နှာခေါင်းမွှေးနှုတ်ခြင်းက လူကို သေစေနိုင်တဲ့အထိ အန္တရာယ်ရှိ
သင်ဟာ မကြာခဏ နှာခေါင်းမွှေးနှုတ်တတ်တဲ့အကျင့် ရှိသူတစ်ယောက်လား? ဒါဆိုရင်တော့ သင့်အတွက် အန္တရာယ်ရှိပါတယ်။

ဘယ်လိုအန္တရာယ်မျိုးတွေ ရှိနိုင်လဲဆိုတာ သိချင်ကြမယ်ထင်ပါတယ်။ ခန္ဓာကိုယ်ပေါ်မှ အမွှေးအမျှင်တွေ ရှင်းလင်းခြင်းဟာ သင်ထင်ထားသလောက် မရိုးစင်းပါဘူး။ အထူးသဖြင့် နှာခေါင်းမွှေးတွေက အန္တရာယ် အများဆုံးပါ။ နှာခေါင်းမွှေးတွေဟာ အကာအကွယ်ပေးတဲ့ စနစ်တစ်ခုဖြစ်ပြီး အညစ်အကြေးတွေကို ညှစ်ထုတ်ပေးတဲ့အခါမှာလည်း အကူအညီပေးပါတယ်။ သို့သော်လည်း နှာခေါင်းမွှေးတွေဟာ နှာခေါင်းဝမှာ ထင်ရှားပေါ်လွင်စွာ ထွက်ပေါ်နေတာမျိုးက အရုပ်ဆိုး၊ အကျည်းတန်စေပါတယ်။

ဒါကြောင့်ပင် လူအတော်များများက နှာခေါင်းမွေးတွေကို နှုတ်ပစ်တတ်ကြတာပါ။ သို့သော် နှာခေါင်းမွေး နှုတ်ခြင်းမှာ သင်မထင်မှတ်ထားတဲ့ အန္တရာယ်တွေ ရှိနေပါတယ်။

ပိုးဝင်နိုင်ခြင်း

နှာခေါင်းမွေးနှုတ်ခြင်းကြောင့် များစွားသော ပိုးဝင်မှုတွေ ဖြစ်လာစေနိုင်ပါတယ်။ အမွှေးနှုတ်လိုက်တဲ့အခါ မွှေးညှင်းပေါက်တွေ ပွင့်သွားပြီး ပိုးမွှား၊ အညစ်အကြေး နှင့် အမှုန်အမွှားများဟာ ပွင့်ဟနေတဲ့ မွှေးညှင်းပေါက်တွေထဲ အလွယ်တကူ ဝင်ရောက်သွားစေနိုင်ပါတယ်။

Danger Triangle (အန္တရာယ်ရှိတဲ့ တြိဂံဇုံ)

မျက်နှာရဲ့ ဒီနေရာတဝိုက်ကို the danger triangle အန္တရာယ်ရှိတဲ့ တြိဂံဇုံလို့ သတ်မှတ်ထားပါတယ်။ နှာခေါင်းထိပ်မှစပြီး နှုတ်ခမ်းအပေါ် ထောင့်နှစ်ဖက်စီအထိပါ။ ထိုဧရိယာအတွင်းမှ သွေးကြောများ နှင့် အာရုံကြောလေးတွေဟာ ဦးနောက်ဆီသို့ သွေးစီးဆင်းစေရန် ဆက်စပ်နေပါတယ်။

ဒါကြောင့် နှာခေါင်းမွှေးနှုတ်လိုက်တဲ့အခါ အခန့်မသင့်လျှင် သွေးကြောတွေမှတဆင့် ဦးနှောက်ဆီသို့ ပိုးဝင်ခြင်းတွေ ဖြစ်လာနိုင်ပါတယ်။ ဖြစ်နိုင်ခြေနည်းပေမယ့်လည်း ရှောင်နိုင်လျှင်တော့ အကောင်းဆုံးပေါ့။ ကိုယ်ခံအားနည်းတဲ့သူတွေဆို ပိုပြီး ဖြစ်လွယ်ပါတယ်။ အကယ်၍ ပိုးကူးစက်ခြင်းဟာ ဦးနှောက်သို့ ရောက်တာ များတဲ့အခါ ဦးနှောက်မှာ ဖိအားတွေ များလာပြီး သွက်ချာပါဒ ဖြစ်လာနိုင်ခြင်း (သို့) သေဆုံးခြင်းအထိ ဖြစ်သွားနိုင်ပါတယ်။

ဝက်ခြံညှစ်ခြင်းကလည်း အလားတူအန္တရာယ်ရှိ

အထက်မှာပြောထားတဲ့ danger triangle နေရာမှာ ဝက်ခြံပေါက်တဲ့အခါ အတတ်နိုင်ဆုံး မညှစ်ပါနဲ့။ ထိုနေရာတဝိုက်မှာ ဝက်ခြံညှစ်ခြင်းကလည်း နှာခေါင်းမွှေးနှုတ်သကဲ့သို့ပင် အလားတူ အန္တရာယ်မျိုး ရှိနိုင်ပါတယ်။ အချို့ကြုံဖူးပါလိမ့်မယ်။ နှာခေါင်းထိပ်မှာ ၊ နှာခေါင်းဘေးကပ်လျက်မှာ ဝက်ခြံညှစ်တဲ့အခါ တစ်ခါတလေ မူးမေ့လဲချင်လောက်အောင် နာတတ်တာကို။

ဘယ်လိုလုပ်သင့်လဲ။

သင့်မှာနှာခေါင်းမွှေးတွေ မကြာခဏ ရှည်ထွက်တာကို ဖြေရှင်းဖို့ အကောင်းဆုံး နည်းလမ်းကတော့ ကပ်ကြေးဖြင့် ညှပ်ပေးတာပါပဲ။ ကပ်ကြေးသေးသေးသုံးပြီး နှာခေါင်းမွှေးများကို ညှပ်ထုတ်ရှင်းပစ်ပေးတာက အန္တရာယ်အကင်းဆုံး နည်းလမ်းပါပဲ။ မညပ်မိအောင် သတိထားပြီးတော့ ညှပ်ပေါ့နော်။

ဖိုးသူတော် (www.phothutaw.com)
Credit: CHAN