ပီရူးနိုင်ငံတွင် နာရေးတစ်ခု၌ ကျွေးမွေးသည့် အစားအသောက်များမှ အဆိပ်သင့်ပြီး အနည်းဆုံး လူ ၁၀ ဦးမျှ သေဆုံးခဲ့ကြောင်း သိရသည်။

ပီရူးနိုင်ငံတွင် နာရေးတစ်ခု၌ ကျွေးမွေးသည့် အစားအသောက်များမှ အဆိပ်သင့်ပြီး အနည်းဆုံး လူ ၁၀ ဦးမျှ သေဆုံးခဲ့ကြောင်း သိရသည်။


ပီရူဗီယန်အန်းဒက်စ် ဒေသရှိ ဆန်ဟိုဆေး ဒီအာရှူအာတွင် နာရေး၌ တည်ခင်းဧည့်ခံ ကျွေးမွေးသော အစားအသောက်များ စားသုံးပြီးနောက် လူပေါင်း ၅၀ မျှ ရုတ်တရက် နာမကျန်း ဖြစ်ခဲ့သည်။ ယင်းတို့ကို လူနာတင်ကားများ၊ ရဟတ်ယာဉ်များ အသုံးပြုပြီး ဆေးရုံသို့ အရေးပေါ် တင်ပို့ခဲ့ရသည်။

ကနဦး စစ်ဆေးမှုများအရ ကျွေးမွေးသော အစားအသောက်ထဲတွင် ပိုးသတ်ဆေး ဖော်စပ်ရာ၌ အသုံးပြုသည့် ဓာတုပစ္စည်းတစ်မျိုး ပါဝင်နေသည်ဟု ယုံကြည်ရကြောင်း ကျန်းမာရေးဝန်ကြီး ဆလီဗီယာ ပက်ဆာက ပြောကြားခဲ့သည်။

လူ ၁၀ ဦးထက်မနည်း သေဆုံးပြီး ၈ ဦးမှာ အရေးပေါ် အခြေအနေတွင် အသက်လု ကုသမှု ခံယူနေရသည့် ယခုသီတင်းပတ် ဖြစ်စဉ်နှင့် ပတ်သက်၍ ရဲတပ်ဖွဲ့က နောက်ကြောင်းပြန် စုံစမ်းမှုများ ပြုလုပ်နေသည်။ ထို့အပြင် ရင်ခွဲစစ်ဆေးမှု ရလဒ်များကိုလည်း စောင့်ဆိုင်းနေကြောင်း သိရသည်။

၂၀၁၃ ခုနှစ်ကလည်း အိန္ဒိယတွင် ပိုးသတ်ဆေး၌ အသုံးပြုသည့် ဓာတ်ပစ္စည်းတစ်မျိုး ပါရှိသော အစားအသောက်များ စားမိ၍ ကျောင်းသူကျောင်းသား ကလေးငယ် ၂၃ ဦး အသက်ဆုံးရှုံးခဲ့ရဖူးသည်။

Ref: Daily Mail