“ကိုယ့်ကိုယ်ကိုယ်သိခြင်း အနုပညာ”
လူငယ်တော်တော်များများမှာ ရှိနေတဲ့ ပြဿနာက ဘာလဲဆို ကိုယ့်ကိုယ်ကိုယ် မသိခြင်းပဲ။ ကိုယ် ဘာဝါသနာပါလဲ ကိုယ်မသိဘူး၊ ကိုယ့်အားသာချက် ကိုယ်မသိဘူး၊ ကိုယ်ဘာဖြစ်ချင်မှန်း မသိဘူး။ စာရေးနေရရင် ထမင်းမေ့ဟင်းမေ့ ဆိုတဲ့ ကျွန်တော်ကိုယ်တိုင်တောင် စာရေးတာ ၀ါသနာပါမှန်း အသက် ၂၃ နှစ်ကျမှ သိတာလေ။

ဒီနေရာမှာ မဖြစ်မနေ ထည့်ပြောရမှာက ပညာရေးစနစ်ပဲ။ ကြားဖူးတာလေးတစ်ခုကို ပြန်သတိရတယ်။ ကျွန်တော်တို့ရဲ့ ပညာရေးစနစ်ဟာ ဆင်ရယ်၊ မျောက်ရယ်၊ မြင်းရယ်၊ ငါးရယ် စတဲ့ ကျွမ်းကျင်မှုကိုယ်စီ၊ အားသာချက်ကိုယ်စီ၊ အစွမ်းအစကိုယ်စီ ရှိနေတဲ့ သတ္တ၀ါတွေကို အပင်ပေါ်တက်ခိုင်းပြီး အကဲဖြတ်တာနဲ့ တူပါတယ် တဲ့။ ဒီတော့ကာ အပင်ပေါ်တက်နိုင်တဲ့ မျောက်ကလေးတွေပဲ လူတော်အဖြစ် သတ်မှတ်ခံရတော့တာပေါ့။ စာကျက်နိုင်တဲ့၊ စာကျက်အားသန်တဲ့ ကလေးတွေပဲ ကျောင်းမှာ စာတော်တယ်ဆိုပြီး သတ်မှတ်ခံကြရတာပေါ့။

ကလေးတွေမှာ ဘယ်လိုအစွမ်းအစ ရှိတယ်၊ ဘာဝါသနာပါတယ် ထုတ်ဖော်မပေးဘဲ အမှတ်များမှ လူတော် ဆိုတဲ့ စနစ်တစ်ခုထဲကိုပဲ ပုံသွင်းနေတဲ့အခါမှာ ကလေးတွေဟာ ကိုယ့်ကိုယ်ကိုယ် မသိတော့ဘူး။ ပြောရရင် ကိုယ်ဟာ မျောက်လား၊ ဆင်လား၊ မြင်းလား၊ ငါးလား ဘယ်သတ္တ၀ါလဲ မသိကြဘူး။ ဒီအခါ ကိုယ်နဲ့ အံမ၀င်တဲ့ နယ်ပယ်မှာ အလုပ်လုပ်ကြရတယ်။ ဆင်က အပင်ပေါ် တက်နေရတယ်။ မြင်းက ရေထဲမှာ ကူးနေရတယ်။ ငါးက ကုန်းပေါ် လမ်းလျှောက်နေရတယ်။ အဲဒီအခါ တက်နေတဲ့ တက္ကသိုလ်မှာ မပျော်ဘူး။ လုပ်နေတဲ့အလုပ်ကို ၀ါသနာမပါဘူး။ ပိုက်ဆံအတွက်သာ အလုပ်လုပ်နေရတယ် ဆိုတာမျိုး ဖြစ်လာတယ်။ ဒီတော့ စွမ်းဆောင်ရည် မကောင်းဘူး။ ဒီလိုလူငယ်တွေနဲ့ ဖွဲ့စည်းထားတဲ့ အဲဒီအသင်းအဖွဲ့ကလည်း တိုးတက်မလာတော့ဘူး။

ဒါကြောင့် ကိုယ့်ကိုယ်ကိုယ်သိဖို့ဟာ လူတစ်ယောက်အောင်မြင်ဖို့မှာ သိပ်အရေးကြီးလာတာ ဖြစ်ပါတယ်။ ကိုယ် ဂီတကို ရူးသွပ်မှန်း သိသွားပြီး ဂီတလမ်းကြောင်းကို လျှောက်လှမ်းပြီဆိုတဲ့အခါ အောင်မြင်တာပဲ။ ကိုယ်က စီးပွားရေးလာဘ်မြင်တာ သိသွားပြီး စီးပွားရေးပဲ ဇောက်ချလုပ်တဲ့အခါ အောင်မြင်တော့တာပဲ။ ကိုယ်က အဟောအပြောဝါသနာပါမှန်း သိသွားပြီး အဲဒီအလုပ်နဲ့ အသက်မွေးတဲ့အခါ အောင်မြင်တော့တာပဲ။

ဟုတ်ပြီ၊ ကိုယ့်ကိုယ်ကိုယ် သိရမယ်ဆိုတော့ ဘာတွေသိရမှာလဲ။

အားသာချက်၊ အားနည်းချက်တွေ သိဖို့လိုပါတယ်။ ကိုယ့်ရဲ့ ရုပ်ပိုင်းဆိုင်ရာ၊ ပညာအရည်အချင်း၊ အတွေ့အကြုံ၊ စွမ်းဆောင်ရည်၊ စတဲ့ အပိုင်းတွေမှာ ဘယ်နေရာအားသာလဲ၊ ဘယ်နေရာ အားနည်းလဲ သိရမယ်။ ဒါမှ ကိုယ်အားသာတဲ့နယ်ပယ်ကို ရွေးချယ်ပြီး အလုပ်လုပ်နိုင်မယ်။ အားနည်းတဲ့နေရာကို တတ်နိုင်သလောက် ပြင်ဆင်နိုင်မယ်။

နောက်တစ်ခု၊ ကိုယ့်ဝါသနာ၊ ကိုယ့်ရဲ့ရူးသွပ်မှု စတာတွေကိုလည်း သိဖို့ လိုပါတယ်။ နောက်ဆုံးတစ်ခု ဘာသိရမလဲဆိုရင်တော့ Personality type ကို သိရမယ်။ မြန်မာလိုပြန်ရင်တော့ ကိုယ်ရည်ကိုယ်သွေး အမျိုးအစား၊ တစ်နည်းအားဖြင့် ကိုယ်က ဘယ်လိုလူမျိုးလဲပေါ့။ အတွေ့ရများတဲ့ အမျိုးအစား ၄ ခုကို နမူနာပေး ရေးထားပါတယ်။ ဆက်ကြည့်ကြည့်ပါ။

၁။ Introvert လား Extrovert လား

Introvert ဆိုတာကတော့ အုံ့ပုန်းပေါ့။ သဘောက ဖြစ်နိုင်ရင် သီးသန့်ပဲနေချင်တယ်၊ လူတွေနဲ့ မိတ်ဖွဲ့ရတာ၊ စကားပြောရတာ မကြိုက်ဘူး။ Extrovert သမားကတော့ သူနဲ့ပြောင်းပြန်။ မသိသေးတဲ့လူတွေနဲ့ မိတ်ဖွဲ့ဖို့ ၀န်မလေးဘူး။ ဖော်ရွေတယ်။ ပြောတတ်ဆိုတတ်တယ်။ အဲဒီလိုလူက အပေါင်းအသင်းလည်း များတယ်။ ဘယ်တစ်ခုက ပိုကောင်းတယ် ပြောမရဘူး။ အဓိကက ကိုယ်နဲ့ သက်ဆိုင်တာကို ရွေးတတ်ဖို့ပဲ။ ဥပမာ ကိုယ်က သီးသန့်နေရတာကို ကြိုက်တဲ့လူဆို သီးသန့်နေလို့ရတဲ့ အလုပ်မျိုး လုပ်သင့်တာပေါ့။ စာရေးတာလို၊ ဆေးကုတာလို အလုပ်မျိုးဆို အဆင်ပြေတယ်။ Extrovert သမားကျ စီးပွားရေးသမားတွေ၊ နိုင်ငံရေးသမားတွေ၊ အနုပညာရှင်တွေဆို အောင်မြင်နိုင်တာပေါ့။

၂။ Specialist လား Generalist လား

ကိုယ်က တခုခုဆို အသေးစိတ်အထိ လေ့လာရတာ အားသန်လား။ ဒါမှမဟုတ် ခြုံငုံပြီး နှံ့နှံ့စပ်စပ် လေ့လာရတာကို သဘောကျလား။ ဒီနေရာမှာလည်း ဘယ်ဟာ ပိုကောင်းတယ်ရယ် မရှိဘူး။ ပညာရပ်တခုခုကို စူးစိုက်ပြီး လေ့လာတတ်တဲ့ ပညာရှင်တွေဟာ Specialist သမားတွေဖြစ်ပြီး၊ မီဒီယာသမားတွေ၊ နိုင်ငံကို အုပ်ချုပ်မယ့်သူတွေ၊ ဥပဒေသမားတွေကတော့ သူတို့သက်ဆိုင်ရာအလုပ်အပြင် တခြားအကြောင်းအရာတွေကိုလည်း နှံ့နှံ့စပ်စပ် သိထားဖို့ လိုအပ်တာမို့ Generalist သမားတွေဖြစ်မှ ရပါမယ်။

၃။ Book smart လား Street smart လား

Book smart ဆိုတာက စာတော်တဲ့သူ၊ စာပေဖတ်မှတ်ပြီး အသိပညာကြွယ်ဝတဲ့သူပေါ့။ Street smart ဆိုတာကတော့ မြင်သာအောင် ဥပမာပေးရရင် အိန္ဒိယ၀တ္ထုတွေထဲက လမ်းပေါ်မှာနေ၊ လမ်းပေါ်မှာကြီးပြီး အလုပ်လုပ်ရင်း၊ ဒုက္ခသုက္ခတွေရောက်ရင်း၊ ကြိုးစားရင်း သူဌေးဖြစ်လာသူတွေလိုမျိုးပေါ့။ ပညာရယ်လို့တော့ ကောင်းကောင်းမတတ်ဘူး။ သို့သော် လမ်းမက၊ ဘ၀က သင်ပေးတဲ့ ပညာတွေတော့ ရှိတယ်။ ဘယ်လိုလူကို ဘယ်လိုပေါင်းလိုက်ရင် ရမယ်၊ လူတွေရဲ့ သဘောမနောက ဘယ်လိုရှိတယ်၊ လူတွေက ဘယ်လိုလှည့်တတ်ပတ်တတ်တယ် စသဖြင့် အတွေ့အကြုံက သင်ပေးတာကို ခံခဲ့ရတဲ့သူတွေပေါ့။ ကိုယ်က Book smart သမားဆိုရင် လူအချင်းချင်း လှည့်တာပတ်တာ၊ တိုက်တာခိုက်တာနည်းတဲ့ အလုပ်သဘာဝမှာဆို အဆင်ပြေတာပေါ့။ လူတွေအများကြီးနဲ့ ဆက်ဆံရပြီး လူ့သဘောလူ့မနောကို သိထားဖို့ လိုအပ်တဲ့အလုပ်မျိုးကျ Street smart သမားက ပိုအဆင်ပြေ၊ ပိုအောင်မြင်နိုင်တာပေါ့။

၎။ Risk taking လား Stability လား

တချို့ပြောကြတာ ရှိတယ်။ ၀န်ထမ်းဘ၀က မကောင်းဘူးပေါ့။ သူတို့ပြောတာလည်း မှန်သင့်သလောက်တော့ မှန်တယ်။ ၀န်ထမ်းဆိုတော့ ကိုယ့်ဘ၀ကိုယ်မပိုင်ဘူး။ သူများချထားတဲ့ စည်းကမ်းအတို်င်း အလုပ်လုပ်ရတယ်။ ချက်ချင်းလက်ငင်း ချမ်းသာသွားဖို့ရာလည်း မလွယ်ဘူး။ ဒါပေမယ့် အဲဒီလိုဆို လူတိုင်းက ကိုယ်ပိုင်စီးပွားရေး ထလုပ်နေရတော့မှာလား။ ဒီလိုတော့လည်း မဟုတ်သေးဘူး။ တချို့က Risk ယူရတာ၊ စွန့်စားရတာကို ကြိုက်တယ်။ သိန်း ၅၀ ရှိရင် သိန်း ၅၀ လုံး ရင်းနှီးရမယ်ဆိုလည်း ၀န်မလေးဘူး။ ရှုံးသွားလည်း ခံနိုင်တယ်။ ဒီလိုလူတွေ ရှိသလို၊ အဲ့လိုရင်းနှီးမြှုပ်နှံရတာ၊ အလျော်အစားကြီးတာတွေ မလုပ်ချင်ဘဲ ပုံမှန်ဝင်ငွေလေးပဲ လိုချင်တယ် ဆိုတဲ့သူလည်း ရှိမယ်။ ဒါကြောင့် ကိုယ်ပိုင်လုပ်ငန်းလုပ်မှ ကောင်းမယ် ဆိုတာမျိုးတွေ နားမယောင်ဘဲ ကိုယ်နဲ့ကိုက်ညီတာကိုပဲ လုပ်စေချင်တယ်။ ကိုယ်က တအားမချမ်းသာရင် နေပါစေ၊ တည်တည်ငြိမ်ငြိမ် နေရတာကိုပဲ သဘောကျတယ်ဆိုရင်လည်း ၀န်ထမ်းလုပ်၊ စီးပွားရေးလုပ်မယ်ဆိုတောင် သိပ်အတက်အကျ မကြမ်းတဲ့ လုပ်ငန်းမျိုးကိုလုပ်။ စွန့်စားရတာ ကြိုက်တယ်ဆိုလည်း ဒီအတိုင်း မိုက်ရူးရဲနေမယ့်အစား တကယ်ကို ထွန်းပေါက်အောင်မြင်အောင် လုပ်။ ဒီလိုမှပဲ လူတွေဟာ အောင်မြင်ပျော်ရွှင်တဲ့ ဘ၀ကို ရနိုင်မှာဖြစ်ပါတယ်။

ဒီတော့ အနှစ်ပြန်ချုပ်ရရင် လူတစ်ယောက်အောင်မြင်ဖို့မှာ ကျောင်းတုန်းက စာဘယ်လောက်တော်ခဲ့သလဲ ဆိုတာကပဲ အရာအားလုံးကို အဆုံးအဖြတ် မပေးနိုင်ဘူး။ ဒါကြောင့် အောင်မြင်ချင်တယ်ဆိုရင် ပထမဆုံးအဆင့်အနေနဲ့ ကိုယ့်ကိုယ်ကိုယ်သိဖို့ သိပ်အရေးကြီးပါတယ်။

ကျွန်တော် သိပ်ကြိုက်တဲ့ စကားလေးတစ်ခွန်းနဲ့ ဒီဆောင်းပါးကို အဆုံးသတ်လိုပါတယ်။

“တကယ်တော့ လောကမှာ ညံ့တဲ့သူဆိုတာ မရှိဘူး။ ဘုရားသခင် ထည့်ပေးလိုက်တဲ့ အစွမ်းအစတွေကို ရှာမတွေ့သေးတဲ့သူပဲ ရှိပါတယ်”

ဒါကြောင့်မို့ ကိုယ့်အစွမ်းအစတွေကို ရှာပါ။ ကိုယ့်ကိုယ်ကိုယ် ရှာပါ။ ပြီးရင် ကိုယ်နဲ့ အံဝင်ခွင်ကျဖြစ်မယ့် ပတ်ဝန်းကျင်ဆီကို အရောက်သွားပါ။ မျောက်ဟာ အပင်ပေါ် တက်ခွင့်ရတဲ့နေ့၊ ငါးဟာ ရေထဲကူးခတ်ခွင့်ရတဲ့နေ့၊ မြင်းဟာ ကုန်းပေါ်မှာ ပြေးလွှားခွင့်ရတဲ့နေ့သည် သူ့အတွက် အောင်မြင်မှုတွေ စတင်တဲ့နေ့ပဲ ဖြစ်ပါတယ်။

ဒေါက်တာ ဖြိုးသီဟ

(မှတ်ချက် - Voice weekly တွင် ဖော်ပြပြီးသား ဆောင်းပါးကို အနည်းငယ်ပြင်ဆင်ထားပါသည်)
ဖိုးသူတော် (www.phothutaw.com)
Credit:#B_jack
#