အသည်းရောင်အသားဝါစီပိုးနှင့် အိတ်ခ်ျအိုင်ဗီပူးတွဲခံစားနေရသူ ၁၆၀ ကို ဝေဘာဂီအထူးကုဆေးရုံကြီးတွင် ကုသမည် ဖြစ်သည်။
ဝေဘာဂီအထူးကုဆေးရုံအဝင်နေရာကိုတွေ့ရစဉ် (ဓာတ်ပုံ-ကျော်ဇင်သန်း)

အသည်းရောင်အသားဝါစီပိုးနှင့် အိတ်ခ်ျအိုင်ဗီပူးတွဲခံစားနေရသူ ၁၆၀ ကို ဝေဘာဂီအထူးကုဆေးရုံကြီးတွင် ကုသမည် ဖြစ်သည်။

ယင်းအစီအစဉ်ကို USAID၏ ရန်ပုံငွေပံ့ပိုးမှုဖြင့် အမျိုးသားခုခံ အားကျကာလသားရောဂါတိုက် ဖျက်ရေးစီမံကိန်း၊ Community Partners International ၊ အခြား မိတ်ဖက်အဖွဲ့အစည်းများဖြစ် သည့် အသည်းဖောင်ဒေးရှင်း၊ အာဖရိကမှ အင်န်ဂျီအိုတစ်ခုဖြစ် သည့် Right to Care ၊ ဆေးသု တေသနဦးစီးဌာနတို့ ပူးပေါင်း ဆောင်ရွက်ခြင်း ဖြစ်သည်။

‘‘အိတ်ခ်ျအိုင်ဗီပိုးကို အရင် ကုရတယ်။ နှစ်ပတ်လောက်ကုပြီး တော့မှ စီပိုးကိုဆက်ကုတယ်။ ပထမအဆင့်အနေနဲ့ အိတ်ခ်ျအိုင် ဗီနဲ့ စီပိုးပူးတွဲလူနာ ၁၆၀ လောက် ကိုစပြီး အထူးကုဆေးရုံမှာပဲ ဒီပ ရောဂျက်ကို စဖို့ရှိတယ်။ နောက် ဒီပေါ်မှာမူတည်ပြီးတော့ တခြား ဆေးရုံတွေကတော့ နောက်မှ လုပ်သွားမှာ ဖြစ်ပါတယ်’’ဟု အမျိုး သားခုခံအားကျ ကာလသားရောဂါတိုက်ဖျက်ရေးစီမံကိန်းမန်နေဂျာ ဒေါက်တာ ထွန်းညွန့်ဦးကပြောသည်။

ယင်းအစီအစဉ်သည် ရန်ကုန်၊ မန္တလေးရှိ သံစစ်ကုသိုလ်ဖြစ်ဆေး ခန်းများမှ အိတ်ခ်ျအိုင်ဗီနှင့် စီပိုးပူး တွဲခံစားနေရသူ လူနာ ၄၀၀ ကို ကုသပေးမည်ဖြစ်ပြီး ကနဦးအနေဖြင့် လူနာ ၁၆၀ ကို ကုသပေးခြင်း ဖြစ်သည်။ ယင်းစီမံချက်ကို၂၀၁၈ တစ်နှစ်စီမံချက်အဖြစ် ကန်ဒေါ်လာ နှစ်သန်းမှ သုံးသန်းအထိသုံးစွဲမည် ဖြစ်သည်။

‘‘စီပိုးကူးစက်ခံနေရတဲ့သူက သိပ်များတယ်။ ပိုးကူးစက်ခံရတဲ့ သူ သိပ်များတဲ့အချိန်မှာ အသည်း အထူးကုဆရာဝန်ကြီးတွေက ကု နေရတာတွေသိပ်များနေလို့ပါ။ ရည်ရွယ်တာကတော့ ကျန်းမာ ရေးနဲ့ အားကစားဝန်ကြီးဌာနက အသုံးပြုထားတဲ့ ကုထုံးကို အသုံး ချပြီး အထူးကုဆရာဝန်မဟုတ်တဲ့သူတွေကုနိုင်အောင်လို့ပါ’’ဟု Community Partners Interna-tional အမှုဆောင်အရာရှိ ဒေါက်တာ စည်သူရက ပြောသည်။

မြန်မာနိုင်ငံတွင် အိတ်ခ်ျအိုင် ဗီရောဂါပိုးကူးစက်ခံရသူဦးရေ လက်ရှိတွင် နှစ်သိန်းနှစ်သောင်း ခန့်ရှိပြီး ကျန်းမာရေးနှင့် အားက စားဝန်ကြီးဌာန လက်အောက်ရှိ ဆေးသုတေသနဦးစီးဌာန (အောက်မြန်မာပြည်)နှင့် အသည်းဖောင် ဒေးရှင်းတို့ပူးပေါင်း၍ ၂၀၁၅ မေလမှ အောက်တိုဘာလအထိ တိုင်းနှင့် ပြည်နယ် ၁၄ ခုရှိ ၁၈ မြို့ နယ်မှ လူ ၅,၀၀၀ ကျော်ကိုကောက်ယူထားသော စာရင်းများ အရ စီပိုးဖြစ်ပွားမှုနှုန်း ၂ဒသမ၆ ရာခိုင်နှုန်းရှိသည်။