နာမည်ကျော်ဘောလုံးသမားတွေကို ဂိုးတိုင်အနောက်ကနေ ဂိုးသွင်းပြဖို့ စိန်ခေါ်လိုက်တဲ့ ဘာလော့တယ်လီ
ဂိုးတိုင်အနောက်ကနေ ဂိုးသွင်းဖို့” လို့ ပြောရင် ဘယ်သူမှ ဖြစ်နိုင်မယ်လို့ မထင်ကြပါဘူး။ ဖြစ်နိုင်တယ်လို့ ထင်တဲ့သူတွေကလည်း ဂိုးပိုက်ကို အရှေ့ဖက်ဆီ ပြောင်းတပ်ကြလိမ့်မယ် လို့ တွေးကြမယ့်သူတွေပါ။

Admin ကိုယ်တိုင်လည်း တစ်ယောက်ယောက်က “ဂိုးတိုင်ရဲ့ အနောက်ကနေ ဂိုးသွင်းပြမယ်” လို့ လာပြောရင် ယုံမှာမဟုတ်ပါဘူး။ ဒါပေမယ့် လက်တွေ့မှာတော့ ပရော်ဖက်ရှင်နယ်ဘောလုံးသမားတွေရဲ့ကြားမှာ ဒီကိစ္စက ခေတ်စားလာခဲ့ပါပြီ။

တကယ်တော့ ဒီကိစ္စက အီတလီအသင်းရဲ့တိုက်စစ်မှူး ဘာလော့တယ်လီက စတင်ခဲ့တာပါ။ ဘာလော့တယ်လီက သူ့ရဲ့ အင်စတာဂရမ် ဗီဒီယိုတစ်ခုထဲမှာ ဂိုးတိုင်ရဲ့အနောက်ဖက် တော်တော်ဝေးဝေးကနေ ဂိုးပေါက်ထဲကို ဘောလုံးဝင်အောင် ကန်သွင်းခဲ့တာဖြစ်ပြီး အခြားနာမည်ကျော်ကစားသမားတွေဖြစ်တဲ့ နေမာ၊ ပရင့်စ်ဘိုတန်၊ ဘက်ပီ၊ ပေါ့ဂ်ဘာ၊ အီဗရာဟီမိုဗစ်နဲ့ မာဆယ်လို တို့ကို သူ့လိုကန်သွင်းနိုင်မလား ဆိုပြီး စိန်ခေါ်ခဲ့တာပါ။

ဘာလော့တယ်လီလိုမျိုး ကန်သွင်းနိုင်မယ့်သူ ရှိပါ့မလားဆိုပြီး ထင်ခဲ့ကြပေမယ့် ရီးယဲလ်အသင်းရဲ့ နောက်ခံကစားသမား မာဆယ်လိုကတော့ ဒီ စိန်ခေါ်မှုကို လက်ခံခဲ့ပြီး ဂိုးပေါက်ရဲ့ အနောက်ဖက်ကနေ ဂိုးဝင်အောင် ကန်သွင်းပြခဲ့ပါတယ်။

မာဆယ်လိုက ရီးယဲလ်အသင်းရဲ့ လေ့ကျင့်ရေးကွင်းထဲမှာ ဂိုးပေါက်ရဲ့ အနောက်ဖက် ခပ်လှမ်းလှမ်းကနေ ဘောလုံးကို ဂိုးပေါက်ထဲ နောက်ပြန်ဝင်အောင် ကန်သွင်းပြခဲ့တာပါ။

ဒါကပဲ ပရော်ဖက်ရှင်နယ် ကစားသမားတွေရဲ့ စကေးဆိုတာကို လူတွေ သိသွားစေပြီး ဂိုးဝင်သွားပြီးတဲ့နောက် အသင်းဖော် ကာစီမီရိုနဲ့အတူ အောင်ပွဲခံခဲ့ပါတယ်။

မာဆယ်လို က သူ့ရဲ့ အင်စတာဂရမ်အကောင့်ကနေ သူ့လိုမျိုး ဂိုးသွင်းပြဖို့ အသင်းဖော် ကာစီမီရို ကို စိန်ခေါ်လိုက်ပြန်ပါတယ်။ ဒီ ဗီဒီယိုက ပရိသတ်တွေကြားမှာ လူကြိုက်များခဲ့ပြီး ချီးကျူးသူတွေလည်း အများကြီး ရှိခဲ့ပါတယ်။

မာဆယ်လိုဟာ ဘာလော့တယ်လီရဲ့ စိန်ခေါ်မှုကို လက်ခံခဲ့တဲ့ ပထမဆုံး ကစားသမားဖြစ်ပြီး နေမာ၊ မိုဗစ်၊ ဘက်ပီ တို့ ဒီစိန်ခေါ်မှုကို ဘယ်လိုတုန့်ပြန်မလဲဆိုတာ အားလုံးက စိတ်ဝင်တစား စောင့်ကြည့်နေကြပါတယ်။

ဖိုးသူတော် (www.phothutaw.com)
Credit: PoPin
#