ဗီယက်နမ်၊ ကမ္ဘောဒီးယား နှင့်လာအိုနိုင်ငံသို့ မိုင်တဲလ်ဆင်းမ် ကတ် သယ်ဆောင်အသုံးပြုပါက အဆိုပါနိုင်ငံတွင် ကောက်ခံသည့် ဝန်ဆောင်မှုနှုန်းအတိုင်း ကျပ်ငွေ ဖြင့် ပြန်လည်ကောက်ခံမည်ဟု ကြေညာသည်။

ဗီယက်နမ်၊ ကမ္ဘောဒီးယား နှင့်လာအိုနိုင်ငံသို့ မိုင်တဲလ်ဆင်းမ် ကတ် သယ်ဆောင်အသုံးပြုပါက အဆိုပါနိုင်ငံတွင် ကောက်ခံသည့် ဝန်ဆောင်မှုနှုန်းအတိုင်း ကျပ်ငွေ ဖြင့် ပြန်လည်ကောက်ခံမည်ဟု ကြေညာသည်။

နိုင်ငံဖြတ်ကျော် မိုဘိုင်း အသုံးပြုသည့် နှုန်းအတိုင်း ကောက်ခံခြင်းမဟုတ်ဘဲ အဆိုပါ သုံးနိုင်ငံ၌ ကောက်ခံနေသည့် မိုဘိုင်း ဖုန်းဝန်ဆောင်မှုနှုန်းထား အတိုင်း ကောက်ခံခြင်းဖြစ်သည်။

ဗီယက်နမ်၊ ကမ္ဘောဒီးယား နှင့် လာအိုနိုင်ငံရှိ မိုဘိုင်းဖုန်းများ သို့ ခေါ်ဆိုသည်ဖြစ်စေ၊ မြန်မာ နိုင်ငံရှိ မိုဘိုင်းဖုန်းများသို့ ခေါ်ဆို သည်ဖြစ်စေ၊ အဝင်ဖုန်း လက်ခံ သည်ဖြစ်စေ တစ်မိနစ် ၁၂၅ ကျပ် ကောက်ခံမည်ဖြစ်ပြီး SMS တစ်စောင် ကျပ် ၃၀ နှင့် အခြား ပြည်ပနိုင်ငံများသို့ ခေါ်ဆိုမှု တစ်မိနစ် ကျပ် ၁,၅၀၀ ကျသင့် မည်ဟု မိုင်တဲလ်က ကြေညာ သည်။

ပြည်ပသို့ မိုဘိုင်းဆင်းမ် ကတ်သယ်ဆောင်အသုံးပြုသည့် Roaming ဝန်ဆောင်မှုကို မိုင် တဲလ်က နိုင်ငံသုံးခုတွင် စတင် မိတ်ဆက်ရာ အခြား အော်ပရေ တာများထက် ဈေးနှုန်းသက်သာ ခဲ့သည်။

မြန်မာ့ဆက်သွယ်ရေး လုပ်ငန်းသည် ကမ္ဘောဒီးယားနိုင်ငံသို့ မိုဘိုင်းဖုန်းသယ်ဆောင် အသုံးပြုသူများအတွက် ဒေသတွင်း ခေါ်ဆိုမှု တစ်မိနစ်ကျပ် ၉၀၀၊မြန်မာနိုင်ငံ

သို့ ပြန်လည်ခေါ်ဆိုမှု တစ်မိနစ် ကျပ် ၁,၀၀၀၊ အခြားနိုင်ငံများသို့ ခေါ်ဆိုမှု တစ် မိနစ် ကျပ် ၁,၅၀၀၊ အဝင်လက်ခံမှု တစ်မိနစ် ကျပ် ၇၀၀ နှင့် SMS တစ်စောင် ကျပ် ၄၀၀ ကောက်ခံသည်။

အလားတူ ဆက်သွယ်ရေး အော်ပရေတာ အူရီးဒူးက ကမ္ဘော ဒီးယားနိုင်ငံသို့ မိုဘိုင်းဆင်းမ်ကတ် သယ်ဆောင်အသုံးပြုသူအတွက် SMS ကို အခမဲ့ဝန်ဆောင်မှုပေး အပ်သော်လည်း ဒေသတွင်းခေါ် ဆိုမှု၊ မြန်မာနိုင်ငံသို့ ပြန်လည်ခေါ် ဆိုမှု၊ ဖုန်းအဝင်လက်ခံမှုအတွက် ကျပ် ၉၀၀ ကောက်ခံသည်။

မိုင်တဲလ်သည် Roaming ဝန်ဆောင်မှုအတွက် ဗီယက်နမ် နိုင်ငံတွင် Viettel၊ လာအိုတွင် Unitel၊ ကမ္ဘောဒီးယားတွင် Metfone အော်ပရေတာတို့နှင့် ပူးပေါင်းခဲ့သည်။