၂၀၁၈-၁၉ ပညာသင်နှစ်တွင် တက္ကသိုလ် ပထမနှစ် တက်ရောက် မည့်သူများအနေဖြင့် တက္ကသိုလ်တစ်ခုမှ အခြားတစ်ခုသို့ ပြောင်းရွှေ့တက်ရောက်လိုပါက ကျောင်းဖွင့်ပြီး ၁၉ ရက်အတွင်း အပြီးပြောင်းရွှေ့လျှောက်ထားရမည်ဟု အဆင့်မြင့်ပညာ ဦးစီးဌာနက ကြေညာထားသည်။
ရန်ကုန်တက္ကသိုလ်ကျောင်းသူ၊ ကျောင်းသားအချို့ကို ကျောင်းဝင်းအတွင်း တွေ့ရစဉ် (ဓာတ်ပုံ − ကျော်ဇင်သန်း)

၂၀၁၈-၁၉ ပညာသင်နှစ်တွင် တက္ကသိုလ် ပထမနှစ် တက်ရောက် မည့်သူများအနေဖြင့် တက္ကသိုလ်တစ်ခုမှ အခြားတစ်ခုသို့ ပြောင်းရွှေ့တက်ရောက်လိုပါက ကျောင်းဖွင့်ပြီး ၁၉ ရက်အတွင်း အပြီးပြောင်းရွှေ့လျှောက်ထားရမည်ဟု အဆင့်မြင့်ပညာ ဦးစီးဌာနက ကြေညာထားသည်။

ပြောင်းရွှေ့လျှောက်ထား လိုသူများအနေဖြင့် မိမိပြောင်းရွှေ့ လိုသော တက္ကသိုလ်၏ အနိမ့်ဆုံး ဝင်ခွင့်ပြုသည့်အမှတ်နှင့် ဝင်ခွင့် သတ်မှတ်ချက်များကို ပြည့်မီရ မည်ဖြစ်ပြီး ပြောင်းရွှေ့လိုသော တက္ကသိုလ်က လက်ခံမှသာ ပြောင်းရွှေ့ခွင့်ရမည်ဖြစ်သည်။

‘‘တက္ကသိုလ်တစ်ခုကနေ တခြားတစ်ခုကို ပြောင်းချင်ရင် ကိုယ်ဝင်ခွင့်ရတဲ့ တက္ကသိုလ်ဆီက ထောက်ခံချက်ယူပြီး ကျောင်းစဖွင့်တဲ့နေ့ကနေ သတ်မှတ်ရက်အတွင်း လျှောက်ထားရပါတယ်။ ကျော်ရင်တော့ ပြောင်းတဲ့ တက္ကသိုလ်ကလည်း ကျောင်းဝင်မှတ်ပုံ တင် ခွင့်မပြုပါဘူး’’ဟု အဆင့်မြင့်ပညာဦးစီးဌာန ညွှန်ကြားရေးမှူး တစ်ဦးက ပြောသည်။

မိဘများ နိုင်ငံ့ဝန်ထမ်းဖြစ်၍ တာဝန်အရ ပြောင်းရွှေ့ရသော ကြောင့် ပြောင်းရွှေ့ပညာသင် ကြားခွင့် လျှောက်ထားလိုလျှင် ပထမ ဝင်ခွင့်ရထားသည့် တက္ကသိုလ်၊ ဒီဂရီကောလိပ်၊ ကောလိပ်၌ပထမအရစ် သတ်မှတ်ကြေး ပေးသွင်း မှတ်ပုံတင်ခြင်းမပြုဘဲ မိဘအလုပ် တာဝန်ပြောင်းရွှေ့ရသည့် တရား ဝင်ရုံးအမိန့်စာဖြင့် ပြောင်းရွှေ့ မည့်တက္ကသိုလ်၊ ဒီဂရီကောလိပ်၊ ကောလိပ်သို့ တိုက်ရိုက်လျှောက် ထားရမည် ဖြစ်သည်။

အခြားအကြောင်း အမျိုးမျိုးကြောင့် ပြောင်းရွှေ့သင်ကြား ခွင့် လျှောက်ထားလိုလျှင် ဝင်ခွင့်ရရှိထားသည့် တက္ကသိုလ်၊ ဒီဂရီကောလိပ်၊ကောလိပ်၌ ပထမအရစ် သတ်မှတ်ကြေး ပေးသွင်းပြီး ယင်းတက္ကသိုလ်ပါမောက္ခချုပ်၊ ကျောင်းအုပ်ကြီးထံ ပြောင်းရွှေ့ သင်ကြားလိုသည့် တက္ကသိုလ်၊ဒီဂရီကောလိပ်၊ ကောလိပ်ကို ဖော်ပြပြီး ဒီဇင်ဘာ ၂၁ ရက်အထိ လျှောက်ထားနိုင်သည်ဟု ၂၀၁၈ တက္ကသိုလ်ဝင်ခွင့်လမ်းညွှန်တွင် ဖော်ပြထားသည်။

၂၀၁၈ တက္ကသိုလ်ဝင်စာမေး ပွဲ အောင်မြင်သူများအတွက် တက္ကသိုလ်ဝင်ခွင့် လျှောက်လွှာများကို တက္က သိုလ် ၁၁ ခုက တိုက်ရိုက်လက်ခံခဲ့ပြီး ထိုတက္ကသိုလ်များ၏ ၀င်ခွင့်ရစာရင်းကို သြဂုတ် ၁၅ ရက်တွင် ကြေညာမည်ဖြစ်သည်။ 

အဆင့်မြင့် ပညာဦးစီးဌာန တက္ကသိုလ်ဝင်ခွင့် စိစစ်ရွေးချယ်ရေးအဖွဲ့သို့ လျှောက်ထားရသည့် တက္ကသိုလ်များ၏ ၀င်ခွင့်ရစာရင်း ကို အဆင့်မြင့် ပညာဦးစီးဌာနက နိုဝင်ဘာအတွင်း ကြေညာမည် ဖြစ်သည်။

၂၀၁၈-၁၉ ပညာသင်နှစ် တက္ကသိုလ်၊ ဒီဂရီကောလိပ်နှင့် ကောလိပ်အသီးသီး၏ ပထမနှစ်သင်တန်းများကို ဒီဇင်ဘာ ၃ ရက် တွင် စတင်ဖွင့်လှစ်မည်ဖြစ်ပြီး တက်ရောက်ခွင့်ရရှိသူများ သက်ဆိုင်ရာကျောင်းများ၏ ကျောင်းအပ်လက်ခံသည့် ကာလအတွင်း အပြီးအပ်နှံရမည်ဖြစ်သည်။