တော်တော်ဖြစ်နေလားလို့ပြောလိုက်တဲ့ မြင့်မြတ်
မြန်မာနိုင်ငံတစ်ဝှမ်းလုံးက ပရိသတ်တွေရဲ့ သည်းသည်းလှုပ်အားပေးတာခံရတဲ့ ထိပ်တန်းမင်းသားမြင့်မြတ်ဟာ တစ်နေ့တစ်ခြားပိုပိုပြီး ပညာရည်တွေပြည့်ဝလာသလို တစ်နှစ်ထက်တစ်နှစ် အဘက်ဘက်မှာ သရုပ်ဆောင်ပိုကောင်းတာလာကိုလည်း တွေ့ရမှာပါ။ မကြာသေးမီကမှ ပရိသတ်တွေက ချစ်စနိုးနဲ့ ဂျင်းကောင်ပေါက်စလုိ့ခေါ်ကြတဲ့ သားဦးလေးကို မွေးဖွားထားပြီးဖြစ်တဲ့ မြင့်မြတ်ဟာ အင်တာဗျူးတွေဖြေရင်လည်း တကယ်ကို ပွင့်ပွင့်လင်းလင်းဖြေတတ်သူပါ။ မြင့်မြတ်က အခုလာမယ့် အောက်တိုဘာလ (၂၆)ရက်နေ့မှာ ရုံတင်ပြသတော့မယ့် “တော်တော်ဖြစ်နေလား” ဇာတ်ကားကြီးအကြောင်းနဲ့ နောက်ပိုင်းအနုပညာလှုပ်ရှားမှုတွေကို မီဒီယာတွေနဲ့ အင်တာဗျူးမှာပြောပြပေးသွားပါတယ်။

မြင့်မြတ်က ဇာတ်ကားကြီးကို တော်တော်ဖြစ်နေလား လို့ နာမည်ပေးဖြစ်ခဲ့ပုံကို “ဒါကပြောကြပါတယ်။ တစ်ခုခုကို အလွန်အကျူးသာမန်ထက်ပိုပြီးလိုချင်တာ လိုအပ်တာမျိုးဖြစ်နေရင် တော်တော်ဖြစ်နေလား တော်တော်ဖြစ်နေလားပေါ့နော် ဘယ်နေရာမဆိုသုံးလို့ရတယ်ပေါ့နော်။ အချို့ဆင်းန်တွေဆိုရင်ရိုက်တုန်းကတော့ အဲ့လောက်မရယ်ရဘူးပေါ့နော်။ ရုံထဲမှာပြန်ကြည့်တော့မှ ပိုရယ်ရတာလေးတွေတွေ့ရတယ်။ အဓိကကတော့ အန်တီဝါဝါအောင် ဆင်းန်ပေါ့နော်။ဒီအဘွားကြီးတော်တော်ဖြစ်နေလားဆိုပြီး ပြောရင်းနဲ့ ကိုသားကြီးရယ် ကိုကျော်ကျော်ဦးရယ် တော်တော်ဖြစ်နေလားဆိုရင်မိုက်တယ်ဆိုပြီးတော့လုပ်ဖြစ်တာပါ”လို့ ပြောပြထားပါတယ်။

မြင့်မြတ်က နောက်ပိုင်းမှ ဟာသကားလေးတွေလျှော့ရိုက်ဖို့ရှိကြောင်းကို “နောက်ပိုင်းကတော့ ဟာသကားတွေလျှော့ရိုက်ဖို့အစီအစဉ်ရှိတယ်။ဘာလို့လဲဆိုတော့ ဟာသကားတွေကျွန်တော်ရိုက်တာများနေလို့ပေါ့။”လို့ဖြေကြားထားပြီး ဇာတ်ကားတစ်ခုနဲ့တစ်ခု ပရီသတ်တွေကိုပေးချင်တဲ့ message တွေမတူကြောင်းကို “ဒါကတော့ ကားပေါ်မူတည်တာပေါ့။ ဟာသရိုက်တော့လည်းပျော်ရတာပေါ့နော်။ Drama ဆိုရင်တော့ အများအားဖြင့် ပညာပေးလေးတွေပါတာပေါ့နော်။ တော်တော်ဖြစ်နေလား ကားကတော့ ရယ်ရတာပေါ့နော်”လို့ ဖြေကြားထားပါတယ်။

မြင့်မြတ်က အခုရိုက်နေတဲ့ “ဂျလေဘီ”ကားကြီးအကြောင်းကိုလည်း “ဂျလေဘီကားကြီးကတော့ ရပ်ကွပ်ထဲက စရိုက်၊ပရမ်းပတာကို သူဌေးသမီးနဲ့ကြိုက်တဲ့ကားပေ့ါ။ သူဌေးသမီးကလည်း အူကြောင်ကျား ရပ်ကွက်ထဲကိုရောက်လာပြီးတော့ ပေါက်ကရတွေဖြစ်တာပေါ့နော်”လို့ပြောပြထားပါတယ်။

ပြောချင်လွန်းလို့ပရိသတ်ကြီးရော.. မြင့်မြတ်ကိုချစ်ကြလား မြင့်မြတ်ရဲ့ “တော်တော်ဖြစ်နေလား”နဲ့ “ဂျလေဘီ”ကို ရုံတင်ရင်သွားအားပေးကြမှာလား။ပြောခဲ့ကြဦးနော်။

ဖိုးသူတော် (www.phothutaw.com)
Credit: Can’t Wait To Say
#