တစ်နေ့က ဆေးတက္ကသိုလ် (၁) Final Part I အတန်းရဲ့ Residential Field Trip Grand Presentation ကို ရောက်ခဲ့ပါ တယ်။ ညီလေး၊ ညီမလေးတွေ တော်လိုက်ကြတာ။ စကားပြော စွမ်းရည် Presentation Skill ပါး နပ်မှုနဲ့ သွက်လက်ချက်ချာမှုတွေ က ပြောစရာမလို၊ အပြစ်ရှာစရာ မရှိလောက်အောင် လုပ်ပြနိုင်ခဲ့ ကြတာ တွေ့ရပါ၏။ လွန်ခဲ့တဲ့ ခြောက်နှစ် ကျွန်တော်တို့ Part I တုန်းက RFT Presentation အချိန်ကာလတွေကို ပြန်ပြောင်းသတိရလာမိသည်။

တစ်နေ့က ဆေးတက္ကသိုလ် (၁) Final Part I အတန်းရဲ့ Residential Field Trip Grand Presentation ကို ရောက်ခဲ့ပါ တယ်။ ညီလေး၊ ညီမလေးတွေ တော်လိုက်ကြတာ။ စကားပြော စွမ်းရည် Presentation Skill ပါး နပ်မှုနဲ့ သွက်လက်ချက်ချာမှုတွေ က ပြောစရာမလို၊ အပြစ်ရှာစရာ မရှိလောက်အောင် လုပ်ပြနိုင်ခဲ့ ကြတာ တွေ့ရပါ၏။ လွန်ခဲ့တဲ့ ခြောက်နှစ် ကျွန်တော်တို့ Part I တုန်းက RFT Presentation အချိန်ကာလတွေကို ပြန်ပြောင်းသတိရလာမိသည်။

ကျွန်တော်တို့ ဖြတ်သန်းခဲ့ရ သော အချိန်ကာလ ခေတ်အခြေ အနေတွေမှာ အရာရာဟာ ပွင့် လင်းမြင်သာမှု သိပ်မရှိခဲ့တဲ့အချိန် တစ်စုံတစ်ခုသော အကြောက် တရားအရိပ်မည်းကြီးက အတိုင်း အတာတစ်ခုအထိ လွှမ်းမိုးနေဆဲ၊ နည်းပညာနယ်ပယ်မှာ ယနေ့ အချိန်လို ဖွံ့ဖြိုးတိုးတက်မှုနဲ့ အလှမ်းကွာဝေးနေဆဲဆိုတော့ ဒီနေ့ခေတ် မျိုးဆက်တွေလောက် ပြောရဲဆိုရဲ လူရှေ့သူရှေ့ ထွက်ရဲသည့် သတ္တိအား သိပ်မရှိခဲ့ပါ။

ဒါတောင် ငါးနှစ်၊ ခြောက်နှစ် သာကွာသည့် မျိုးဆက်တစ်ခု အခြေအနေဆိုတော့ နောင်တက် လာမည့် မျိုးဆက်တွေနှင့်ဆို ကျွန်တော်တို့ခေတ်က အခြေအနေနှင့် များစွာကွာခြားလာမည်ကို တွေးမိတော့ ကျွန်တော် ပြုံးမိပါသည်။ ခေတ်စနစ်တစ်ခုကို ဖြတ်သန်းခဲ့ကြရင်း ကောင်းမွေဆိုးမွေတို့ကို လက်ဆင့်ကမ်းယူ ဆောင်ခွင့်ရခဲ့ကြသူတို့မှာ အဓိကအားဖြင့် လူငယ်များသာ မဟုတ်ပါလား။

 ပြီးခဲ့သည့် ဇန်နဝါရီ ၁ ရက် နေ့ကလည်း နေပြည်တော်တွင် နိုင်ငံတော်၏အတိုင်ပင်ခံပုဂ္ဂိုလ်နှင့် လူငယ် ၁၈ ဦး တွေ့ဆုံပြီး ငြိမ်း ချမ်းရေးစကားဝိုင်းလေး ကျင်းပ နိုင်ခဲ့ခြင်းက နိုင်ငံတော် ပြန်လည် ထူထောင်ရာတွင် လူငယ်ထု၏ အရေးပါမှုကို တစ်စွန်းတစ်စလှစ်ဟပြသခြင်းဟု ယူဆမိပါသည်။

ယနေ့ နိုင်ငံတော်တွင် အခိုင်မာဆုံးနှင့် စည်းစနစ်အကျဆုံး Institution ဖြစ်သော တပ်မတော် ၏ မူလကနဦးအစ အမြုတေ သည် အသက် (၂၀)ကျော် (၂၅) ပတ်လည် သခင်အောင်ဆန်းနှင့် သုံးကျိပ်သော လူငယ်တစ်စုပင် ဖြစ်သည်။ သူတို့ခေတ်အခါက သက်ကြီးဝါကြီး နိုင်ငံရေးသမား ကြီးများ၏ ဘုရားထူးခံ ကိုလိုနီ အုပ်ချုပ်ရေးယန္တရားတွင် အာ ဏာယစ်မူးပြီး ထင်တိုင်းမပေါက် တော့သည့် လွတ်လပ်ရေးကြိုး ပမ်းမှုသည် အနှီ လူငယ်ရဲဘော် သုံးကျိပ်ကစပြီး အမြင်သစ်၊ အတွေးသစ်ဖြင့် တွန်းလှန်ဖောက် ထွက်ခဲ့ကြသည်ကို ပြန်ပြောင်း ကြည့်လျှင် သိနိုင်ပါသည်။

နောက်လူငယ်တွေကို ကျွန် တော်တို့ တိုင်းပြည် ပိုအားကိုးရ မည်၊ အားကိုးချင်သည်။ သို့ သော် သူတို့ကိုချည်းသက်သက် ဝန်ထုပ်ဝန်ပိုးမဖြစ်စေလို။ မှန် ကန်သော လမ်းညွှန်မှုနှင့် ဦးစား ပေး လမ်းပြမှုတို့ ရှိသင့်သည်။ ရှိရမည်ဟု မြင်မိပါသည်။ နည်း ပညာခေတ်တွင် နည်းပညာ၏ သားကောင်များ၊ ကျေးကျွန်များ မဖြစ်စေလို။ နည်းပညာသစ် တီထွင်နိုင်သော နည်းပညာ၏ အရှင်သခင်များဖြစ်အောင် ကူညီပံ့ပိုးပေးရပါလိမ့်မည်။ စာဖတ်ခြင်း အလေ့တို့ ဖြစ်ထွန်းလာစေရန် စာအုပ်ဖတ်နိုင်မည့် အခွင့်အလမ်းများ ပေးသင့်ပါသည်။

 ပိတ်ထားသော စာကြည့် တိုက်တံခါးများ ဖွင့်ပေးသလို သူ တို့၏ အတွေးသစ်၊ အမြစ်သစ် များကိုလည်း စာပေဗဟုသုတဖြင့် ဖွင့်လှစ်ပေးရပေမည်။

အားကစားနှင့် ကိုယ်ကာယ ဖွံ့ဖြိုးမှုအတွက်လည်း သီးသန့် အချိန်ပေးရပါဦးမည်။ မြန်မာ့ အားကစား ကမ္ဘာတွင် မလွှမ်း လျှင်တောင်မှ အာရှလောက်တွင် တော့ လူရိုသေရှင်ရိုသေ တင့် တင့်တယ်တယ်လေး ရှိစေချင်ပါ သည်။ လူငယ်တို့အတွက် ကစား ခုန်စား စွမ်းအားတိုးတက်စေရန် အိမ်နီးချင်းနိုင်ငံများနှင့် အားကစားစံချိန်များ ရင်ပေါင်တန်းလိုက် နိုင်စေရန် အစိုးရပိုင်းမှ လုံလောက်သော  ရင်းနှီးထောက်ပံ့မှုများ ပေးရပေလိမ့်မည်။

ကျောင်းမှကျူရှင်၊ ကျူရှင်မှ အိမ် စာသင်ချိန်များကြား အား လပ်ချိန်မရှိလောက်အောင် ပင် ပန်းနွမ်းနယ်နေကြသည့် ကျောင်း သားလူငယ်များဘဝကို အထိုက် အလျောက်တော့ ပြောင်းလဲမှု၊ ဖြေလျှော့မှုများ လုပ်ကိုလုပ်ပေး ရပါလိမ့်မည်။ မိဘဆရာများ၏ ဆိုဆုံးမမှု၊ ပဲ့ပြင်ထိန်းကျောင်းမှု တို့အပြင် ကိုယ့်ကလေးတပည့်၏ လိုအပ်ချက်ကို သေချာ ထောင့် စေ့အောင် ကြည့်ရှုလေ့လာသုံး သပ်ပြီး လိုအပ်သည့် ပြောင်းလဲမှု ကိုပေးမှသာ ထိုကလေးတပည့်၏ အရည်အသွေးသည် နဂိုရှိရင်းစွဲ ထက် ပိုမို တောက်ပြောင်လာလိမ့် မည် မဟုတ်ပါလား။

ယနေ့ လူငယ် နောင်ဝယ် လူကြီးဖြစ်သည်။ အနာဂတ်သည် လူငယ်တို့ လက်ထဲတွင်ရှိသည်။ အူရီးဒူးကုမ္ပဏီ၏စကား ခဏငှား သုံးရလျှင် ပိုမိုတောက်ပကောင်း မွန်သော အနာဂတ်ကို ကျွန်တော် တို့ မြင်တွေ့ခွင့် ကြုံချင်ပါသေး သည်။။