ငွေလဲနှုန်းဆိုသည်မှာ

ငွေလဲနှုန်းဆိုသည်မှာ
‘ငွေလဲနှုန်း ထပ်မံမြင့်တက်၊ ပို့ကုန်ဝင်ငွေပိုမိုရရှိ’ဟု ခေါင်းစဉ် တပ်ထားသော သတင်းကို ဖတ်ရှု ခဲ့ရသည့် မိတ်ဆွေအချို့နှင့် စကားစမြည်ပြောမိရာမှ ဤဆောင်းပါး ကို ရေးသားရန် စိတ်ကူးပေါ်လာ ခဲ့ခြင်းဖြစ်သည်။ ယခင်ကတည်း က တဖြည်းဖြည်းမြင့်တက်လာနေ သော ကျပ်-ဒေါ်လာလဲနှုန်းသည် ဇွန်လလောက်မှစ၍ ပို၍သိသာ စွာ မြင့်တက်လာခဲ့သည့်အတွက် စီးပွားရေးအဆောက်အအုံထဲရှိ လူအားလုံးနီးပါး ယခင်ကထက် စိတ်ဝင်စားမှုများ ပိုမိုဖြစ်ပေါ်လာ လျက်ရှိ၏။ တိတိကျကျ ပြောရ လျှင် စိတ်ဝင်စားမှုထက် စိုးရိမ် စိတ်များ ဖြစ်ပေါ်နေသည်ဟုသာ ပြောရမည်။ ငွေလဲနှုန်းကွာဟမှု ပေါ် မူတည်၍ အကျိုးအမြတ်ဖြစ် ထွန်းနေသည့် လူအချို့မှလွဲ၍ ထုတ်လုပ်သူ၊ ရောင်းချသူ၊ ဝယ် ယူစားသုံးသူအားလုံးနီးပါး ဒေါ် လာဈေးတက်မှုကြောင့် ဆက်စပ် မြင့်တက်လာနိုင်သည့် ကုန်ဈေး နှုန်းများနှင့်ပတ်သက်၍ တွေးပူ နေကြမည်၊ စိုးရိမ်နေကြလိမ့်မည် မှာ သေချာသည်။ သို့သော် အခြေ အနေတစ်ရပ်သည် လောကဓမ္မတာအတိုင်း အကောင်း၊ အဆိုး ဒွန် တွဲရှိနေတတ်သောကြောင့် ဒေါ်လာလဲလှယ်နှုန်း မြင့်တက်လာနေ ခြင်းသည်လည်း ဆိုးသည့်အခြေ အနေများနှင့်အတူ အကျိုးဖြစ် ထွန်းမှုများလည်း ရှိနေသည်။

နိုင်ငံခြားငွေလဲလှယ်နှုန်းဆို သည်မှာ နိုင်ငံတစ်နိုင်ငံ၏ ပြည် တွင်းသုံးငွေနှင့် နိုင်ငံခြားသုံးငွေ လဲလှယ်နှုန်းဖြစ်သည်။ စီးပွားရေး အဆောက်အအုံတစ်ခုအတွင်း၌ လူအများ လိုအပ်လျက်ရှိသော နိုင်ငံတကာ သုံးငွေမာတစ်ရပ်ကို အဓိကထားလျက် ထိုငွေကြေး တစ်ယူနစ်ကို ပြည်တွင်းသုံးငွေ ပမာဏ မည်မျှဖြင့် လဲလှယ်၊ ဝယ် ယူရသည်ကိုပင် ငွေလဲနှုန်းဟု အလွယ်ခေါ်နေကြခြင်းဖြစ်သည်။ မြန်မာ့စီးပွားရေး အဆောက်အအုံ အတွင်း၌ မြန်မာကျပ်ငွေနှင့် ထိုင်းဘတ်ငွေ၊ တရုတ်ယွမ်၊ စင်ကာပူ ဒေါ်လာ၊ အိန္ဒိယရူပီး၊ ဂျပန်ယန်း၊ ကိုရီးယားဝမ်၊ ယူရိုငွေနှင့် ဒေါ် လာငွေ စသဖြင့်နိုင်ငံခြားငွေအမျိုးမျိုးနှင့် လဲလှယ်နှုန်းများ ရှိကြ သော်လည်း အခြားလဲနှုန်းများ ထက် ကျပ်ငွေနှင့် နိုင်ငံတကာသုံး ငွေမာ ဒေါ်လာလဲလှယ်နှုန်းကို ပို၍ မျက်စိကျကြသည်။ ထို့ ကြောင့် ငွေလဲနှုန်းဟုဆိုလျှင် အ များအားဖြင့် ကျပ်နှင့် ဒေါ်လာ လဲနှုန်း (သို့မဟုတ်) ဒေါ်လာငွေ တစ်ယူနစ်အတွက် ပေးရသည့် ပြည်တွင်းသုံး ကျပ်ငွေပမာဏ တစ်ရပ်ဟု သဘောပေါက်ပြီး သားဖြစ်သည်။

ငွေလဲနှုန်းမြင့်ခြင်း
ငွေလဲနှုန်းကျဆင်းခြင်း၊ မြင့် တက်ခြင်းအကြောင်းဟုဆိုလျှင် ဒေါ်လာငွေ တစ်ယူနစ်ရရှိရန် ပေး ရသော မြန်မာကျပ်ငွေပမာဏ နည်းခြင်း၊ များခြင်းကို ရည်ညွှန်း သည်။ ဥပမာ- နိုင်ငံခြားငွေ တစ် ဒေါ်လာရရှိရန် ငွေလဲနှုန်းမှာ ကျပ် ငွေ ၁,၃၀၀ ဈေးပေါက်နေရာ မှ အချိန်ကာလတစ်လျှောက် တဖြည်းဖြည်းမြင့်တက်လာခဲ့ပြီး ယခုအချိန်တွင် တစ်ဒေါ်လာ ကျပ်ငွေ ၁,၄၀၀ လဲနှုန်းအထိ ဖြစ်နေ သည်ဆိုပါစို့။ ငွေတစ်ဒေါ်လာ ရရှိ ရန်မှာ ယခင်ကထက် ကျပ်ငွေ ပမာဏ ၁၀၀ ပိုပေးမှ ရမည်ဖြစ် သည်။ ထိုအခြေအနေကို ဒေါ်လာ လဲလှယ်နှုန်း (သို့မဟုတ်) ဒေါ်လာ ဈေးနှုန်း မြင့်တက်သွားသည်ဟု ဆိုရမည်။ အကယ်၍ တစ်ဒေါ် လာ ကျပ် ၁,၃၀၀ မှ တစ်ဒေါ်လာ ကျပ် ၁,၂၀၀ သို့ ကျဆင်းခဲ့ပါက ဒေါ်လာလဲလှယ်နှုန်း (သို့မဟုတ်) ဒေါ်လာဈေးနှုန်း ကျဆင်းခြင်းဟု ဆိုပေမည်။ ယခု မြန်မာ့စီးပွားရေး အဆောက်အအုံထဲတွင် တစ်ဒေါ် လာရရှိရန် ပေးရမည့် ကျပ်ငွေ ပမာဏသည် ယခင်ကာလများက ထက် ပိုမိုလာနေသဖြင့် ဒေါ်လာ ဈေးနှုန်းမြင့်တက်သည်နေသည် ဟု ဆိုကြသည်။ ငွေလဲလှယ်နှုန်း မြင့်နေသည်ဟု အားလုံးက သဘောပေါက်ထားကြ၏။ ဈေး နှုန်းမြင့်တက်ပါက ငွေတန်ဖိုးကျ ဆင်းသည်ဟူသော ငွေကြေးတန် ဖိုး (Value of Money) သဘော တရားအရ ဒေါ်လာဈေးနှုန်းမြင့် တက်လာခြင်းကြောင့် မြန်မာ ကျပ်ငွေတန်ဖိုး ကျဆင်းလာနေ သည်ဟု သုံးသပ်နိုင်သည်။

ငွေလဲနှုန်းမြင့်ခြင်းနှင့် ပို့ကုန်
 ငွေလဲနှုန်းမြင့်တက်ခဲ့လျှင် ပြည်တွင်းသုံးငွေတန်ဖိုးကျ၏။ နိုင်ငံတကာဈေးကွက်၌ နိုင်ငံ့ပို့ ကုန်ဈေးနှုန်းများလည်းကျ၏။ ငွေလဲနှုန်း တစ်ဒေါ်လာ ကျပ် ၁,၃၀၀ဖြစ်နေချိန် ဈေးနှုန်းကျပ်ငွေ ၁,၃၀၀ တန် ပြည်တွင်းထုတ်ကုန် တစ်ခုကို နိုင်ငံခြားသို့ တင်ပို့ပါက နိုင်ငံခြားငွေ တစ်ဒေါ်လာ ရနိုင် သော်လည်း ငွေလဲနှုန်း တစ်ဒေါ် လာ ကျပ် ၁,၄၀၀ သို့ မြင့်တက်နေ ချိန်တွင် ဈေးနှုန်း ကျပ် ၁,၃၀၀ တန် ပို့ကုန်သည် တစ်ဒေါ်လာ အပြည့်မရတော့ဘဲ တစ်ဒေါ်လာ အောက်သာရရှိပေမည်။ ထိုအ ခြေအနေမျိုးကို နိုင်ငံ့ပို့ကုန်ဈေး နှုန်းများ ကျဆင်းလာသည်ဟု ဆို သည်။ ထိုသို့ နိုင်ငံ့ပို့ကုန်များ ဈေး နှုန်းကျဆင်းလာခြင်းကို နိုင်ငံ တကာဈေးကွက်ထဲ၌ ပို့ကုန်များ ဈေးနှုန်းများ ယှဉ်ပြိုင်မှု အား ကောင်းလာသည်ဟု ပြောနိုင် သကဲ့သို့ နိုင်ငံတကာဝယ်ယူသူ များကလည်း သွင်းကုန်များ ဈေး သက်သာလာသည်ဟု ရှုမြင်ကြ လိမ့်မည်။

ပို့ကုန်ဈေးနှုန်းလျော့ကျ၍ ဈေးနှုန်းယှဉ်ပြိုင်နိုင်စွမ်းမြင့်တက်လာခြင်း အကျိုးရလဒ်ကြောင့် ပို့ကုန် ဝယ်လိုအားမြင့်တက်လာ မည်ဟု မျှော်လင့်နိုင်သည်။ ပို့ကုန် ပမာဏမြင့်တက်လျှင် ပို့ကုန်ဝင်ငွေပမာဏလည်း မြင့်တက်လာ နိုင်ပေမည်။ ထို့ကြောင့် ငွေလဲနှုန်း (ဒေါ်လာလဲနှုန်း)မြင့်တက်ခြင်း သည် ပို့ကုန်ပမာဏမြင့်တက်လာ နိုင်ပြီး ထိုမှတစ်ဆင့် ပို့ကုန်ဝင်ငွေ တိုးမြင့်လာနိုင်သည်ဟု လက်ရှိ အခြေအနေကို သုံးသပ်၍ အနာ ဂတ်အလားအလာကို မှန်းဆကြ ရခြင်းဖြစ်သည်။

ငွေလဲနှုန်းမြင့်ခြင်း၏ ဆက်စပ် ကောင်းကျိုးများ
ငွေလဲနှုန်း (ဒေါ်လာဈေးနှုန်း)မြင့်ခြင်းသည် ပြည်တွင်းသုံး ကျပ် ငွေ တန်ဖိုးကျဆင်းမှုဖြစ်ပေါ်ကာ ပို့ကုန်ဈေးနှုန်းများကိုလည်း သက် ရောက်မှုများရှိသည်။ ထိုသက် ရောက်မှုများသည် အခြားသော မေခရိုစီးပွားရေးဝန်းကျင်ကောင်း များ ဖြစ်ပေါ်ရေးအတွက်ပါ အ ထောက်အကူဖြစ်စေသည်ကို တွေ့ရသည်။

ငွေလဲနှုန်း မြင့်တက်မှု ကြောင့် နိုင်ငံ၏ ပို့ကုန်ဈေးနှုန်း များ ကျဆင်းမှုများလာပြီး ဈေးနှုန်းယှဉ်ပြိုင်နိုင်စွမ်းတက်လာမည်။ ယခင်ကထက် ပို့ကုန်ဝယ်လိုအား ကောင်းလာနိုင်သဖြင့် ပို့ကုန်တင် ပို့မှုပမာဏလည်း မြင့်တက်လာ နိုင်သည်။ ပို့ကုန်ပမာဏမြင့်တက် ခဲ့လျှင် ပို့ကုန်စက်မှုလက်မှုလုပ် ငန်းများ ပိုမိုဖွံ့ဖြိုးလာခြင်း၊ အ လုပ်အကိုင်အခွင့်အလမ်းသစ် များ ဖြစ်ပေါ်ခြင်း စသည့်အလား အလာကောင်းများ မျှော်လင့်နိုင် သည်။ သွင်းကုန်ဈေးနှုန်းများမှာမူ မြင့်တက်လာသဖြင့် သွင်းကုန် သမားများ စရိတ်မြင့်တက်မှုကို ရင်ဆိုင်ကြရပြီး မြင့်တက်နေ သော သွင်းကုန်ဈေးနှုန်းများ ကြောင့် ပြည်တွင်းထုတ်ကုန်များ ကို ပြောင်းလဲဝယ်ယူသုံးစွဲမှုများ ရှိလာနိုင်သဖြင့် ပြည်တွင်းလုပ် ငန်းများ၏ အရောင်းမြင့်တက် လာနိုင်သည်။ အကျိုးဆက်အား ဖြင့် ပြည်တွင်းဈေးကွက်များကို ဦးတည်ထုတ်လုပ်နေသော လုပ် ငန်းများသည်လည်း ပိုမိုဖွံ့ဖြိုးလာ ကာ အလုပ်အကိုင်အခွင့်အလမ်း သစ်များ ဖန်တီးပေးနိုင်သည့် အ ခြေအနေများဖြစ်လာနိုင်သည်။ နောက်ဆုံးတွင် စီးပွားရေးအ ဆောက်အအုံတစ်ခုလုံး၏ ကုန် ထုတ်လုပ်မှုပမာဏ မြင့်တက်ခြင်းကို မျှော်လင့်နိုင်သည်။

ထို့ကြောင့် ငွေလဲနှုန်းမြင့် တက်ခြင်းသည် ပို့ကုန်ကဏ္ဍနှင့် သွင်းကုန်ကဏ္ဍနှစ်ခုစလုံးအ တွက်အကျိုးသက်ရောက်မှုများဖြစ်စေပြီး နိုင်ငံ့ကုန်ထုတ်ကဏ္ဍဖွံ့ဖြိုးမှု၊အလုပ်လက်မဲ့ အခြေအနေကျဆင်းမှု၊ စီးပွားရေးအဆောက်အအုံတစ်ခုလုံး၏ စုစုပေါင်းဝယ်လိုအား မြင့်တက်မှုစသည့်နိုင်ငံ၏ မေခရိုစီးပွားရေးဝန်းကျင်ကို ဖွံ့ဖြိုးမှုဖြစ်စေသည့် အခြေအနေများကိုပါ အထောက်အကူဖြစ်စေသည်ဟု ဆိုနိုင်ပေသည်။

ပေး၏၊ သို့သော် မရ
ယနေ့ ကမ္ဘာ့နိုင်ငံများသည် ပို့ကုန်ကဏ္ဍ ဖွံ့ဖြိုးတိုးတက်မှုဖြင့် နိုင်ငံ၏ စီးပွားရေးအင်အားကို တည်ဆောက်နေကြသည်။ နိုင်ငံ တိုင်း ကုန်သွယ်ရေးကို အထူးအ လေးထား၍ ပို့ကုန်တိုးမြှင့်နိုင်ရေး အတွက် အဆက်မပြတ်အား ထုတ်နေကြ၏။ ဖြစ်ပေါ်လာသည့် ငွေလဲနှုန်းမြင့်တက်မှု၊ ပြည်တွင်း ငွေကြေးတန်ဖိုးကျဆင်းမှု အခြေ အနေများကို ထိထိရောက်ရောက် အသုံးချ၍ ပို့ကုန်ဝင်ငွေပမာဏ တိုးမြှင့်ရရှိရေးအတွက် အားထုတ် ကြသည်။ ငွေလဲနှုန်းမြင့်တက် ခြင်းက ပေးသော ပို့ကုန်ဝင်ငွေရရှိ နိုင်သည့် အခွင့်အရေးကို မိမိရရ ဆုပ်ကိုင်အသုံးချလျက်ရှိနေကြ သည်ဟု ဆိုရမည်။ သို့သော် သီ အိုရီ၊ အယူအဆ မှန်ကန်ချက်များ အရ ငွေလဲနှုန်းမြင့်တက်လာတိုင်း နိုင်ငံ၏ ပို့ကုန်ပမာဏ အလိုအ လျောက်မြင့်တက်လာနိုင်မည် မဟုတ်ပေ။ ပေးလာသည့်အခွင့် အရေးကို ယူနိုင်စွမ်းရှိမှ ရရှိမည် ဖြစ်သည်။

မြန်မာ့စီးပွားရေးအဆောက် အအုံအတွင်း ကျပ် - ဒေါ်လာလဲ လှယ်နှုန်း မကြာခဏမြင့်တက်ခဲ့ ဖူး၏။ ကျပ်ငွေသည်လည်း တဖြည်းဖြည်းတန်ဖိုးကျလျက်ရှိ ၏။ ထို့ကြောင့် ပို့ကုန်ဈေးနှုန်း များသည် ကျဆင်းကာ ပို့ကုန်တင် ပို့မှုပမာဏ မြင့်မားနေမည်ဟု သီအိုရီအရ ထင်စရာရှိသည်။ သို့ သော် မြန်မာပို့ကုန်အတွက် စဉ် ဆက်မပြတ် အားတက်သရော ဝယ်လိုအားမဖြစ်ထွန်းခဲ့။ ပို့ကုန် ပမာဏလည်း သိသာစွာမြင့်တက် ခြင်းမရှိခဲ့။ ငွေလဲနှုန်းမြင့်တက်မှု က ပေးခဲ့သော ထိုအခွင့်အလမ်းကို မြန်မာ့ပို့ကုန်ကဏ္ဍက ရယူနိုင်ခြင်းမရှိခဲ့ဟုသာ မှတ်ယူရပေမည်။

အခွင့်အလမ်းထက်ပိုသော စိန်ခေါ်မှု
 မြန်မာ့ထုတ်ကုန်ကဏ္ဍ သည် ၁၉၈၈ ခုနှစ် နောက်ပိုင်းအ ချိန်များကတည်းက အနောက် နိုင်ငံများ၏ စီးပွားရေးပိတ်ဆို့မှု များကြောင့် နိုင်ငံတကာဈေး ကွက်များနှင့် အလှမ်းဝေးခဲ့၏။ ငွေကြေးအရင်းအနှီးနည်းနှင့် နည်း ပညာတို့လည်း မပြည့်စုံခဲ့ပေ။ ရရှိ ထားသော ဈေးကွက်အနည်းငယ် တွင်လည်း နိုင်ငံတကာ စံသတ် မှတ်မှုများကို မမီခြင်း၊ ကုန်ပစ္စည်း နှင့်ပတ်သက်၍ မရိုးမသားလုပ် ဆောင်မှုများ ရှိခဲ့ခြင်းတို့ကြောင့် ဈေးကွက်ပျက်သွားခြင်းများ လည်းရှိခဲ့၏။ ၂၀၁၁ ခုနှစ်နောက်ပိုင်း ကာလများတွင်လည်း ကုန်ထုတ် လုပ်မှုကဏ္ဍနှင့်ပတ်သက်၍ လက်တွေ့ဆန်သော မဟာဗျူဟာကျ ကျစနစ်တကျ ပြုပြင်ပြောင်းလဲ အားထုတ်မှုများ မလုပ်နိုင်ခဲ့၊ မလုပ်နိုင်သေး။ အိမ်နီးချင်းနိုင်ငံ များ၏ စက်မှုလက်မှု ကဏ္ဍတိုးတက်မှုများကြောင့် နေ့စဉ်နှင့်အမျှတိုးတက်ထုတ်လုပ်နေကြသော ထုတ်ကုန်ပစ္စည်းအမျိုးမျိုး၊ ထိုပစ္စည်းအမျိုးမျိုးတို့၏ နယ်စပ်များမှ ပြည်တွင်းဈေးကွက်များထဲသို့ တရားမဝင် စီးဝင်ရောက်ရှိမှုများ ကိုလည်း ထိထိရောက် တားဆီး နိုင်မှုလည်း မရှိသေးပေ။ ထို့အပြင် ဒေသတွင်း လွတ်လပ်သော ကုန် သွယ်ရေး အစီအစဉ်များတွင် ပါဝင်နေမှုကြောင့် ပြည်တွင်း ထုတ်လုပ်မှုများ အားမကောင်းပါ က ပို့ကုန်တင်ပို့နိုင်ခြင်းထက် ပြည်တွင်းသို့ သွင်းကုန်စီးဝင်မှုကသာ ပိုမိုလာဖို့သာရှိပေသည်။ လက်ရှိ အခြေအနေများကို လေ့လာ ကြည့်လျှင် မြန်မာ့ထုတ်ကုန် ကဏ္ဍသည် အခွင့်အလမ်းထက် စိန်ခေါ်မှုများကို ပိုမိုကြုံတွေ့လာ ရဖွယ်ရှိနေသည်။

စိတ်ကူးယဉ်ခြင်း
 ပြည်တွင်းငွေတန်ဖိုးကျ ဆင်းခြင်းကြောင့် ဖြစ်ပေါ်နေ သော ကောင်းကျိုးအခွင့်အလမ်း များရှိခဲ့၏။ ရှိနေဆဲလည်းဖြစ်၏။ ပြည်တွင်းထုတ်လုပ်မှုကဏ္ဍသည် လည်း အကြောင်းအမျိုးမျိုးပေါင်း စုံကာ ချည့်နဲ့လျက်ရှိနေဆဲ၊ အချိန်နှင့်အမျှ ပို၍သာ အားနည်းလာနေ ဆဲဖြစ်သည်။ အားလုံး၏ မျက်စိ ရှေ့တွင် အခွင့်အလမ်းတို့ကို မြင် တွေ့နေရသော်လည်း ဖမ်းဆုပ် နိုင်စွမ်းမရှိ၍ လွတ်သွားခဲ့သည် မှာ အကြိမ်ကြိမ်အခါခါရှိနေခဲ့ပြီ။ ထို့ကြောင့် ငွေလဲနှုန်းမြင့်တက်နေ ချိန်တွင် ပို့ကုန်တိုးမြှင့်ထုတ်လုပ် တင်ပို့နိုင်ရေး အခွင့်အလမ်းကို မဆုပ်ကိုင်နိုင်သည်မှာ ထူးဆန်း သော အခြေအနေမဟုတ်တော့။ ပို့ကုန်ဝင်ငွေတိုးမြှင့်ရရှိမှုဆိုသည် မှာလည်း စိတ်ကူးသက်သက်သာ ဖြစ်ပေလိမ့်မည်။    ။

(ဆောင်းပါးရှင်စောနိုင် (အသုံးချဘောဂဗေဒ)သည် စီးပွားရေးပြုပြင်ပြောင်းလဲမှု သုံးသပ်ဆောင်းပါးများနှင့် လယ်ယာကဏ္ဍ၊ စက်မှုလက်မှုနှင့် လူ့စွမ်းအားအရင်းအမြစ်ဆိုင်ရာ ဆောင်းပါးများ ရေးသားနေသူဖြစ်သည်။)