တော်တော်ဒုက္ခပေးတဲ့အချစ်
တော်တော်ဒုက္ခပေးတဲ့အချစ်

အချစ်က တစ်ခါတစ်လေ စစ်တပ်ကပေးထားတဲ့ စစ်မှန်၍ စည်းကမ်း ပြည့်ဝသော ဒီမိုကရေစီဆိုတာနဲ့ တူတယ် ကိုယ့်ကိုယ် အသာစီး ၇၅ ကျပ်သားပေးထားပေမဲ့ သူဆီမှာ ကျန်နေတဲ့ ၂၅ ကျပ်သားက ပိုပီး လေးနေပြန်တယ်။အချစ်က တစ်​ခါတစ်​​လေ ပြည်တွင်းငြိမ်းချမ်းရေးနဲ့ တူတယ် ၂၁ ရာစု ပင်လုံမှသည် ထာဝရငြိမ်းချမ်းရေးဆီသို့ လို့ဆိုပေမဲ့ မျှော်လင့်နေတဲ့သူ အားလုံးကို လည်ပင်း ညောင်ရေအိုး ဖြစ်စေတယ်။

အချစ်က တစ်ခါတစ်လေ လွတ်တော်ကြီးနဲ့ တူတယ် အငြင်းအခုံတွေ ထောက်ခံမှုတွေ ကန့်ကွက်မှုတွေနဲ့ စုံနေပေမဲ့ သူ့အတွက်တောင်မှ ကောင်းမွန်တဲ့ နည်းဥပဒေ အက်ဥပဒေ မထုတ်ပြန်နိုင် ဖြစ်နေတယ်။အချစ်က တစ်ခါတစ်လေ ပြည်ထဲရေးဝန်ကြီးနဲ့တူတယ် ပြဿနာပေါင်း သောင်းခြောက်ထောင်လောက် သူ့မျက်စိရှေ့မှောက်မှာ ဖြစ်နေတာကို မြင်တွေ့နေရပီး အတွင်း​ကြေ ကျေနေပေမဲ့ သူနဲ့မဆိုင်လို နေနိုင်တယ်။

အချစ်က တစ်ခါတစ်လေ တရားစီရင်ရေးနဲ့တူတယ် အရင်တုန်းကလည်း သုံးနှစ်သုံးမိုး စောင့်ခိုင်းသလို အခုလည်း အဲဒီလောက် နီးနီး စောင့်ခိုင်း ပြန်တယ်။အချစ်က တစ်ခါတစ်လေ သက်တမ်းလွန်ခိုးမှူးကြီး နဲ့တူတယ် ရှေ့နောက်မညီ စကားတွေ အကြိမ်ကြိမ် ပြောနေပေမဲ့ သူ့စကားကိုသူ ဘယ်တော့မှ အာမခံတယ် တာဝန်ယူတယ် လို့ မပြောပြန်ဘူး။

အချစ်က တစ်​ခါတစ်​​လေ စစ်ထောက်ခံပွဲတွေနဲ့ တူနေပြန်တယ် လိုအပ်မှန်းမသိ မလိုအပ်မှန်းမသိ သူ့ရဲ့ဆန္ဒကို ရှေ့တန်းတင်ပြဘို့ပဲ အမြဲတမ်းတွေးနေတတ်တယ်။အချစ်က တစ်ခါတစ်လေ ကာကွယ်ဘတ်ဂျက်နဲ့တူတယ် ကွယ်ရာမှာ သူဘယ်လိုသုံးသုံး ဘာတွေလုပ်လုပ် ဘယ်လောက်ပဲလော်မာနေပါစေ သူ့ကို စစ်ဆေးပိုင်ခွင့် မရှိပြန်ဘူး။အချစ်က တစ်​ခါတစ်​​လေ ၂၅ ရာခိုင်နှုန်း လွတ်တော်ကိုယ်စားလှယ် တွေနဲ့ တူနေပြန်တယ် သူတို့လုပ်ချင်ရာလုပ်ခွင့်ရနေရင်သာ ကြိတ်ပီး တစ်ဖုံ ၊ လက်ခုပ်လက်ဝါးတီးပီး တစ်သွယ် ပျော်ရွင်မြူးတူးနေပေမဲ့ သူ့ကို နည်းနည်းလောက် အတားအစီးလုပ်ရင် ဒီမိုကရေစီ မုဒိန်းကျင့် ခံရတာပါ သူ့တို့ဆန္ဒကို မျက်ကွယ်ပြုတာပါလို့ ပြောပြန်တယ်။

အချစ်က တစ်ခါတစ်လေ နိုင်ငံတော်၏အတိုင်ပင်ခံပုဂ္ဂိုလ် ခန့်ထားတဲ့ ညွန်ချုပ်နဲ့ တူပြန်တယ် သူ့ကို တစ်ကယ်ချစ်ပီး အားကိုးနေတာက တစ်ယောက် သူပြန်ပီး စိတ်ဝင်စားနေတာက တစ်ယောက်။ (ရင်ခွင် ဟောင်းကို သတိယနေတယ် ထင်ပါရဲ့)

အချစ်က တစ်ခါတစ်လေ ဆွေမျိုးပေါက်ဖော်ဆိုတဲ့ တရုတ်ကြီးနဲ့ တူနေပြန်တယ် သူ့ကို နှစ်သက်မှန်းမသိ မနှစ်သက်မှန်းမသိ သူကို့ ခေါ်ခေါ်မခေါ်ခေါ် သူကတော့ လျှောက်ပြန်သံပေးပီး အမြဲတမ်း ရောက်အောင် လာတတ်တယ်။အချစ်က တစ်​ခါတစ်​​လေ သူတို့ပြောတဲ့ ခိုးဝင်ဘင်္ဂါလီဆိုတဲ့ သူတွေနဲ့ တူနေပြန်တယ် နှင်ထုတ်ဖို့ အရမ်းလွယ်ကူပေမဲ့ ပြန်ခေါ်တဲ့အချိန်ကြ ကန်တော့ပွဲတွေ ကတိတွေအထပ်ထပ်တွေနဲ့ ပြန်ခေါ်တာတောင် ပြန်လာချင်မှလာမယ်ဆိုတဲ့ အချိုးမျိုး။အချစ်က တစ်​ခါတစ်​​လေ သက်တမ်းလွန်ခိုးမှူးကြီး နဲ့ တူနေပြန်တယ် သူ့လောက်အရည်အချင်း ရှိတဲ့သူမရှိပါဘူးဆိုပီး ကိုယ့်သဘောနဲ့ကိုယ် သက်တမ်းတိုးတတ်ပြန်တယ်။အချစ်က တစ်​ခါတစ်​​လေ မြန်မာနိုင်ငံနဲ့တူတယ် ကယ်မဲ့သူဘယ်လိုပဲ တော်နေပါစေ ယုတ်မာတဲ့သူတွေရဲ့ လက်ထဲက ဘယ်တော့မှကို မလွတ်နိုင်သေးဘူး။

အော် … တော်တော်ဒုက္ခပေးတဲ့ အချစ်။

ဖိုးသူတော် (www.phothutaw.com)
Credit: PoPin
#