"ကျွန်တော်တို့က ပညာရေးကောလိပ်တွေက တောင်းဆိုထားတဲ့အချက်တွေကို သက်ဆိုင်ရာအနေနဲ့ အမြန်ဆုံး တွေ့ဆုံညှိုနှိုင်းပြီး ဆောင်ရွက်ပေးဖို့ တောင်းဆိုတာပါ။" ဟု စစ်ကိုင်းပညာရေးတက္ကသိုလ်ကျောင်းသားများ သမဂ္ဂ ဥက္ကဋ္ဌ ကိုသူဝေလွင် ကပြောသည်။

(ဓာတ်ပုံ၊အောင်ကိုဦး၊မဇ္ဈိမ)

မန္တလေး၊ စက်တင်ဘာ ၁၄ ။                       ။ စစ်ကိုင်းပညာရေးတက္ကသိုလ် ကျောင်းသားများသမဂ္ဂမှ ဦးဆောင်၍ ပညာရေးကောလိပ်မှ ကျောင်းသား၊ ကျောင်းသူများ၏ တောင်းဆိုနေမှုများကို ထောက်ခံသည့်အနေဖြင့် ဇူလိုင်လ ၁၄ ရက်၊နံနက် ၉ နာရီက စစ်ကိုင်းပညာရေးတက္ကသိုလ်အတွင်း လှုပ်ရှားမှုတစ်ခုပြုလုပ်ခဲ့သည်။

"ကျွန်တော်တို့က ပညာရေးကောလိပ်တွေက တောင်းဆိုထားတဲ့အချက်တွေကို သက်ဆိုင်ရာအနေနဲ့ အမြန်ဆုံး တွေ့ဆုံညှိုနှိုင်းပြီး ဆောင်ရွက်ပေးဖို့ တောင်းဆိုတာပါ။" ဟု စစ်ကိုင်းပညာရေးတက္ကသိုလ်ကျောင်းသားများ သမဂ္ဂ ဥက္ကဋ္ဌ ကိုသူဝေလွင် ကပြောသည်။

စစ်ကိုင်းပညာရေးကောလိပ်မှ ကျောင်းသား၊ကျောင်းသားများ တောင်းဆိုနေသည့်အချက်များမှာ “ ပညာရေးကောလိပ် ကျောင်းသားသမဂ္ဂများ ကိုယ်စားပြုကော်မတီမှ ဆရာအတတ်ပညာကဏ္ဍတွင် နှစ်ရှည်စွဲမြဲစွာ အမြစ်တွယ်နေသော နစ်နာဆုံးရှုံးမှုများအားပြု ပြင်ပေးရန်၊ ဆရာအတတ်သင်သင်တန်းသားများ အတွက် ဆရာအတတ်ပညာကို ဆက်လက်သင်ယူလိုပါက အကန့်အသတ်များအား လျော့ချပေး၍ ဆက်လက် ပညာသင်ယူခွင့်ရစေရန်၊ ဆရာအတတ်သင် သင်တန်းသားများ စာပေဘာသာရပ်ကို ဆက်လက် ပညာဆည်းပူးလိုပါက နှစ်သက်ရာဘာသာတွဲများကိုရွေးချယ်ခွင့်ရရှိစေရေးနှင့် အဝေးသင်တတိယနှစ်မှစ၍ တက်ရောက်ခွင့်ရစေရန် ” စသည်တို့ ဖြစ်သည်။

ဆရာအတတ်သင် တက်ရောက်နေသည့် ကျောင်းသူ၊ ကျောင်းသားများကို ပညာရေးကောလိပ် ဒုတိယနှစ်တွင် အမြင့်ဆုံးအမှတ် သတ်မှတ်ကာ ပညာရေးတက္ကသိုလ်သို့ ခေါ်ယူကြောင်း၊ မပါဝင်သည့် ကျောင်းသူ၊ကျောင်း သားအများစုက အဝေးသင်တက္ကသိုလ် ၄ နှစ် ဆက်တက်ရပြီး စုစုပေါင်း ၆ နှစ်တက်ပြီးမှ အလယ်တန်းပြဆရာ အဖြစ် တာဝန်ထမ်းဆောင်ခွင့်ရရှိခြင်းဖြစ်ကြောင်း သိရသည်။

မြန်မာနိုင်ငံတွင် ပညာရေးကောလိပ် ၂၅ ခုရှိနေပြီး တစ်နိုင်ငံလုံးမှာရှိသည့် ပညာရေးကောလိပ်များက တောင်းဆိုမှုများ ဆက်လက်လုပ်ဆောင်သွားကြမည်ဟုလည်းသိရသည်။

လက်ရှိတွင် မကွေး၊ မုံရွာ၊ ပခုက္ကူပညာရေးကောလိပ်များမှလည်း အဆိုပါကိစ္စအပေါ် ဆန္ဒထုတ်ဖော် တောင်းဆိုလျှက် ရှိသည်။