ညဘက်တွေဆို တိုက်ခန်းလှေကားခြေရင်းမှာ ငိုနေတတ်တဲ့ ကောင်မလေး
ဒီအိမ်မှာနေတာ ဒီနေ့ဆိုနှစ်လခွဲပြည့်ပြီ။

တိုက်က ကိုယ်ပိုင်ဆောက်ထားတဲ့ လေးထပ်တိုက် ကျွန်တော်နေတာက ပထမထပ်၊ ဒီတိုက်ခန်းကို ပြောင်းလာတာ မကြာသေးဘူး။

တိုက်ခန်းရဲ့ မြေညီထပ်မှာ မြေရှင်လင်းမယား နှစ်ယောက်နေတယ်၊ ပထမထပ်မှာက ကျွန်တော်နေတယ်။ ဒုတိယထပ်နဲ့ တတိယထပ်က လူမနေတဲ့ အခန်းလွတ်တွေ။ လေးလွှာမှာတော့ ဘာသာခြား မိသားစုလေးယောက် (အဖေ၊ အမေ၊ သားတစ်ယောက်၊ သမီးတစ်ယောက်) နေကြတယ်တဲ့ (နောက်မှပြန်သိရတာပါ)။ တိုက်ခန်းမှာ နေသူတွေရဲ့ ထုံးစံအတိုင်း ပတ်ဝန်းကျင်နဲ့ သိပ်ပြီးရောရောယှက်ယှက် မနေကြဘူး။

ကျွန်တော်အိမ်ပြန်နောက်ကျတဲ့ညတွေဆိုရင် လှေကားရင်းမှာထိုင်ပြီး ဖုန်း ပြောပြောနေတဲ့ ကောင်မလေးတစ်ယောက်နဲ့ အမြဲဆုံတယ် (ချာတိတ်မဆိုတော့ ဘဲနဲ့ဖုန်းခိုးပြောတာနေမှာပေါ့)။
ပထမကတော့ ကျွန်တော်လည်း အမှတ်တမဲ့ပါပဲ။ သူကလည်း လမ်းဖယ်ပေးပါတယ်။ ကိုယ်လည်း ကိုယ့်အခန်းသော့ဖွင့်ဝင်၊ အိပ် ဒါပါပဲ။

နောက်ပိုင်းသူနဲ့ လှေကားမှာ ဆုံတဲ့အခါ ရီပြ ပြုံးပြရှိလာတယ်။ သူက ယဉ်ယဉ်ကျေးကျေးပြုံးပြ နှုတ်ဆက်တော့ ကိုယ်လည်း ပြုံးပြပြီး ပြန်နှုတ်ဆက်ဖြစ်ပါတယ်။
သူကလေးလွာမှာနေတဲ့ ကောင်မလေးဆိုတာလောက်တော့ ကျွန်တော်သိထားတယ်။ အိမ်ကတင်းကြပ်လို့ အားလုံးအိပ်မှ ခိုးဆင်းပြီး ရည်းစားနဲ့ ဖုန်းခိုးပြောတဲ့ အနေအထားဆိုတာ ကိုယ်လည်းနားလည်ပါတယ်။

တစ်ချို့နေ့တွေဆို “ပြန်လာပြီလား ဘရားသား” ဘာညာနဲ့ နှုတ်တ်ဆက်တတ်ပါသေးတယ်။ ကိုယ်လည်းခေါင်းငြိမ့် အသိအမှတ်ပြု အခန်းထဲဝင်လိုက်တယ်။
ကမ္ဘာဖလားပွဲတွေစတော့ ည ၁၂ ခွဲပွဲလက်ဖက်ရည်ဆိုင်သွားကြည့်၊ ပြန်လာရင် တော်တော်မိုးချုပ်တယ်။ အောင်မယ် ဒင်းကတော့ဖုန်းပြောလို့ ကောင်းတုန်းဗျာ။

နောက်ပိုင်း သူ့ရည်းစားနဲ့ ဘာဖြစ်တယ်မသိလူး ကိုယ့်တောင် လမ်းမဖယ်ပေးချင်တော့ဘူး။ ကိုယ်လည်း နားလည်ပေးပြီး ရှောင်ကွင်းပဲ သွားလိုက်တယ်။ ကျွန်တော်ထင်တယ်။ လွန်ခဲ့တဲ့ဆယ်ရက် ဆယ့်ငါးရက်လောက်ကမှ လှေကားမှာမှီထိုင်းရင်း ငိုနေတာတွေ၊ နံရံကို ခေါင်းနဲ့မှီထားတာတွေ ဖြစ်လာတယ်။ ဖုန်းတော့ပါတယ်။ ကိုယ်လည်း အားနာတာနဲ့ မစပ်စုတော့ပါဘူး၊ ကိုယ့်ဟာကိုယ်အသာလေးပဲ အခန်းပေါ်တက်သွားလိုက်တယ်။ နားလည်ပါတယ်လေ။ သမီးရည်းစားတွေဆိုတာ ဒီလိုပဲ စိတ်ဆိုးစိတ်ကောက် ငိုလိုက်ရီလိုက်ဆိုတာ သဘာဝပဲလေ။

အမူမဲ့အမှတ်မဲ့ပဲထားလိုက်တော့တယ်။ ဘောလုံးပွဲတွေကလည်း ကောင်းလိုက်တာ ပြောမနေနဲ့ သွားကြည့်ပြီးပြန်လာရင် ပင်ပန်းပြီး အိပ်ချင်နေပြီ။ သူကတော့ ထုံးစံအတိုင်း လှေကားရင်းမှာ သူ့ဖီးလ်နဲ့သူ ဆိုတော့ ကိုယ်လဲ မနှောက်ယှက်တော့ပါဘူး ကိုယ့်အခန်းကိုဝင်၊ သူနှုတ်မဆက်တော့လည်း ကိုယ်လည်း နှုတ်ဆက်မနေတော့ပါဘူး။
အဲတစ်ခုပဲ… လမ်းမဖယ်ပေးတာကတော့ စိတ်ထဲနဲနဲ ကသိကအောက်ဖြစ်တယ်။

ဒီနေ့မနက်တော့ ကောင်မလေး ဘာကြောင့် ညည လှေကားရင်းမှာ ထိုင်ပြီးငိုနေလည်းဆိုတာ အဖြေကရှင်းသွားတယ်။ အဖြေရှင်းသွားသလို လူလည်း ကြက်သီးမွှေးညှင်းထပြီး ဖျားချင်သလိုလိုပါဖြစ်သွားတယ်။

မနက်က သူ့အမေက နို့စိမ်းခေါက်ဆွဲနဲ့ မုန့်အချိုလေးတွေ လာပေးသွားတယ်။ အန်တီ့သမီး ဆုံးတာ လေးဆယ့်ငါးရက်ပြည့် မို့လို့တဲ့။

သေပြီလေ… တစ်ကိုယ်လုံး တောင့်တင်းပြီး ဘာပြန်ပြောရမှန်ကို မသိပဲ မေ့မြောချင်သလိုဖြစ်သွားတယ်။ ဒါပေမယ့် ဟန်မပျက်လေးပဲ စိတ်မကောင်းကြောင်းပြော ချိုင့်ပြန်လှယ်ပေးလိုက်တယ်။ ကျွန်တော် ညတိုင်း လှေကားရင်းမှာ တွေ့ခဲ့ရတာတွေကိုတော့ ပြန်မပြောတော့ပါဘူး၊ ဘာသာခြားဆိုတော့ အယုံအကြည်မရှိ မကြိုက်မှာစိုးတယ်လေ။

ဘာသာခြားတွေဆိုတော့ တိုက်အောက်မှာ ကုလဖျင်းမထိုးတော့ လူသေမှန်းလည်း မသိဘူးလေ။

ဒီနေ့ည ၁၂ နာရီခွဲပွဲ ကလည်း အရမ်းကောင်းမှာ မကြည့်ပဲလည်း မနေနိုင်ဘူး။ ပြန်လာရင် ငိုနေတဲ့ကောင်မလေးနားက ဖြတ်ပြီးတက်သွားရမှာဆိုတော့.. ကျွန်တော် ဘာလုပ်ရင်ကောင်းမလဲနော်..

မှတ်ချက်။ ။ လူမှုကွန်ယက်တွင် ပျံ့နှံ့နေသော အကောင့်ပိုင်ရှင် Rahul Jaykar ရဲ့ အဖြစ်ပျက်ကို ဆီလျှော်အောင် အနည်းငယ်ပြုပြင်ထားသည်မှအပ အဖြစ်ပျက်အားလုံး မူရင်းအတိုင်းသာဖြစ်ပါတယ်။

ဖိုးသူတော် (www.phothutaw.com)
Credit: Myanmar News
#