ရထားပေါ်မှာ နှာဗူးကျပြီး ဟိုကိုင်ဒီကိုင် ကိုင်လိုက်မိတာ အကိုင်ခံရသူ အမျိုးသမီးက ရဲမေဖြစ်နေသောအခါ
ရထားပေါ်မှာ ရဲမေမှန်းမသိဘဲ ပွတ်သပ်ကျီစယ်မိတဲ့အမျိုးသား အချုပ်ခန်းနဲ့ညား

ယာဉ်တွေရထားတွေပေါ်မှာ အမျိုးသမီးတွေ လိင်ပိုင်ဆိုင်ရာ စော်ကားခံရမှုတွေဟာ မျက်မှောက်ကာလအထိ တည်ရှိနေဆဲ လူမဆန်မှုကြီးတစ်ခု ဖြစ်ပါတယ်။ ဖွံ့ဖြိုးပြီးစနိုင်ငံတွေသာမက၊ ခေတ်မီလှပါပြီဆိုတဲ့ နိုင်ငံကြီးတွေမှာတောင် ပြည်သူပြည်သားတွေဟာ Public Transport ကိုအားကိုးအားထားပြုနေရဆြဲ ဖစ်ပြီး၊ အလုပ်သွားအလုပ်ပြန် လူကြပ်ချိန်တွေမှာ ဒီလိင်ပိုင်းဆိုင်ရာစော်ကားခံရမှုတွေ အများဆုံးဖြစ်နေဆဲပါ။Metro သတင်းမှာ ဖော်ပြချက်အရ ရထားစီးအမျိုးသားတစ်ဦးဟာ အရပ်ဝတ်စုံနဲ့ ရဲမေတစ်ဦးကို ရဲမေမှန်းမသိဘဲ အကဲစမ်း ပွတ်သပ်ခဲ့မိတယ်လို့ ဆိုပါတယ်။ အဆိုပါ အမျိုးသားဟာ သူရဲ့ မတော်ရာနဲ့ ရဲအရာရှိအမျိုးသမီးကို ထပ်ကာထပ်ကာ ပွတ်ထိမိအောင် ဖန်တီးနေပြီး၊ အရသာခံနေခဲ့ပါတယ်။

အဆိုပါ အမျိုးသားရဲ့ အမည်မှာ Felipe Mondragon ဖြစ်ပြီး၊ အသက်ကတော့ (၅၂)နှစ်ပါ။ သူဟာ ပြီးခဲ့တဲ့ ကြာသပတေးနေ့ မနက် (၉)နာရီဝန်းကျင် နယူးယောခ့်မြို့က Union Square ဘူတာကနေ ထွက်ခွာလာတဲ့ မြို့ပတ်ရထားပေါ်မှာ အခုလို ပြစ်မှုကို ကျူးလွန်ခဲ့တာပါ။ ဒါပေမယ့် တကယ့်လူကိုမှ သွားပြီး ကျူးလွန်မိနေတာ ဖြစ်တဲ့အတွက် လက်ပူးလက်ကြပ် အဖမ်းခံခဲ့ရပါတယ်။ပြစ်မှုကျူးလွန်ခံရတဲ့ ရဲအရာရှိအမျိုးသမီးဟာ ထိုစဉ်က သူမနဲ့အတူ အဖော်တစ်ဦးအပြင်၊ လုပ်ဖော်ကိုင်ဘက် ရဲတပ်ကြပ်တစ်ဦးလည်း ရှိနေခဲ့ပါတယ်။ ရဲအရာရှိနှစ်ယောက်စလုံးဟာ တာဝန်ချိန်ပြင်ပဖြစ်နေလို့ ရဲယူနီဖောင်းကို ၀တ်ဆင်ထားခြင်း မရှိဘူးလို့ ယူဆရပါတယ်။

Felipe ကို (၂၃)လမ်းဘူတာမှာ ရထားပေါ်က ဆွဲချပြီး ဖမ်းဆီးနိုင်ခဲ့ပါတယ်။ သူ့ကို ပြစ်မှုကျူးလွန်ခံရတဲ့ ရဲအရာရှိအမျိုးသမီးကပဲ တရားလိုပြုလုပ်ပြီး၊ လိင်ပိုင်းဆိုင်ရာစော်ကားမှုနဲ့၊ မရိုးဖြောင့်သောသဘောဖြင့် အမျိုးသမီးတစ်ဦးကို ကာယိနြေ္ဒပျက်ပြားစေမှုတို့နဲ့ အမှုဖွင့်အရေးယူထားပါတယ်။ Felipe ဟာ အခုတော့ အချုပ်ခန်းမှာ တရားရင်ဆိုင်ရမယ့်အချိန်ကို စောင့်ဆိုင်းနေပါတယ်။

ဖိုးသူတော် (www.phothutaw.com)
Credit: MMcele
#