ဋီကာကို မြန်မာအဘိဓာန်တွင် အကျယ်ဖွင့်ဆို ရေးသားသောကျမ်းဟု အနက်ဖွင့်ထားသည်။ ဆရာကြီး သခင်ကိုယ်တော်မှိုင်းက လက်မှုပညာဋီကာ၊ ဒေါင်းဋီကာ၊ မျောက်ဋီကာ အစရှိသည့် ဋီကာအများ အပြားဖွင့်ဆိုရေးသားခဲ့သည်။ တစ်ဖန်အမျိုးသားစာ ဆိုကြီး ဆရာဇော်ဂျီက ဆရာကြီးသခင်ကိုယ်တော် မှိုင်းအကြောင်းကို သခင်ကိုယ်တော်မှိုင်းဋီကာ ဟု ရေးခဲ့သည်။ ယခုအခါ မြန်မာစာပါမောက္ခဟောင်း ဦးခင်အေး(မောင်ခင်မင်-ဓနုဖြူ)က

ဋီကာကို မြန်မာအဘိဓာန်တွင် အကျယ်ဖွင့်ဆို ရေးသားသောကျမ်းဟု အနက်ဖွင့်ထားသည်။ ဆရာကြီး သခင်ကိုယ်တော်မှိုင်းက လက်မှုပညာဋီကာ၊ ဒေါင်းဋီကာ၊ မျောက်ဋီကာ အစရှိသည့် ဋီကာအများ အပြားဖွင့်ဆိုရေးသားခဲ့သည်။ တစ်ဖန်အမျိုးသားစာ ဆိုကြီး ဆရာဇော်ဂျီက ဆရာကြီးသခင်ကိုယ်တော် မှိုင်းအကြောင်းကို သခင်ကိုယ်တော်မှိုင်းဋီကာ ဟု ရေးခဲ့သည်။ ယခုအခါ မြန်မာစာပါမောက္ခဟောင်း ဦးခင်အေး(မောင်ခင်မင်-ဓနုဖြူ)က  ဆရာကြီးမင်းသုဝဏ်အကြောင်းကို မင်းသုဝဏ်ဋီကာ ဟုအမည် ပေးကာ စာအုပ်ထွက်ရှိလာပါသည်။

မြန်မာစာပေနှင့် မြန်မာကဗျာအပေါ်များစွာ အကျိုးပြုခဲ့သော ဆရာကြီးမင်းသုဝဏ်သည် အသက် (၉၅)နှစ်အရွယ် ၂၀၀၄ ခုနှစ်ကကွယ်လွန်ခဲ့ပါပြီ။ဆရာ ကြီး ကွယ်လွန်ပြီး ဆယ်စုနှစ်တစ်ခုကျော်ကြာကာမှ တပည့်ရင်းဖြစ်သူ မောင်ခင်မင်(ဓနုဖြူ)က အသေး စိတ်ပြုစုထားရာ အပြည့်စုံဆုံးသော အတ္ထုပ္ပတ္တိတစ်ခု ဟုလည်း ဆိုနိုင်သည်။ စာအုပ်တွင် ဆရာကြီးမင်းသု ၀ဏ် မွေးဖွားချိန်ကစ၍ ကျောင်းသားဘ၀၊ တက္က သိုလ်ဆရာဘ၀၊ ပညာရှင်ပါမောက္ခဘ၀ စသည့်ဘ၀ဖြစ်စဉ် အထွေထွေကို ဖတ်ရှုရမည်ဖြစ်ပြီး ကဗျာ၊ အလင်္ကာနှင့်ပတ်သက်၍ ဆရာကြီး စပ်ဆိုခဲ့သော ကဗျာများကို အလျဉ်းသင့်သလိုဖော်ပြထားရာ ရသ စာအုပ်ကောင်း တစ်အုပ်သဖွယ် ဖတ်ရှုခံစားရပါမည်။ ထို့ပြင် ဆရာကြီးမင်းသုဝဏ်၏ လူသိနည်းသော ဘ၀ဇာတ်ကြောင်းများပါ ထည့်သွင်းဖော်ပြထားရာ ခေတ်သမိုင်းပုံရိပ်ကိုလည်း မြင်တွေ့ရပေသည်။

တက္ကသိုလ်မြန်မာအဘိဓာန်ပြုစုစဉ် ကြုံတွေ့ ရသော အဖြစ်အပျက်တစ်ခုကို ‘ဘ၀တစ်ကွေ့မှာ စိတ်မချမ်းသာစရာ’ အခန်း၌ ‘၁၉၇၁ ခုနှစ်တွင် ဆရာ ကြီးသည် စိတ်မချမ်းသာစရာဖြစ်ရပ်တစ်ခုနှင့် တွေ့ ကြုံရသည်။ မြန်မာ့ဆိုရှယ်လစ်လမ်းစဉ်ပါတီ ပထမအကြိမ် ညီလာခံတွင် ပါတီဥက္ကဋ္ဌကြီးက ဆရာကြီး၏ တက္ကသိုလ်မြန်မာအဘိဓာန်မှ ဖွင့်ဆိုချက်တစ်ခုနှင့် ပတ်သက်၍ ပြင်းပြင်းထန်ထန် အပြစ်တင်ပြောဆို ခြင်းဖြစ်သည်။ တက္ကသိုလ်မြန်မာအဘိဓာန်တွင် ‘က’ဟူသော တည်ပုဒ်ကို ဖွင့်ဆိုရာ၌ ဗျည်း ၃၃(၃၅)တွင် အစအက္ခရာဟုဖွင့်ဆိုထားသည်။ မြန်မာဗျည်းအရေ အတွက်ကို ဖော်ပြရာတွင် က မှ အ အထိ ၃၃ လုံးရှိ သည်ဟူသော အယူအဆလည်းရှိသည်။ အောက်မြစ် နှင့် ၀ိသဇ္ဇနီတို့ကို ဗျည်းအဖြစ် ထည့်သွင်းသော ဗျည်း ၃၅ လုံး ရှိသည်ဟူသော အယူအဆလည်းရှိသည်။ အဘိဓာန်တွင် ထိုအယူအဆနှစ်ခုစလုံး ပြည့်စုံအောင် ဗျည်း ၃၃ (၃၅)ဟုပြခြင်းဖြစ်သည်။ ဤသို့နှစ်မျိုးပြ သည်ကို ပါတီဥက္ကဋ္ဌကြီးက မသေမချာလုပ်သည်ဟု မြင်သည်။ ထို့ကြောင့် ပါတီညီလာခံမိန့်ခွန်းတွင် တက္က သိုလ်ပညာတတ်တွေကို မကျေနပ်ကြောင်း၊ မကျက် တကျက်ဖုတ်ထားတဲ့ ပေါင်မုန့်တွေကို သွားခိုင်းမိလို့ ဤသို့ဖြစ်ရကြောင်း စသည်ဖြင့် အပြစ်တင်ပြောဆို သည်။ ထိုမိန့်ခွန်းကို ထိုညတွင် မြန်မာ့အသံက လွှင့် ထုတ်သည့်အတွက် တစ်နိုင်ငံလုံး ကြားလိုက်သည်။ ထိုမိန့်ခွန်း လွှင့်ထုတ်သည်ကို ကြားလိုက်ရသော ဆရာကြီးမှာ များစွာစိတ်ထိခိုက်သွားရှာသည်’ဟုဖော်ပြထားသည်။

ထို့အတူ ရှစ်လေးလုံးအရေးတော်ပုံကြီးအပြီး အမျိုးသားဒီမိုကရေစီအဖွဲ့ချုပ် ဖွဲ့စည်းစဉ် ပါတီဝင် တစ်ဦးအဖြစ် ပါဝင်ကာ ၁၉၉၀ ရွေးကောက်ပွဲ၌ ဆရာကြီးသည် မဲအပြတ်အသတ်အနိုင်ရသော်လည်း စစ်အာဏာရှင်များက ဖိနှိပ်ခဲ့ပုံကို စာအုပ်တစ်နေရာ တွင် ‘ဆရာကြီးကိုယ်တိုင်လည်း ထိုသို့သောအခြေအ နေများနှင့် ရင်ဆိုင်ရသည်။ နောက်ဆုံးတွင် အမျိုး သားဒီမိုကရေစီအဖွဲ့ချုပ်ပါတီဝင်အဖြစ်မှ နုတ်ထွက် လိုက်ရသည်အထိ ဆိုးဆိုးဝါးဝါး ခံလိုက်ရသည်။ ဆရာကြီး၏ စာပေများမှာလည်း အမျိုးမျိုးဟန့်တား ပိတ်ပင်ခံရသည်။ ဆရာကြီးပြုစုသောစာပေများကို ကျောင်းသုံးပြဋ္ဌာန်းစာအုပ်များမှ ဖြုတ်ပေးရသည်။ စာနယ်ဇင်းများတွင် ဆရာကြီး၏စာမူများ ထည့်သွင်း ခွင့်မရ။ ‘မင်းသုဝဏ်’ ဆိုသော ကလောင်နာမည်ကို ပင် ဖော်ပြခွင့်မရ။ ဖော်ပြမိလျှင် နာမည်ကိုငွေမင်ဖြင့် ပိတ်ပေးရခြင်းမျိုးမှ နာမည်ပါသောစာရွက်ကို ဖြုတ် ပေးရခြင်းမျိုးအထိ ပြုလုပ်ခံရသည်’ဟူ၍ ရေးထား ပါသည်။ 

ယခုစာအုပ်တွင် ဆရာကြီးမင်းသုဝဏ်၏မိသား စုပိုင်ရှားပါးဓာတ်ပုံများကို ဝေေ၀ဆာဆာဖော်ပြထား သလို အပြင်အဆင် သေသပ်ကျစ်လျစ်စွာ ပုံနှိပ်ထားသည်။ စာအုပ်တန်ဖိုး ၅,၀၀၀ ကျပ်သာ သတ်မှတ် ထား၍ ချိုသာသောဈေးနှုန်းဟုလည်း ဆိုနိုင်သည်။ ဆန်းစသော်တာထုတ်ဝေရေးက ဖြန့်ချိပြီး ဖုန်း ၀၉- ၃၃၃၄၂၆၀၈ သို့ ဆက်သွယ်မှာယူနိုင်ပါသည်။