ဝလွန်းသော ကလေးများ အလွယ်တကူ စိတ်ဓာတ်ကျနိုင်
 အသက် (၆) နှစ်အထိငယ်ရွယ်သော ကလေးငယ်များအ၀ လွန်နေပါက တစ်သီးတစ်သန့်နေထိုင်လေ့ရှိကြပြီး စိတ်ဓာတ်ကျနေ သည့် လက္ခဏာများ ပိုမိုပြသလေ့ရှိကြောင်း လေ့လာမှုတစ်ခုအရ သိရသည်။

၎င်းတို့အပေါ် ရွယ်တူတန်းတူများသဘောကျမှု ပိုနည်းပါးပြီး အတန်းဖော်များ၏ နောက်ပြောင်ကျီစယ်ခြင်း မကြာခဏခံရကြောင်း လေ့လာသူများက ပြောကြားသည်။

အ၀လွန်ခြင်းသည် ကလေးများအတွက် ရုပ်ပိုင်းဆိုင်ရာ ကျန်း မာရေးပြဿနာများဖြစ်ပေါ်လာနိုင်ပြီး စိတ်ပိုင်းဆိုင်ရာအခက်အ ခဲကြုံတွေ့ရသည့် အန္တရာယ်များရှိကြောင်း အမေရိကန်နိုင်ငံ အိုကလာဟိုးမားပြည်နယ် တက္ကသိုလ်မှ သုတေသီများက ပြောကြား သည်။

အ၀လွန်နေသည့် ကလေးများသည် ရွယ်တူတန်းတူများ၏ နောက်ပြောင်ခြင်းမခံရစေရန် ရှောင်ကြဉ်မှုကြောင့် ကိုယ်လက်လှုပ်ရှားမှုနည်းလာနိုင်သည် (သို့မဟုတ်) အများ၏ ၀ိုင်းပယ်ခြင်းခံရ၍  အစားအသောက်ကို စိတ်ခံစားချက်အတိုင်း စားသောက်လေ့ရှိကြ သည်။ ယင်းအပြုအမူနှစ်ခုစလုံးက နောက်ထပ်ကိုယ်အလေးချိန် တက်လာစေနိုင်ကြောင်း သုတေသီများက ပြောသည်။

မိမိတို့၏ လေ့လာမှုအတွင်း ပါဝင်သည့် အ၀လွန်ဖြစ်နေသော ကလေးငယ်များသည် အထီးကျန်ခြင်း၊ စိတ်ဓာတ်ကျခြင်းနှင့် ရန်လိုခြင်း ခံစားချက်များ၏ အန္တရာယ်ကို ကြီးကြီးမားမား ခံစားကြရကြောင်းနှင့် ယင်းကလေးငယ်များသည် ကျောင်းမတက်ဘဲ နေလေ့ရှိကာ နောက်ပိုင်းတွင် ကျောင်းမှ ထွက်ရခြင်းတို့ ဖြစ်ပေါ်နိုင် ကြောင်း သုတေသီများကပြောသည်။

ယခုလေ့လာမှုတွင် အိုကလာဟိုးမားပြည်နယ်ရှိ ကျေးလက်စာ သင်ကျောင်း ၂၉ ကျောင်းမှ ပထမတန်းကျောင်းသား ၁,၁၆၄ ဦးပါ ၀င်ပြီး အ၀လွန်ဖြစ်နေသော ကလေးငယ်များ၏ လူမှုဘ၀နှင့် စိတ် ခံစားချက်အခြေအနေတို့ကို လေ့လာခဲ့ခြင်းဖြစ်သည်။

အ၀လွန်ဖြစ်နေသောကလေးငယ်များကို ၎င်းတို့၏ ကစားဖော် များက သဘောကျမှုပိုနည်းပါးပြီး ရွယ်တူများ၏ ငြင်းပယ်ခြင်းကိုခံကြရကြောင်း သုတေသီများ လေ့လာတွေ့ရှိခဲ့သည်။

ယင်းအခြေအနေအတွက် ကြားဝင်ဖြေရှင်းမှု(သို့မဟုတ်) ကာ ကွယ်မှုများကို စောစောစတင်သင့်ပြီး ရွယ်တူများကြား ဆက်ဆံရေး ကို အဓိကထားဖြေရှင်းပေးသင့်ကြောင်း သုတေသီများက ပြော သည်။

ဖိုးသူတော် (www.phothutaw.com)
Credit : 7day daily