ညဘက်ကို ကောင်းကောင်းလေးအိပ်ပျော်စေတဲ့ ငါးမိနစ်စာနည်းလမ်း
လူတိုင်းနီးပါး အမြဲတမ်းကြုံဖူးနေကျ ကိစ္စလေးတစ်ခုရှိတယ်ဗျ။ တခြားတော့မဟုတ်ပါဘူး။ ညဘက် အေးဆေးအိပ်တော့မယ်ဆိုပြီး ခေါင်းအုံးပေါ်ခေါင်းချဖို့ကြံခါမှပဲ ကိုယ့်ဦးနှောက်ကြီး ကိုယ့်ကို သစ္စာဖောက်တာကို ခံရတော့တာပဲ။ ရှိသမျှ အတွေးတွေ ပလုံစီလာတာလေ...

" အား...နက်ဖြန်တော့ သူဌေးနဲ့ချိန်းထားတဲ့ အလုပ်ကိစ္စကြီး မလုပ်ချင်ဘူး " ၊ " မနက်ကျရင်တော့ အိမ်အတွက် ဈေးဝယ်ရမယ် " ၊ " ဟင်... အမေ့ဆီ ဖုန်းဆက်ဖို့မေ့နေလိုက်တာ "စသဖြင့် ကိုယ်စီကိုယ်စီ ဖြစ်ဖူးကြပါလိမ့်မယ်။

အိပ်ခါနီးအချိန်ကျမှ အတွေးပေါင်းစုံတွေ စုပြုံလာပြီး ဟိုတွေးဒီတွေးနဲ့ အိပ်မရဖြစ်ရတယ်ဆိုတာ အခုခေတ်မှာ လူတိုင်းနီးပါး ဖြစ်တတ်ပါတယ်။ အထူးသဖြင့် တစ်နေ့လုံး အလုပ်တွေ များလွန်းတဲ့သူတွေမှာ ပိုပြီးဖြစ်ပါတယ်။ ဒီအချိန်မှပဲ ကိုယ့်အကြောင်းကိုယ်ပြန်တွေးချိန်ရတာကိုး။ ဒီလိုကြုံနေရပါတယ် ဆိုတဲ့ ကိုယ့်လူတွေအတွက် ငါးမိနစ်စာလောက် အချိန်ပေးရုံနဲ့ ကောင်းကောင်းအိပ်ပျော်စေမယ့် နည်းလမ်းကောင်းလေးကို အဖြေရှာပေးချင်လို့ပါ။

ထူးထူးခြားခြား မဟုတ်ပါဘူး။ ရိုးစင်းပြီး ထိရောက်ပါတယ်။ အိပ်ရာမဝင်ခင်လေးမှာပဲ ကိုယ့်အတွက် ဖိစီးဝန်လေးနေစေတဲ့ အတွေးတွေကို စာရွက်ပေါ်မှာ လက်ရေးနဲ့ ချရေးတတ်တဲ့ အကျင့်လေးလုပ်ပေးဖို့ပါပဲ။ အဲ... စာရေးပျင်းတဲ့သူတွေအတွက်တော့ သတင်းကောင်းပါပဲ။ မနက်ဖြန်လုပ်ရမယ့်အလုပ်၊ နောက်ထပ်ရက်တွေမှာ အရေးတကြီးလုပ်ရမယ့် ကိစ္စဝစ္စအစီအစဉ် တွေကို ခေါင်းထဲပေါ်လာသမျှ (၅) မိနစ်ဆိုမှ (၅) မိနစ်စာလေးပဲ ချရေးပေးရမှာပါ။

၁။ ကိုယ့်အနာဂတ်နဲ့ မနက်ဖြန်မှာ မေ့သွားလို့မဖြစ်ဘဲ မဖြစ်မနေလုပ်ရမယ့်ကိစ္စတွေကို စာရွက်ပေါ် ချရေးပေးလိုက်ပါ။ ချရေးပြီးတဲ့အခါ မေ့သွားစရာအကြောင်းမရှိတော့လို့ လူဟာ စိတ်သက်သာရာရရပါတယ်။ အတွေးဝန်ပိုစရာမရှိတော့လို့ စိုးရိမ်သောကကင်းပြီး စိတ်အေးလက်အေးဖြစ်တဲ့အခါ လူကို အလွယ်တကူ အိပ်ပျော်စေပါတယ်။

၂။ နောက်တစ်ချက်က ကိုယ့်စိတ်ထဲရှိသမျှကို ခံစားရသလို စာရွက်ပေါ် ချရေးပြီး ဖွင့်ထုတ်ပစ်လိုက်တဲ့ အကျင့်ဟာ စိတ်ဖိစီးမှုကိုပါ သိသိသာသာ လျော့ပါးစေနိုင်ပါတယ်။ ဒါ့ကြောင့် စိတ်ပိုင်းဆိုင်ရာကျန်းမာရွှင်လန်းချင်သူတိုင်း အချိန်မရွေး ကျင့်သုံးပေးသင့်တဲ့ အလေ့အကျင့်ထူးပါ။ စိတ်ကိုပေါ့ပါးစေပါတယ်။ စိတ်ရှင်းလက်ရှင်းရှိတဲ့အခါ ကျွန်တော်တို့အတွက် အလုပ်လုပ်လို့လည်း ပိုကောင်းတယ်မဟုတ်လား။ ဒါကြောင့် အတွေးတွေများလို့ ရှုပ်ထွေးလာကြရင် စာရွက်ပေါ်စာစီပြီး စာရေးပေးကြပါခင်ဗျာ။ နောက်ဆုံး စာရွက်မလွယ်ရင် ဖုန်း၊ ကွန်ပျူတာမှတ်စု (Note) ထဲ ချရေးပစ်လိုက်ရုံပါပဲ။

ညစဉ်ညတိုင်း စိတ်ချမ်းသာကိုယ်ချမ်းသာ မှေးစက်အနားယူနိုင်ကြပါစေ။

ဖိုးသူတော် (www.phothutaw.com)
Credit: YoYarLay