမြို့မှာ ပြုလုပ်မှာဖြစ်တဲ့အတွက် မင်္ဂလာပွဲအသေးစိတ်အတွက်ကိုတော့ ကျွန်တော်အခုကတည်းက ပြင် ဆင် နေပါပြီ။ ရန်ကုန်မှာဆိုရင် မင်္ဂလာဧည့်ခံပွဲကို နိုဗိုတယ်ဟိုတယ်မှာပြုလုပ် မှာပါ။ နောက်ပြီးတော့ မင်္ဂလာညစာစားပွဲကိုတော့ အင်းလျားလိတ်ဟိုတယ် မှာပြုလုပ်မှာပါ။

 

မန္တလေးမှာ တစ်ပွဲပြုလုပ်မှာပါ။ အားလုံးပေါင်း မင်္ဂလာပွဲက မြို့နှစ်မြို့မှာ မင်္ဂလာပွဲသုံးပွဲဖြစ်သွားတယ်။ ကျွန်တော်တို့နှစ်ယောက်က ချစ်သူဘဝမှာကတည်းက အတတ်နိုင်ဆုံး တစ်ယောက်နဲ့တစ်ယောက် နားလည်မှု ရှိအောင်ကြိုးစားတယ်။ အခုအိမ်ထောင်ကျသွားပြီးခဲ့ရင်လည်း တစ်ယောက်နဲ့တစ်ယောက် နားလည်မှုရှိရှိနေသွားနိုင်အောင် ကျွန်တော်တို့နှစ်ယောက်စလုံးတိုင်ပင်ထားပါတယ်။ အဓိကအိမ်ထောင်တစ်ခု တည် ထောင် တဲ့နေရာမှာ တစ်ယောက်နဲ့တစ်ယောက် နားလည်မှုရှိဖို့ကအရေးကြီးဆုံးလို့ ကျွန်တော်ကတော့ထင်ပါတယ်။ အကယ်ဒမီရင်ခုန်သံဆိုရင်တော့ ဒီနှစ် ကျွန်တော်ပါဝင်ထားတဲ့ ဇာတ်ကားလေး အကယ်ဒမီစာရင်းဝင် တယ်။ ပရိသတ်တွေကလည်း အကယ်ဒမီနဲ့ပတ်သက်ပြီးတော့ ကျွန်တော့်ကို မှန်း ပေးကြတာကို ကျေးဇူးတင်ပါတယ်။ အကယ်ဒမီရခြင်း၊ မရခြင်းက တော့ ကျွန်တော့်ရဲ့ကံတရားအပေါ်မှာပဲ မူတည်ပါတယ်။''


NN

#democracytoday