ခင်ပွန်းသည် ရှိပါလျက် ငယ်ရွယ်သော အမျိုးသားတစ်ဦးနှင့် ဖောက်ပြန်နေသည့် မိန်းမကို လင်ယောက်ျားကိုယ်တိုင် အမိဖမ်း
၁၂ နှစ်ကြာပေါင်းသင်းနေထိုင်သော ခင်ပွန်းသည်ရှိသည့်တိုင် ငယ်ရွယ်သောအမျိုးသားတစ်ဦးနှင့် ပေါင်းဖောက်ပြန်ပေါင်းသင်းနေထိုင်သော အမျိုးသမီးကို တစ်လင်တစ်မယားဥပဒေဖြင့် အမှုဖွင့်ထားသည့်ဖြစ်စဉ် ပုသိမ်ကြီးမြို့ နယ်တွင် ဖြစ်ပွားခဲ့ကြောင်း သတင်းရရှိသည်။

မြန်မာနိုင်ငံရဲတပ်ဖွဲ့ ၏ စက်တင်ဘာ ၁၃ ရက်တွင် သတင်းထုတ်ပြန်လာချက်အရ မန္တလေးတိုင်းဒေသကြီး၊ ပုသိမ်ကြီးမြို့နယ်၊ မြို့တောကျေးရွာနေ ဇော်လင်း(ခ)ကိုမင်း (၃၂) နှစ်သည် လွန်ခဲ့သော (၁၂) နှစ်ခန့်က တစ်ရွာတည်းနေ မချိုမြင့် (၂၇)နှစ် နှင့်တရားဝင်ပေါင်းသင်း နေထိုင်ခဲ့ပြီး သား(၁)ဦး ထွန်းကားခဲ့ကြောင်း၊

ဇနီးသည် မချိုမြင့်မှာ တစ်ရွာတည်းနေ ကျော်မျိုးလင်း (၂၃) နှစ်နှင့် လူမှုရေးဖောက်ပြန်နေကြောင်း ပတ်ဝန်းကျင်၏ ပြောပြချက်အရသိရှိရသဖြင့် စောင့်ကြည့်နေခဲ့ရာမှ ယင်းကဲ့သို့ အဖြစ်မှန်ကို ကိုယ်တိုင်မြင်တွေ့ သိရှိခဲ့ခြင်းဖြစ်ကြောင်း ရဲမှတ်တမ်းတွင် ဖော်ပြထားသည်။

အထူးသဖြင့် စက်တင်ဘာ ၁၂ ရက် နံနက် ၃ နာရီအချိန်တွင် ၄င်း၏နေအိမ်၌ မချိုမြင့်နှင့် ကျော်မျိုးလင်းတို့ အတူပေါင်းသင်းနေထိုင်လျက်ရှိသည်ကိုတွေ့ရှိရသဖြင့် ၎င်းတို့(၂)ဦးအား အရေးယူပေးရေးအတွက် စက်တင်ဘာလ ၁၂ ရက် နေ့ လယ်ပိုင်း၌ နယ်မြေရဲစခန်းထံ တိုင်ကြားခဲ့သည်ဟု သိရသည်။

တိုင်ကြားချက်အရ အုန်းချောနယ်မြေရဲစခန်းက (ပ) ၁၉၆/၂၀၁၈၊ တစ်လင်တစ်မယားစနစ် ကျင့်သုံးခြင်းဆိုင်ရာဥပဒေပုဒ်မ ၁၃ ဖြင့် အမှုဖွင့်ထားပြီဖြစ်ကြောင်းလည်း သိရသည်။

ဖိုးသူတော် (www.phothutaw.com)
Credit: http://shweblog.com